ମା’ ବ୍ରାହ୍ମଣୀ ଦେବୀ ପାଣି ପଂଚାୟତ ସମ୍ମାନୀତ

୧୮ ଫେବୃଆରୀ,ଶନିବାର (ଓଡ଼ିଶା ତାଜାନ୍ୟୁଜ ) ଭୁବନ :- ଢେଙ୍କାନାଲ ଜିଲ୍ଲା ଭୁବନ ବ୍ଲକ ଧଳପଡା ପଂଚାୟତ ଅନଳ ଗ୍ରାମ ର ମା’ ବ୍ରାହ୍ମଣୀ ଦେବୀ ପାଣି ପଂଚାୟତ କୁ ରାଜ୍ୟ ସ୍ତରୀୟ ପାଣି ପଂଚାୟତ ଉଦଯାପନୀ ଉତ୍ସବରେ ସମ୍ମାନୀତ କରାଯାଇଛି । ଭୁବନେଶ୍ୱରସ୍ଥ ଲୋକସେବା ଭବନରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର , ଜଳସଂପଦ ମନ୍ତ୍ରୀ ଶ୍ରୀମତୀ ଟୁକୁନି ସାହୁ , ସଚିବ ଅନୁ ଗର୍ଗ ଙ୍କ ଉପସ୍ଥିତିରେ ପାଣି ପଂଚାୟତ ସଭାପତି ରମେଶ ଚନ୍ଦ୍ର ସାହୁ ମୁଖ୍ୟମନ୍ତ୍ରୀ ଙ୍କ ପ୍ରଦତ ପୁରସ୍କାର , ମାନପତ୍ର ଓ ନଗଦ ୫୦ ହଜାର ଟଙ୍କା ଗ୍ରହଣ କରିଥିଲେ । ଢେଙ୍କାନାଳ ଜିଲ୍ଲାର ଏକମାତ୍ର ବୃହତ ଜଳସେଚନ ଜାଇକା ପ୍ରକଳ୍ପ ରେଙ୍ଗାଳି ବାମ କେନାଲର ରକ୍ଷଣାବେକ୍ଷଣ , ସେଚଜଳର ସୁଷମ ବଣ୍ଟନ ତଥା ପାଣି ପଂଚାୟତର ଉଲ୍ଲେଖନୀୟ ସଫଳତା ହାସଲ କରିଥିବାରୁ ଜଳସଂପଦ ବିଭାଗ ତରଫରୁ ଏହି ସମ୍ବର୍ଦ୍ଧନା ଦିଆଯାଇଛି ।