ଡାଙ୍ଗବାହାଲ ରେ ନୂତନ ସମବାୟ ସମିତି ଶାଖା ଖୋଲିବାକୁ ଉପଜିଲ୍ଲାପାଳ ଙ୍କୁ ଦାବି ପତ୍ର ଦେଲେ ୮ ଖଣ୍ଡ ଗ୍ରାମ ର ଚାଷୀ

ଅଧିକାରୀ, ପେକ୍ସ ସଂପାଦକ ଓ ଅସାଧୁ ଧାନ ବ୍ୟବସାୟୀ ଙ୍କ ମନୋମୁଖୀ ସର୍ଭେ କୁ ନେଇ ଗ୍ରାମବାସୀ ଅସନ୍ତୋଷ । ପୁନଃ ସର୍ଭେ କରିବାକୁ ବିଭାଗିୟ ଅଧିକାରୀଙ୍କୁ ଉପଜିଲ୍ଲାପାଳ ଙ୍କ ନିର୍ଦ୍ଦେଶ ।

୧୦ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) ପାଟଣାଗଡ :- ନୂତନ କୃଷି ସମବାୟ ସମିତି ଶାଖା (ପେକ୍ସ) ଖୋଲିବା ପାଇଁ ଆଜି ଉପଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି ପାଟଣାଗଡ ବ୍ଲକ ଅନ୍ତର୍ଗତ ଡାଙ୍ଗବାହାଲ, ଗଭରା, ସୁଲିଆମାଲ, ଗୁଣ୍ଡିଚାଡିହ, ପଣ୍ଡରିପାଣି, ଗଡିଆଯୋର ଛୁଆଲିଉଦର ଓ, ସାରଥୀ ମୁଣ୍ଡା, ଆଦି ଗ୍ରାମର ଚାଷୀମାନେ । ଚାଷୀ ମାନଙ୍କ ଅଭିଯୋଗ ଅନୁଯାୟୀ ରାଜ୍ୟ ସରକାରଙ୍କ ତରଫରୁ ନୁତନ ସମବାୟ ସମିତି ମାନ ବିଭିନ୍ନ ପଂଚାୟତରେ ଖୋଲାଯିବାର ପ୍ରକ୍ରିୟା ଆରମ୍ଭ ହୋଇଛି । ସେଥି ମଧ୍ୟରେ ଡାଙ୍ଗବାହାଲ ଗ୍ରାମ ପଂଚାୟତରେ ମଧ୍ୟ ଏକ ନୁତନ ସମବାୟ ଶାଖା ଖୋଲିବା ପାଇଁ ପ୍ରସ୍ତାବ ରହିଛି । ହେଲେ ଚାଷୀ ମାନଙ୍କ ଅଭିଯୋଗ ଅନୁଯାୟୀ ଏଆରସିଏସ ଓ ଲରମ୍ଭା ଓ ଘସିଏନ ର ପେକ୍ସ ସଂପାଦକ ଦମକିପାଲି ଗାଁ ର କିଛି ଅସାଧୁ ଧାନ ବ୍ୟବସାୟୀ ଏଆରସିଏସ ଙ୍କୁ ଆପେୟତ କରି ନୂତନ ସମବାୟ ସମିତି ଶାଖା ଖୋଲିବା ପାଇଁ ଡାଙ୍ଗବାହାଲ ମୂଖ୍ୟ କାର୍ଯ୍ୟାଳୟ ଥିବା ପରିବର୍ତ୍ତେ ଦମକିପାଲି ଗାଁ ରେ କରିବାକୁ ଅନୁମୋଦନ କରାଇଛନ୍ତି । ଚାଷୀ ମାନଙ୍କ ବିନା ସହମତିରେ ପଂଚାୟତ ହେଡକ୍ୱାର୍ଟର ଡାଙ୍ଗବାହାଲ କୁ ଛାଡି ଏକ ନିର୍ଦ୍ଦିଷ୍ଟ ଗ୍ରାମ ଦମକିପାଲି ଠାରେ କରାଯାଉଛି । ଏହାକୁ ବିରୋଧ କରି ୮ ଖଣ୍ଡ ଗ୍ରାମ ର ଚାଷୀମାନେ ଗତ ମାର୍ଚ୍ଚ ୨୦ ରେ ପାଟଣାଗଡ଼ ଏଆରସିଏସ ଓ ମାର୍ଚ୍ଚ ୨୭ ରେ ବଲାଙ୍ଗୀର ଡିଆରସିଏସ ଙ୍କୁ ଲିଖିତ ଅଭିଯୋଗ କରିଥିଲେ । କୌଣସି ସୁଫଳ ନମିଳିବାରୁ ଆଜି ସୋମବାର ଏହି ସବୁ ଗ୍ରାମ ର ଚାଷୀ ମାନେ ଉପଜିଲ୍ଲାପାଳ ଡ଼ ବିଜୟାନନ୍ଦ ସେଠି ଙ୍କୁ ସାକ୍ଷାତ କରି ଏକ ଲିଖିତ ଅଭିଯୋଗ କରିଥିଲେ । ଉପଜିଲ୍ଲାପାଳ ଶ୍ରୀ ସେଠି ଚାଷୀମାନଙ୍କ ଠାରୁ ସମ୍ପୂର୍ଣ୍ଣ ଘଟଣା ଜାଣିବା ପରେ ଏଆରସିଏସ ଭିକାରୀ ଚରଣ ସେଠୀ ଙ୍କୁ ନିଜ କାର୍ଯ୍ୟାଳୟକୁ ଡ଼ାକି ଏହାର ପୁନଃ ସର୍ଭେ କରି ଚାଷୀମାନଙ୍କ ସୁବିଧା ଦୃଷ୍ଟିରୁ ହେଡକ୍ୱାଟର୍ସ ର ଡାଙ୍ଗବାହାଲ ରେ ନୂତନ ସମବାୟ ସମିତି ଶାଖା ଖୋଲିବାକୁ ନିର୍ଦେଶ ଦେଇଥିଲେ । ଦାବୀ ପତ୍ର ପ୍ରଦାନ ସମୟରେ ସରପଂଚ ରୀନା ସାହୁ, ସମିତି ସଭ୍ୟ କଳ୍ପନା ବାରିକ, ସମସ୍ତ ଗ୍ରାମ ର ।ୱ।ଡମେମ୍ବର ବିବେକାନନ୍ଦ ବାରିକ, ସୁରେଶ ଭୋଇ, ବନ ଖମାରୀ, ନାରାୟଣ ସାହୁ, ଚିନ୍ତାମଣୀ ଭୋଇ, ଗଙ୍ଗା ସାହୁ,‌, ନିରଂଜନ ଭୋଇ, ନୁଆଧର ସାହୁ, ପଂଚାନନ ସାହୁ ଙ୍କ ସହିତ ୮ ଖଣ୍ଡ ଗାଁର ଶତାଧିକ ଚାଷୀ ମାନେସାମିଲ ଥିଲେ ।