ମା’ଜାଗୁଳାଇଙ୍କ ବାସନ୍ତୀକ ଦୁର୍ଗାପୂଜା ଓ ନବରାତ୍ର ମହୋତ୍ସବ ଆରମ୍ଭ

୨୨ ମାର୍ଚ୍ଚ ,୨୦୨୩ (ଓଡ଼ିଶା ତାଜାନ୍ୟୁଜ ) ଖୋର୍ଦ୍ଧା-ଜଟଣୀ :- ଜଟଣୀ ପୌରାଞ୍ଚଳ ଅନ୍ତର୍ଗତ ସ୍ଥାନୀୟ କୁଦିଆରି ଗ୍ରାମ ଦେବୀ ମା ଜାଗୁଳାଇଙ୍କ ବାସନ୍ତୀକ ଦୁର୍ଗାପୂଜା ଓ ନବରାତ୍ର ମହୋତ୍ସବ ଆରମ୍ଭ ହୋଇଯାଇଛି । ସକାଳେ ୫୦ ରୁ ଉର୍ଦ୍ଧ ମହିଳା ପୁରୁଷ ମାନେ ମାଝଣା ପୋଖରୀରୁ ଜଳ ଉତ୍ତୋଳନ କରି ଏକ ବିରାଟ କଳସ ଶୋଭାଯାତ୍ରାରେ ଗ୍ରାମ ପରିକ୍ରମା କରି ମନ୍ଦିର ବେଢ଼ାରେ ଅବସ୍ଥିତ ଯଜ୍ଞ ମଣ୍ଡପରେ ସ୍ଥାପନା କରିଥିଲେ ।

ସୂର୍ଯ୍ୟ ପୂଜା, ସାଲା ମଣ୍ଡନ ସହିତ ସନ୍ଧ୍ୟାରେ ମାଙ୍କୁ ମହାସ୍ନାନ କରାଯାଇ ଶୈଳପୁତ୍ରୀ ବେଶରେ ଦର୍ଶନ ସଜ୍ଜିତ ହୋଇଥିଲେ । ଷୋଡଶ ଉପଚାର ପୂଜା ଓ ଚଣ୍ଡୀପାଠ ସହ ବିଳମ୍ବିତ ରାତି ପର୍ଯ୍ୟନ୍ତ ଯଜ୍ଞ ଚାଲିଥିଲା । ଆସନ୍ତା କାଲି ବ୍ରହ୍ମଚାରିଣୀ ବେଶରେ ଦର୍ଶନ ଦେବେ ବୋଲି ମୁଖ୍ୟ ପୂଜକ ଶ୍ରୀ ମନୋରଞ୍ଜନ ପଣ୍ଡା ସୂଚନା ଦେଇଛନ୍ତି । ସଭାପତି ରାଧାମୋହନ ପଟ୍ଟନାୟକ,କୃତିବାସ ପୃଷ୍ଟି, ଚଟ୍ଟୁ,ଯୁଗ୍ମ ସମ୍ପାଦକ ପୂର୍ଣ୍ଣ ଚନ୍ଦ୍ର ସାହାଣୀ ପ୍ରମୁଖ ଆୟୋଜନ ରେ ମୁଖ୍ୟ ଦାଇତ୍ୱ ବହନ କରିଥିଲେ ।