<h4><span style="color: #ff0000;"><em><strong>୨୨ ଫେବୃଆରୀ ବୁଧବାର (ଓଡ଼ିଶା ତାଜାନ୍ୟୁଜ ) </strong></em></span><strong><span style="color: #ff0000;"><em>ବ୍ରହ୍ମପୁର :-</em> </span>ଟାଟା ଷ୍ଟିଲ୍ ଫାଉଣ୍ଡେଶନ ପକ୍ଷରୁ ଆଜି ଗୋପାଳପୁରର ବିଜୁ ପଟ୍ଟନାୟକ ଅଡିଟୋରିୟମଠାରେ ସମୁଦାୟ ନିୟୋଜନ କାର୍ଯ୍ୟକ୍ରମ ‘ଉଡାନ୍-୨୦୨୩’ ଶୁଭାରମ୍ଭ କରାଯିବା ସହିତ ୨୯୮ ଜଣ ମେଧାବୀ ଛାତ୍ରଛାତ୍ରୀଙ୍କୁ ଜ୍ୟୋତି ଫେଲୋସିପ୍ରେ ସମ୍ମାନିତ କରାଯାଇଛି । </strong><strong>ଚଳିତ ବର୍ଷର ଏହି ଦୁଇଦିନିଆ କାର୍ଯ୍ୟକ୍ରମର ବିଷୟବସ୍ତୁ ଥିଲା ‘ବିପର୍ଯ୍ୟୟ କ୍ଷତି ହ୍ରାସ ମାଧ୍ୟମରେ ଜଳବାୟୁ ସ୍ଥିରତାର ଏକ ସଂସ୍କୃତି ନିର୍ମାଣ କରିବା’ । ଉଡାନର ୫ମ ସଂସ୍କରଣର ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇ ଗଞ୍ଜାମ ଜିଲ୍ଲାପାଳ ଆଇଏଏସ୍ ଶ୍ରୀ ଦିବ୍ୟଜ୍ୟୋତି ପରିଡା କୃଷିକାର୍ଯ୍ୟରେ ନବସୃଜନକୁ ଅନ୍ତର୍ଭୁକ୍ତ କରିବାର ଆବଶ୍ୟକତାକୁ ଆଲୋକିତ କରିଥିଲେ । </strong><img class="alignnone wp-image-100072" src="https://odishatazanews.com/wp-content/uploads/2023/02/gajama1-300x200.jpg" alt="" width="672" height="448" /><strong>ସେ କହିଥିଲେ, ‘ସ୍ଥିରତା ଆମ ବିକାଶ ରଣନୀତିର କେନ୍ଦ୍ର ହେବା ଉଚିତ ଏବଂ ଆମକୁ ଜଳବାୟୁ ପରିବର୍ତନର ଜଟିଳତାକୁ ବୁଝିବା ପାଇଁ ଟେକ୍ନୋଲୋଜିର ବ୍ୟବହାରକୁ ବୃଦ୍ଧି କରିବାର ସମୟ ଆସିଛି ।’ </strong><strong>ଏହି ଫେଲୋସିପ୍ ପୁରସ୍କାରର ଉଦ୍ଦେଶ୍ୟ ହେଉଛି ଆର୍ଥିକ ରୂପେ ଦୁର୍ବଳ ପଛୁଆ ବର୍ଗର ଏସ୍ସି/ଏସ୍ଟି ପରିବାରର ଛାତ୍ରଛାତ୍ରୀମାନଙ୍କୁ ନିଜର ଶିକ୍ଷାଗତ ଓ ବୃତିଗତ ଆକାଂକ୍ଷାକୁ ପୂରଣ କରିବା ପାଇଁ ସକ୍ଷମ କରିବା । ଚଳିତ ବର୍ଷ ଗୋପାଳପୁରରେ ଏହି କାର୍ଯ୍ୟକ୍ରମରେ ମୋଟ ୧୪.୩ ଲକ୍ଷ ଟଙ୍କାର ଫେଲୋସିପ୍ ପୁରସ୍କାର ଆବଂଟନ କରାଯାଇଛି । </strong></h4> <h4><strong>ଏହି କାର୍ଯ୍ୟକ୍ରମ ଟାଟା ଷ୍ଟିଲ୍ ଫାଉଣ୍ଡେଶନର ଫ୍ଲାଗ୍ସିପ୍ ପ୍ରୋଗ୍ରାମ ଦିଶା ମାଧ୍ୟମରେ ଉଦ୍ୟୋଗ ବିକାଶ, ମହିଳାଙ୍କ ଅଧିକାର, ନେତୃତ୍ୱ ବିକାଶ ଓ ଜେଣ୍ଡର୍ ମେନ୍ଷ୍ଟ୍ରିମିଙ୍ଗ୍ ଭଳି ପ୍ରସଙ୍ଗ ଉପରେ ଆୟୋଜିତ କର୍ମଶାଳାରେ ଯୋଗ ଦେବା ପାଇଁ ଆଖପାଖ ଗ୍ରାମର ମହିଳା ସ୍ୱୟଂ ସହାୟକ ଗୋଷ୍ଠୀ (ଏସ୍ଏଚ୍ଜି) ସଦସ୍ୟ ଓ କିଶୋରୀମାନଙ୍କୁ ଏକତ୍ରିତ କରିବା ଉପରେ ଧ୍ୟାନକୈନ୍ଦ୍ରିତ କରିଥିଲା । ଏଠାରେ ଉଦ୍ୟୋଗୀ ଓ ସାମାଜିକ କାର୍ଯ୍ୟକର୍ତାମାନେ ଆଲୋଚନାରେ ଅଂଶଗ୍ରହଣ କରିବା ସହିତ ଅଂଚଳର ମହିଳାମାନଙ୍କ ବିକାଶ ପାଇଁ ଏକ ରୋଡ୍ମ୍ୟାପ୍ ପ୍ରସ୍ତୁତ କରିବା ଉପରେ ଗୁରୁତ୍ୱ ଦେଇଥିଲେ । </strong><img class="alignnone wp-image-100073" src="https://odishatazanews.com/wp-content/uploads/2023/02/gajama2-300x166.jpg" alt="" width="613" height="339" /><strong>ଚଳିତ ବର୍ଷର ବିଷୟବସ୍ତୁକୁ ଦୃଷ୍ଟିରେ ରଖି ଉଡାନ ଗଞ୍ଜାମର ଯୁବପିଢି, ମହିଳା ଓ କୃଷକ ସମୁଦାୟଗୁଡିକ ମଧ୍ୟରେ ଜଳବାୟୁ ସ୍ଥିରତା, ବିପର୍ଯ୍ୟୟ ଓ କ୍ଷତି ହ୍ରାସ କରିବା ଓ ଏହାର ପରିଚାଳନାକୁ ପ୍ରୋତ୍ସାହିତ କରିବା ପାଇଁ ଏକ ମଂଚ ହେବାକୁ ଲକ୍ଷ୍ୟ ରଖିଛି । </strong><strong>ଗୋପାଳପୁର ୟୁନିଟ୍ ସ୍ଥାୟୀ ବିକାଶକୁ ସୁନିଶ୍ଚିତ କରିବା ପାଇଁ ଜଳବାୟୁ ପରିବର୍ତନ ଉପଯୋଗୀକରଣ ସହିତ ବିପର୍ଯ୍ୟୟ କ୍ଷତି ହ୍ରାସ କ୍ଷେତ୍ରରେ ନିଜର କାର୍ଯ୍ୟକୁ ଏକତ୍ରିତ କରିଛି । ଏହି ଅବସରରେ କମ୍ପାନୀର ଓଡିଶା, ସିଏସ୍ଆର୍ ହେଡ୍ ଅମ୍ବିକା ନନ୍ଦ କହିଛନ୍ତି, ‘ଉଡାନ ଉପଯୋଗୀକରଣ କାର୍ଯ୍ୟକୁ ଉନ୍ନତ କରିବା ପାଇଁ ସମୁଦାୟଗୁଡିକୁ ଏକାଠି କରିବାକୁ ଲକ୍ଷ୍ୟ ରଖିଛି ।’</strong></h4> <h4><strong>କାର୍ଯ୍ୟକ୍ରମର ପ୍ରଥମ ଦିନର ଦ୍ୱିତୀୟାର୍ଦ୍ଧରେ ବ୍ରହ୍ମପୁର ମହାନଗର ନିଗମର ମେୟର ଶ୍ରୀମତି ସଂଘମିତ୍ରା ଦଳେଇ, ସାମାଜିକ କାର୍ଯ୍ୟକର୍ତା ଓ ଲେଖିକା ଶ୍ରୀମତି କସ୍ତୁରୀ ମହାପାତ୍ର, ମହିଳା ଏସ୍ଏଚ୍ଜିଗୁଡିକୁ ସଫଳତାର ନୂଆ ଉଚ୍ଚତା ଛୁଇଁବା ପାଇଁ ପ୍ରେରିତ କରିବା ଲାଗି ପ୍ରେରଣାଦାୟକ ବାର୍ତା ଦେଇଥିଲେ । ଏହି ଦୁଇଦିନିଆ କାର୍ଯ୍ୟକ୍ରମ ଆସନ୍ତାକାଲି ବା ଶୁକ୍ରବାର ଏକ କୃଷି-ବୈଜ୍ଞାନିକ ଆଲୋଚନା ସହିତ ଶେଷ ହେବ ଯେଉଁଠାରେ ଜଳବାୟୁ-ଅନୁକୂଳ କୃଷିକୁ ପ୍ରୋତ୍ସାହିତ କରିବା ଉପରେ ଗୁରୁତ୍ୱ ଦିଆଯିବ ।</strong><img class="alignnone wp-image-88991" src="https://odishatazanews.com/wp-content/uploads/2022/11/ranpur-55-300x111.jpg" alt="" width="703" height="260" /> <img class="alignnone size-medium wp-image-99915" src="https://odishatazanews.com/wp-content/uploads/2023/02/odisha-tazanews-1-300x240.jpg" alt="" width="300" height="240" /> <img class="alignnone size-medium wp-image-99106" src="https://odishatazanews.com/wp-content/uploads/2023/02/chandapur-212x300.jpg" alt="" width="212" height="300" /></h4>