ଆଗ୍ନିକ ସଚ୍ଚିଦାନନ୍ଦ ପୃଷ୍ଟି ଙ୍କୁ ସମ୍ବର୍ଦ୍ଧନା

୧୯ମାର୍ଚ୍ଚ ,୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନ :–  ପୁରୀ ବଡଦାଣ୍ଡ ସ୍ଥିତ ଲକ୍ଷ୍ମୀ ମାର୍କେଟ କଂପ୍ଲେକ୍ସ ଅଗ୍ନିକାଣ୍ଡ ଘଟଣାରେ ଆଗ୍ନିକ ସଚ୍ଚିଦାନନ୍ଦ ପୃଷ୍ଟି ଙ୍କୁ ଅଗ୍ନିଶମ ଡି ଜି ଙ୍କ ଦ୍ୱାରା ସମ୍ବର୍ଦ୍ଧିତ କରାଯାଇଛି । ଭୁବନେଶ୍ୱର ଷ୍ଟ୍ରାଇକିଙ୍ଗ ଫାୟାର ଫୋର୍ସ ଭାବେ କାର୍ଯ୍ୟ କରୁଥିବା ଭୁବନ ଏନଏସି ଅନ୍ତର୍ଗତ ନମ୍ବର ୱାର୍ଡ ନୂଆଭୁବନ ବାସିନ୍ଦା ସଚ୍ଚିଦାନନ୍ଦ ପୃଷ୍ଟି ପୁରୀ ଅଗ୍ନିକାଣ୍ଡରେ ନିର୍ଦ୍ଦେଶ ପାଇ ସାହସିକତାର ସହ କାନ୍ଧରେ ଅକ୍ସିଜେନ ସିଲିଣ୍ଡର ନେଇ ଭିତରକୁ ଯାଇ ନିଆଁ ଲିଭାଇଥିଲେ । ଏହି ସମୟରେ ଘରର ସିଲିଙ୍ଗ ତାଙ୍କ ଉପରେ ଗଳି ପଡିଥିଲା ଓ ସେ ଶ୍ୱାସରୁଦ୍ଧ ହୋଇ ଆହତ ହୋଇଥିଲେ । ଚିକିତ୍ସା ପରେ ସୁସ୍ଥ ହୋଇ ଫେରିବା ପରେ ଅଗ୍ନିଶମ ଡିଜି ଙ୍କ କାର୍ଯ୍ୟାଳୟରେ ଡିଜି ସନ୍ତୋଷ ଉପାଧ୍ୟାୟ , ଡିଆଇଜି ଚରଣ ସିଂ ମିନା , ଚିଫ ଫାୟାର ଅଫିସର ଦେବେନ୍ଦ୍ର କୁମାର ସ୍ୱାଇଁ ଙ୍କ ଉପସ୍ଥିତିରେ ଶ୍ରୀ ପୃଷ୍ଟି ଙ୍କୁ ପୁଷ୍ପଗୁଚ୍ଛ ,ଉତରୀୟ ଓ ପ୍ରଶଂସାପତ୍ର ( ଡିଜି ଡିସ୍କ ପୁରସ୍କାର) ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । ଶ୍ରୀ ପୃଷ୍ଟି ଙ୍କ ସମେତ ଅନ୍ୟ ୫ ଜଣଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା ।