ଓଡିଶା ତାଜା ନ୍ୟୁଜ୍ (୧୪ ଜୁନ୍ ରବିବାର) କୋରାଇ :- ବିଶ୍ୱ ମହାମାରୀ କରୋନା ସଂକ୍ରମଣ ଲାଗି ଶନିବାର ଓ ରବିବାର ୨ଦିନିଆ ସଟଡାଉନ ହୋଇଥିବାରୁ ଆଜି ଓଡିଶାର ଗଣପର୍ବ ପହିଲି ରଜ ହୋଇଥିଲେ ହେଁ ପୁଲିସ ପ୍ରଶାସନ ପକ୍ଷରୁ କଟକଣାକୁ କଡାକଡି ଭାବେ ପାଳନ କରାଯାଇଛି । ଫଳରେ ଲୋକମାନେ ବନ୍ଧୁ ବାନ୍ଧବକି ଦେବାଦେବୀ ପୀଠକୁ ଯିବା ସମ୍ଭବ ହୋଇ ପାରିନାହିଁ । ଯାନବାହାନ ଚଳାଚଳ ସଂପୂର୍ଣ୍ଣ ଭାବେ ବନ୍ଦ ହୋଇ ଯାଇଥିବାରୁ ରାସ୍ତାଘାଟ ଶୂନଶାନ ବିଭିନ୍ନ ଛକ ବଜାର ବନ୍ଦ ରହିଥିବା ଦେଖାଯାଇଛି । ଦେଶବ୍ୟାପୀ ୫ମ ଲକଡାଉନ ହୋଇଥିଲା ବେଳେ ଆମ ରାଜ୍ୟର ଯାଜପୁର ଜିଲ୍ଲା ସମେତ ୧୧ଜିଲ୍ଲାରେ ବ୍ୟାପକ ପରିମାଣରେ କରୋନା ସଂକ୍ରମଣ ଚିହ୍ନଟ ହେଉଥିବାରୁ ଏହି ୫ମ ପର୍ଯ୍ୟୟ ଲକଡାଉନ ମଧ୍ୟରେ ସପ୍ତାହରେ ୪୮ଘଂଟା ଅର୍ଥାତ ଶନିବାର ଓ ରବିବାର ୨ଦିନକୁ ସଟଡାଉନ ଜାରି କରାଯାଇଛି ।
ଏହା ଶନିବାର ସକାଳ ୬ଟାରୁ ସୋମବାର ସକାଳ ୬ଟା ହୋଇଛି । ଏହି ସମୟରେ ଲୋକ ମାନେ କେହି ବାହରକୁ ବାହାରି ନଥିଲାବେଳେ ଦୋକାନ ବଜାର ବନ୍ଦ ରହିଥିଲା । କେବଳ ନିର୍ଦ୍ଧିଷ୍ଟ କେତୋଟି ମେଡିସନ ଦୋକାନ, ପେଟ୍ରୋଲ ପମ୍ପ, ଡାକ୍ତରଖାନା, ରେଲବାଇ, ପାଣିଯୋଗାଣ, ପୁଲିସ, ଅଗ୍ନିସମ, ଯୋଗାଣ ବିଭାଗ, ବିଦ୍ୟୁତ ସରବରାହ ଓ ବିତରଣ କେନ୍ଦ୍ର ଆଦି ଖୋଲା ରହିବାକୁ ଥିଲା ବେଳେ ପୁଲିସ ଦ୍ୱାରା ଅନୁମୋଦିତ ଗଣମାଧ୍ୟମ ପ୍ରତିନିଧି ଓ ମାଲ ପରିବହନ କରୁଥିବା ଗାଡିହିଁ କେବଳ ଚଳାଚଳ କରିଥିବା ଦେଖା ଯାଇଥିଲା । ଆଜି ୫ମ ପର୍ଯ୍ୟାୟ ଲକଡଉନର ୨ୟ ସଡଡାଉନର ୨ୟ ଦିବସ ହୋଇଥିଲା ।
ରଜ ହୋଇଥିବାରୁ ପର୍ବ ମନାଇବା ପାଇଁ କାଳେ ଲୋକ କଟକଣା ଉଲଘଂନ କରିବେ; ସେଥିପାଇଁ କଡାକଡି ଭାବେ ପାଳନ ପାଇଁ କୋରାଇ ବିଡିଓ ଶ୍ୱେତାସ୍ନିଗ୍ଧା, କୋରାଇ ଥାନା ଅଧିକାରୀ ରଞ୍ଜିତ ମହାନ୍ତି ଓ ପାଣି କୋଇଲି ଥାନା ଅଧିକାରୀ ଅଜୟ କୁମାର ଜେନା ପ୍ରମୁଖ ବିଭିନ୍ନ ଅଂଚଳ ପରିକ୍ରମ କରିଥିଲେ । ରଜ ହୋଇଥିଲା ମଧ୍ୟ ଲୋମାନେ ବ୍ୟକ୍ତିଗତ ଓ ସମୂହିକ ଭାବେ ଘରେ ରହି ସଚେତନ ପୂର୍ବକ ସଟଡାଉନକୁ ସମର୍ଥନ କରିଥିବା ଜଣା ପଡିଛି । (ବ୍ୟାସ ନଗରରୁ -ରଶ୍ମିରେଖା ମଲ୍ଲିକଙ୍କ /ରିପୋର୍ଟ)
odishatazanews.com, whatsApp – 9938341180,ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail –odishatazanews1@gmail.com
