ଓଡିଶା ତାଜା ନ୍ୟୁଜ୍ (୧୫ ଜୁନ୍ ସୋମବାର) ରଣପୁର :- ରଣପୁର ବ୍ଲକ ଅନ୍ତର୍ଗତ ଚାନ୍ଦପୁର ଥାନାର ରାଇପଡା ଛକ ଠାରେ ୨ ଦିନ ତଳେ ହୋଇଥିବା ଲୁଟ୍ ଘଟଣାରେ ପୋଲିସ ଆଜି ପଲସର, ସ୍କୁଟି ସହ ତିନିଜଣଙ୍କୁ ଗିରଫ କରି କୋର୍ଟ ଚାଲଣ କରିଛି । ଖବର ସଂଗ୍ରହ ରୁ ଜଣାଯାଏ, ଗତ ୧୨ ତାରିଖରେ ପଟିଆ ନିକସ୍ଥ ଅର୍ଜୁନପୁର ଗ୍ରାମର କବିତା ବେହେରା ନାମକ ଜଣେ ମହିଳା ନିଜ ପୁଅର ଜନ୍ମ ଦିନ ପାଳନ ପାଇଁ ବିଭିନ୍ନ ଜିନିଷ କିଣିବା ପାଇଁ ଚାନ୍ଦପୁର ଯାଇଥିଲେ । ସେଠାରେ ସେ ଏସ୍.ବି.ଆଇ. ଏଟିଏମରୁ ୮ ହଜାର ଟଙ୍କା ଉଠାଇ ଗ୍ରାମ ଅଭିମୂଖେ ବାହାରିଥିଲେ ।
ମହିଳା ତାଙ୍କ ପୁଅ ସହ ଗ୍ରାମକୁ ଫେରୁଥିବା ବେଳେ ପଛରୁ ଏକ ପଲ୍ସରରେ ୩ ଜଣ ଆସି ମହିଳାଙ୍କୁଅଟକାଇବା ସହ ଭୁଜାଲି ଦେଖାଇ ସ୍କୁଟି ଓ ୮ ହଜାର ଟଙ୍କା ଲୁଟି ନେଇ ପଳାଇଥିଲେ । ଏ ନେଇ ସଂପୃକ୍ତ ମହିଳା ଚାନ୍ଦପୁର ଥାନାରେ ଲିଖିତ ଅଭିଯୋଗ କରିଥିଲେ । ଲୁଟ୍ କରି ନେଇଥିବା ସ୍କୁଟିର ନମ୍ବର ପ୍ଲେଟରେ କାଦୁଅ ବୋଳି ଯିବା ବେଳେ ବାଟରେ ତିନି ଜଣଙ୍କ ମଧ୍ୟରୁ ଜଣେ ପୁଲିସ ହାତରେ ଧରା ପଡିଥିଲେ ।
ପରେ ଚାନ୍ଦପୁର ଥାନା ଅଧିକାରୀ ଧନେଶ୍ୱର ନାହାକ ଅଧିକ ତଦନ୍ତ କରି ତିନି ଜଣ ଲୁଟେରାଙ୍କୁ ଗିରଫ କରିବା ସହ ସେମାନଙ୍କ ଠାରୁ ଭୂଜାଲି, ସ୍କଟି, ପଲସର ବାଇକ, ୧୨୦୦ ଟଙ୍କା ଜବତ କରିଥିଲେ । ଗିରଫ ହୋଇଥିବା ଲୁଟେରାମାନେ ହେଲେ ନୟାଗଡ ସଦର ଥାନା ଅଂଚଳର ବାଦଲ ଭୂୟିଆଁ, କୁନା ନାୟକ ଓ ରାମକୃଷ୍ଣ ନାୟକ । ଏମାନଙ୍କୁ ଗିରଫ କରି ଆଜି ପୁଲିସ କୋର୍ଟ ଚାଲଣ କରିଛି । ସେମାନଙ୍କ ଜାମିନ ନା ମଞ୍ଜୁର ହେବୋରୁ ସେମୋନଙ୍କୁ ଜେଲକୁ ପଠାଇ ଦିଆଯାଇଛି ।
odishatazanews.com, whatsApp – 9938341180,ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
