ରଣପୁର ଦ୍ୱିତୀୟ ଶ୍ରୀକ୍ଷେତ୍ର ରେ ରଥ ନିର୍ମାଣ କାମ ଏବେ ଚୂଡ଼ାନ୍ତ ପର୍ଯ୍ୟାୟରେ – ରଙ୍ଗ ଓ ସିଲାଇ କାମ ଜୋରଦାର

ଓଡିଶା ତାଜା ନ୍ୟୁଜ୍ /ରିପୋର୍ଟ ଅଭିମନ୍ୟୁ ମହାରଣା (୧୫ ଜୁନ୍ ସୋମବାର) ରଣପୁର :- ରଣପୁର ଦ୍ୱିତୀୟ ଶ୍ରୀକ୍ଷେତ୍ର ରେ ଆଜି ତିନି ରଥର ନିର୍ମାଣ କାର୍ଯ୍ୟ ଏକ ପ୍ରକାର ଚୂଡାନ୍ତ ହୋଇଛି । ରଥ କାମ ପ୍ରାୟ ସରିଲାଣି ଏବେ ରଥ ର ପଟା ଓ ସିଂହାସନ କାମ ସରିଛି । ରଥର ପୋଟଳ ପୁଡି ପାରାଭାଡି ଉଠିଥିବା ବେଳେ ଏବେ କେବଳ କଳସ ଓ ଓଲଟ ପାରା ଲଗାଯିବ ।

ଏହାର ରଙ୍ଗ କାମ ଆରମ୍ଭ ହୋଇଯାଇଛି । ଆଜି ତିନି ଠାକୁର ଙ୍କ ତିନି ରଥର କନକମୁଣ୍ଡୁଳି କାମ ସରିଲା । ମୁଖ୍ୟ କବିରାଜ ମାହାରଣା ଙ୍କ ନେତୃତ୍ୱ ରେ ରଥ ନିର୍ମାଣ ଚାଲିଛି । ତିନି ରଥ ର ମୁଖ୍ୟ ମାହାରଣା ମାନେ ହେଲେ ଜଗନ୍ନାଥ ଙ୍କ ରଥର ଶରତ ମାହାରଣା, ସୁଭଦ୍ରା ଙ୍କ ରଥର ବିଜୟ କୁମାର ମହାରଣା, ବଳଭଦ୍ର ଙ୍କ ରଥର ଭବାନୀ ଶଙ୍କର ମହାରଣା ।

ପ୍ରତି ରଥରେ ଦୁଇଟି ଲେଖାଁ ଆଶାବାଡି ଖୁଣ୍ଟିଆ ଆବଶ୍ୟକ ହୋଇଥାଏ ଓ ରଥରେ ଘୋଡା ଖଞ୍ଜାଯିବା ବେଳେ ଏହା ବ୍ୟବହାର ହୋଇଥାଏ । ଦରଜି ସେବକ ମାନେ ଶ୍ରୀମନ୍ଦିର କାର୍ଯ୍ୟଳୟ ରେ ରଥକନାରେ ଜରିଫିତା ସିଲାଇ ଘେର ସିଲାଇ କାମ ଆରମ୍ଭ କରିଛନ୍ତି । ଏହାର ରଙ୍ଗକାମ ଦ୍ରୁତ ଗତିରେ ଚାଲିଛି । ରଙ୍ଗ ସରିଲା ପରେ ରଥରେ ତାହା ଖଞ୍ଜାଯିବ ।

ଦୋଳବେଦୀ ଅସ୍ଥାୟୀ ଶାଳରେ ଓଝା ସେବକ ( କମାର ) ମାନେ ଏଲ୍ କ୍ଲାମ୍ପ, ଧୂଳିଦଣ୍ଡା, ବିଡିଆ କଣ୍ଟା ପ୍ରସ୍ତୁତରେ ଲାଗିବା ସହ ରଥଦଣ୍ଡାରେ ଖଞ୍ଜା ଯାଇଥିବା କୋଣ ଗୁଜ ଗୁଡିକରେ ଧୂଳିଦଣ୍ଡା କଣ୍ଟା ବାଡିଆ ଚାଲିଛି ।

odishatazanews.com, whatsApp – 9938341180,ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail –odishatazanews1@gmail.com