ମିଶନ ଶକ୍ତି କମ୍ୟୁନିଟି ପାର୍ଟନର ଙ୍କୁ ସାଇକେଲ ବଣ୍ଟନ

୦୨ ମାର୍ଚ୍ଚ, ଗୁରୁବାର (ଓଡ଼ିଶା ତାଜାନ୍ୟୁଜ ) ଭୁବନ :- ଭୁବନ ବିଜ୍ଞାପିତ ଅଂଚଳ ପରିଷଦ ତରଫରୁ ମିଶନ ଶକ୍ତି କମ୍ୟୁନିଟି ପାର୍ଟନର (ସହଭାଗୀ ) ଙ୍କୁ ସାଇକେଲ ବଣ୍ଟନ କରାଯାଇଛି । ନଗରପାଳ ଶୁଭେନ୍ଦୁ କୁମାର ସାହୁ ମୁଖ୍ୟ ଅତିଥି ଭାବେ ଯୋଗଦେଇ କହିଥିଲେ ଯେ, ଆପଣ ମାନଙ୍କ ଭାଗିଦାରୀ , ଆପଣ ମାନଙ୍କର ଆତ୍ମବିଶ୍ୱାସ , ଆପଣ ମାନଙ୍କର ଉତ୍ସାହ ଓ କର୍ତବ୍ୟ ନିଷ୍ଠା ମିଶନ ଶକ୍ତି କୁ ସଫଳ କରିଛି । ଆପଣ ମାନେ ଅନେକ ଦାୟିତ୍ୱ ହାତକୁ ନେଇଛନ୍ତି । ଆହାର କେନ୍ଦ୍ର ପରିଚାଳନା , ପରିମଳ , ଜଳସାଥୀ , ସ୍ୱଚ୍ଛସାଥୀ ଆଦି ଅନେକ କାର୍ଯ୍ୟ କରୁଛନ୍ତି । ଆପଣ ମାନେ ସୁବିଧାରେ ଯେପରି ନିଜ କାର୍ଯ୍ୟ କରିପାରିବେ ସେଥିପାଇଁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆପଣ ମାନଙ୍କୁ ସାଇକେଲ ପ୍ରଦାନ କରିଛନ୍ତି । ଏହି ଅବସରରେ କେତେକ ମିଶନ ଶକ୍ତି ମା’ ମାନେ ସେମାନଙ୍କ ଅଭିଜ୍ଞତା ବର୍ଣ୍ଣନା କରିଥିଲେ । ଏହି କାର୍ଯ୍ୟକ୍ରମରେ ନିର୍ବାହୀ ଅଧିକାରୀ ଶ୍ୟାମ ସୁନ୍ଦର ସାହୁ , ଗୋଷ୍ଠୀ ସଂଗଠିକା ଦୀପାଳି ସାମନ୍ତ ,କାଉନସିଲର ନରେନ୍ଦ୍ର କୁମାର ସାହୁ ପ୍ରମୁଖ ଉପସ୍ଥିତ ଥିଲେ ।