ବିପିନ ବିହାରୀ ଚୋପଦାର ମେମୋରିଆଲ କ୍ରିକେଟ କାଦୋ କପ୍ ଉଦଘାଟିତ

୨୨ ଫେବୃଆରୀ ବୁଧବାର (ଓଡ଼ିଶା ତାଜାନ୍ୟୁଜ ) ପାଟଣାଗଡ଼ :- ପାଟଣାଗଡ଼ ସ୍ଥାନୀୟ ରମାଇଁ ହାଇସ୍କୁଲ ଖେଳ ପଡିଆ ଠାରେ ୨ୟ ବର୍ଷ ଚାଳିଥିବା ବିପିନ ବିହାରୀ ଚୋପଦାର ମେମୋରିଆଲ କ୍ରିକେଟ କାଦୋକପ ଆଜି ଉଦଘାଟିତ ହୋଇଯାଇଛି । କେସିସି କ୍ରିକେଟ କ୍ଲବ ପକ୍ଷରୁ ଆୟୋଜିତ ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ରାଜ୍ୟ ସଭା ସାଂସଦ ନିରଞ୍ଜନ ବିଶି , ଗୋଳାପ ରାମ ମେହେର , ଲକ୍ଷ୍ମୀକାନ୍ତ ମିଶ୍ର , ମହାଦେବ ମେହେର , ସନ୍ତୋଷ ଚୋପଦାର , ସୁନୀଲ ଚୋପଦାର ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ମ୍ୟାଚ କୁ ଉଦଘାଟନ କରିଥିଲେ । ଆଜି ର ଉଦଘାଟନୀ ପ୍ରଥମେ ମ୍ୟାଚ ନୁଆପଡା ଓ ବଲାଙ୍ଗୀର କ୍ରିକେଟ ଦଳ ମଧ୍ୟରେ ଅନୁଷ୍ଠିତ ହେଇଥିଲା । ବଲାଙ୍ଗୀର ଦଳ ପ୍ରଥମେ ଟସ ଜିଣି ୧୭ ଓଭର ରେ ୧୪୦ ରନ ସଂଗ୍ରହ କରିଥିଲେ । ଏହାର ଜବାବ ରେ ନୂଆପଡ଼ା ଦଳ ୧୫.୧ ଓଭର ରେ ଏହି ଲକ୍ଷକୁ ହାସଲ କରି ବିଜୟ ଲାଭ କରିଥିଲେ । ସେହିପରି ଭାବରେ ସୋନପୁର ଓ ଟିଟିଲାଗଡ ଦଳ ମଧ୍ୟରେ ଦ୍ଵିତୀୟ ରାଉଣ୍ଡ ମ୍ୟାଚ ଅନୁଷ୍ଠିତ ହେଇଥିଲା । ସୋନପୁର ପ୍ରଥମେ ଦଳ ଟସ ଜିଣି ୧୭ ଓଭର ରେ ୧୯୮ ରନ ସଂଗ୍ରହ କରିଥିଲେ । ଏହାର ଜବାବ ରେ ଟିଟିଲାଗଡ ଦଳ ୧୭ ଓଭରେ ୬ ୱିକେଟ ବିନିମୟରେ ୧୩୭ ରନ ସଂଗ୍ରହ କରି ପରାଜୟର ସମ୍ମୁଖୀନ ହେଇଥିଲେ । ଅମ୍ପିୟାର ଭାବରେ ରାଜେନ୍ଦ୍ର କୁମାର ସେଠ ,ରିଜେଶ ଶିକା ଥିବା ବେଳେ ସ୍କୋର ଦାୟିତ୍ଵ ରେ ଦିଗାମ୍ବର ମହାଲିଙ୍ଗ ଓ ପିଣ୍ଟୁ ଶତପଥୀ ରହିଥିଲେ । ଏଥିରେ କେ. ସି .ସି କ୍ରିକେଟ କ୍ଳବ୍ ର ସଭାପତି ପ୍ରସନ୍ନ କୁମାର ମେହେର, ସଂପାଦକ ଦିଗାମ୍ବର ମହାଲିଙ୍ଗ,କୋଷାଧ୍ୟକ୍ଷ ସନ୍ତୋଷ ଶତପଥୀ ଙ୍କ ସମେତ ସାଇ ସରୋଜ ମେହେର ,ସତ୍ୟମ ମିଶ୍ର, କାହ୍ନୁଚରଣ ଦାସ , ଶୁଶାନ୍ତ ମେହେର,ବାବୁଲା ଦାସ, ରାଣା ଚିନ୍ଦା, ପୂର୍ଣ୍ଣ ଚନ୍ଦ୍ର ମେହେର ପ୍ରମୁଖ ସହଯୋଗ କରିଥିଲେ। ପ୍ରସନ୍ନ କୁମାର ମେହେର ,ଓ ଦିଗାମ୍ବର ମହାଲିଙ୍ଗ ଧାରା ବିବରଣୀ ପ୍ରଦାନ କରିଥିଲେ । ଆସନ୍ତା ଫେବୃୟାରୀ ୨୬ ରେ ଫାଇନାଲ ମ୍ୟାଚ ଅନୁଷ୍ଠିତ ହେବ ବୋଲି କ୍ଳବ୍ ପକ୍ଷରୁ ସୂଚନା ଦିଆଯାଇଛି ।