ଓଡିଶା ତାଜା ନ୍ୟୁଜ୍ ( ୧୭ ଜୁନ୍ ବୁଧବାର) ଭୁବନେଶ୍ୱର :- ଇମର୍ଜିଂ କର୍ପୋରେଟ୍ ଆକାଉଂଟ୍ଗୁଡ଼ିକ (ଇସିଏ) ସହ ମିିଶି ରଣନୀତି, ଡିଜାଇନ ଓ ଉତ୍ପାଦନରେ ଟାଟା ଷ୍ଟିଲ୍ ଆଗରେ ରହିପାରିଛି । ୨୦୧୮ରେ ବିଏସ୍ଏଲ୍କୁ ଅଧିଗ୍ରହଣ କରିବା ପରେ ଟାଟା ଷ୍ଟିଲର ବିଶ୍ୱସ୍ତରୀୟ କୋଟେଡ୍ ଉତ୍ପାଦ ଉତ୍ପାଦନ କ୍ଷମତା ବଢ଼ିଛି । ଇସିଏଗୁଡ଼ିକର ଅପୂରଣୀୟ ଆବଶ୍ୟକତାକୁ ପୂରଣ କରିବା ଲାଗି ଟାଟା ଷ୍ଟିଲ୍ ପକ୍ଷରୁ ଗାଲ୍ଭୋରସ୍ ଓ କଲରନୋଭା ନାମକ ଦୁଇ ପ୍ରକାର ସ୍ୱତନ୍ତ୍ର କୋଟେଡ୍ ଉତ୍ପାଦ ଉନ୍ମୋଚନ କରାଯାଇଛି । ସଂଜୟ ଏସ୍ ସାହଣୀ, ମୁଖ୍ୟ-ମାର୍କେଟିଂ ଓ ବିକ୍ରି (ବ୍ରାଣ୍ଡେଡ୍ ଉତ୍ପାଦ ଓ ରିଟେଲ୍), ଟାଟା ଷ୍ଟିଲ୍ କହିଛନ୍ତି ଯେ, “ଏହି ନୂତନ ଉତ୍ପାଦ ବ୍ରାଣ୍ଡ୍ଗୁଡ଼ିକ କେବଳ ଭବିଷ୍ୟତ ଅଭିବୃଦ୍ଧିର ସ୍ତମ୍ଭ ନୁହେଁ ବରଂ ପରିବେଶ ମିତବ୍ୟୟୀ ଓ ପରିବେଶ ପ୍ରଭାବୀ ।
ଏହା ଅଂଶୀଦାରମାନଙ୍କ ଏକ ସବୁଜ, ସୁସ୍ଥକର ଓ ଉତ୍ପାଦକ ପରିବେଶ ସୃଷ୍ଟି କରିବ, ଯାହା ପରିବେଶ ମିତବ୍ୟୟୀ ଉତ୍ପାଦ ଉତ୍ପାଦନ କରି ବର୍ତମାନ ଓ ଆସନ୍ତାକାଲିର ଗ୍ରାହକଙ୍କ ଆବଶ୍ୟକତା ପୂରଣ କରିବ ।’’ ଲଘୁ କ୍ଷେତ୍ରର ଉଦୀୟମାନ ଆବଶ୍ୟକତାକୁ ପୂରଣ କରିବା ଲାଗି ଏହି ଉତ୍ପାଦଗୁଡ଼ିକୁ ପ୍ରସ୍ତୁତ କରାଯାଇଛି ଯାହା ଅର୍ଥନୈତିକ ନିରନ୍ତରତା ଓ ସାମାଜିକ ନିରନ୍ତରତାର ସ୍ତମ୍ଭକୁ ଦୃଢ଼ କରିବ । ଏହା ଅଭିବୃଦ୍ଧି ଓ ବିକାଶ ପାଇଁ ଗୁରୁତ୍ୱପୂର୍ଣ୍ଣ । ଟାଟା ଷ୍ଟିଲ୍ ସର୍ବଦା ଗ୍ରହ ଓ ଲୋକମାନଙ୍କ ଆବଶ୍ୟକତା ସହିତ ବ୍ୟବସାୟକୁ ଯୋଡ଼ିଥାଏ । ଭବିଷ୍ୟତ ପାଇଁ ପ୍ରସ୍ତୁତ ଥିବା ଏକ ଏମ୍ଏସଏମଇ କ୍ଷେତ୍ର ଗଠନ କରିବା ହେଉଛି ଆଜିର ଆବଶ୍ୟକତା । ଏହି ପରିବେଶ ମିତବ୍ୟୟୀ ଅଭିନବ ଉତ୍ପାଦଗୁଡ଼ିକୁ ଉନ୍ମୋଚନ କରିବା ପରେ ଅଂଶୀଦାରମାନଙ୍କ ପାଇଁ ନିରନ୍ତର ପରିବେଶ ସୃଷ୍ଟି କରିବା ପ୍ରତି କଂପାନି ନିଜର ପ୍ରତିବଦ୍ଧତା ଦୋହରାଇଛି ।
ଜିପି ରେଗୁଲାର ସ୍ପାଙ୍ଗଲ୍ ପ୍ରଡକ୍ଟ-ଗାଲ୍ଭାରସ୍ ହେଉଛି ଏଭଳି ଏକ ଉତ୍ପାଦ ଯାହା ଗାଲଭାନାଇଜଡ୍ ଷ୍ଟିଲ୍ ସିଟ୍ ଓ କଏଲ୍ ଆବଶ୍ୟକତାକୁ ପୂରଣ କରିବ । ଏହା ପରିବେଶ ମିତବ୍ୟୟୀ ହୋଇଥିବା ବେଳେ କଳଙ୍କୀ ନିରୋଧୀ ଏବଂ ବ୍ୟକ୍ତିଗତ ସୁହାଇବା ଭଳି ଆକାରରେ ଉପଲବ୍ଧ ହେଉଛି ଯାହା ନିବେଶର ଭଲ ରିଟର୍ଣ୍ଣ ପ୍ରଦାନ କରିବ । ଡକ୍ଟିଂ, ରେଫ୍ରିଜରେଟରର ବ୍ୟାକ୍ ପ୍ୟାନେଲ୍, ପିଇବି ଢ଼ାଂଚା, କେବୁଲ ଟ୍ରେ ଇତ୍ୟାଦି ପ୍ରସ୍ତୁତିରେ ଏହାକୁ ବ୍ୟବହାର କରାଯାଇପାରିବ । ବିଆଇଏସ୍ ଓ ଆରଓଏଚ୍ସି ନିୟମକୁ କଡ଼ାକଡ଼ି ଭାବେ ପାଳନ କରି ଏହାକୁ ପ୍ରସ୍ତୁତ କରାଯାଇଛି । ଇସିଏ ଗ୍ରାହକମାନଙ୍କ ରଙ୍ଗ ଓ ଡିଜାଇନ୍ ଆବଶ୍ୟକତାକୁ ପୂରଣ କରିବା ଲାଗି କଲରନୋଭା ବ୍ରାଣ୍ଡ୍ ଉନ୍ମୋଚନ କରାଯାଇଛି । ଏହାକୁ ୱାସିଂ ମେସିନ, ମାଇକ୍ରୋୱେଭ୍, ଏସି ୟୁନିଟ୍ର ଆଉଟ୍ଡୋର୍ ପ୍ୟାନେଲ୍, କିଚେନ୍ ଫର୍ଣ୍ଣିଚର ଓ ଆହୁରି ଅନେକ ପ୍ରକାର କାର୍ଯ୍ୟରେ ବ୍ୟବହାର କରାଯାଇପାରିବ ।
odishatazanews.com, whatsApp – 9938341180,ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
