୧୩ ଫେବୃଆରୀ ସୋମବାର,୨୦୨୩ (ଓଡ଼ିଶା ତାଜାନ୍ୟୁଜ ) ପୁରୀ :- ଜାତୀୟ ପତାକା ଭାରତ ର ଆତ୍ମା ।ଏହା ଭାରତର ପ୍ରକୃତ ଚରିତ୍ର ଓ ପରିଚୟ ଯାହା ପ୍ରତ୍ୟେକ ଭାରତୀୟ ଙ୍କୁ ଦେଶ ପ୍ରେମରେ ଉଦବୁଦ୍ଧ କରିଥାଏ ବୋଲି କହିଛନ୍ତି ରାଜ୍ୟପାଳ ପ୍ରଫେସର ଗଣେଶୀ ଲାଲ।ଆଜି ପୂର୍ବାହ୍ନରେ ପୁରୀ ବାଟଗାଁ ଠାରେ ଫ୍ଲାଗ ଫାଉଣ୍ଡେସନ ଅଫ ଇଣ୍ଡିଆ ପକ୍ଷରୁ ୧୦୮ ଫୁଟ ଉଚ୍ଚର ଜାତୀୟ ପତାକ ସ୍ଥାପନ କରାଯାଇଛି । 
ଏହାକୁ ଉଦଘାଟନ କରି ରାଜ୍ୟପାଳ ପ୍ର ଗଣେଶୀ ଲାଲ ଜାତି,ଧର୍ମ, ବର୍ଣ୍ଣ ନିର୍ବିଶେଷରେ ପ୍ରତ୍ୟେକ ଭାରତୀୟ ତ୍ରିରାଙ୍ଗା ତଳେ ସମାନ । ସେମାନେ ଗର୍ବ ଓ ଗୌରବ ଅନୁଭବ କରନ୍ତି ବୋଲି କହିଥିଲେ। ଜଗନ୍ନାଥ ଙ୍କ ମହିମା, ତ୍ରିରଙ୍ଗା ର ତିନି ରଙ୍ଗର ନିଦର୍ଶନ,ଶାନ୍ତି, ମୈତ୍ରୀ ର ବର୍ଣ୍ଣନା କରି ରାଜ୍ୟପାଳ ପ୍ରଫେସର ଲାଲ ନବୀନ ଜିନ୍ଦଲଙ୍କ ର ଏହି ମହନୀୟତା ପାଇଁ ପ୍ରଶଂସା କରିଥିଲେ।
ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞନ ଦାଶ ବାଟଗାଁ ଠାରେ ବିଶାଳ ଜାତୀୟ ପତାକା ସ୍ଥାପନ ଦ୍ଵାରା ଲୋକ ମାନଙ୍କ ମଧ୍ୟରେ ଭକ୍ତି ସହ ଜାତୀୟତା ଭାବନା ଅଧିକ ପ୍ରକଟିତ ହେବ ବୋଲି କହିବା ସହ ଜାତୀୟ ପତାକା ଓ ନିକଟରେ ଥିବା ଜୟୀ ରାଜଗୁରୁ ଙ୍କ ମୂର୍ତ୍ତି ଓ ସ୍ଥାନର ରକ୍ଷଣାବେକ୍ଷଣ ବେକ୍ଷଣ ଓ ସୌନ୍ଦର୍ଯ୍ୟ କରଣ କାର୍ଯ୍ୟ ଜିନ୍ଦଲ ନିର୍ବାହ ପାଇଁ ମତ ଦେଇଥିଲେ।କ୍ରୀଡା ଓ ଯୁବ ବ୍ୟାପାର ମନ୍ତ୍ରୀ ତୁଷାର କାନ୍ତି ବେହେରା ପତାକା ସ୍ଥାପନ ପାଇଁ ଜିନ୍ଦଲ କର୍ତ୍ତୃପକ୍ଷ ଙ୍କୁ ସାଧୁବାଦ ଜଣାଇବା ସହ ଜାତୀୟ ଚେତନା ଓ ଦେଶପ୍ରେମ ଗଠନରେ ଏହା ସହାୟକ ହେବ ବୋଲି କହିଥିଲେ।
ପ୍ରାରମ୍ଭ ରେ ସମସ୍ତଙ୍କୁ ସ୍ୱାଗତ କରି ଫ୍ଲାଗ ଫାଉଣ୍ଡେସନ ର ଅଧ୍ୟକ୍ଷ ନବୀନ ଜିନ୍ଦଲ ହର ଘର ତୀରଙ୍ଗା ହର ଦିନ ତୀରଙ୍ଗ ଲକ୍ଷ୍ୟ ରେ ଏହା ସ୍ଥାପନ ହୋଇଛି।ଅନେକ ଛୋଟ ଲଗାଇବା ଅପେକ୍ଷା ବଡ଼ ପତାକା ସ୍ଥାପନ ଦ୍ଵାରା ଲକ୍ଷ ଲକ୍ଷ ଲୋକ ଏହାକୁ ଦୂରରୁ ମଧ୍ୟ ଦେଖି ଗର୍ବିତ ହୋଇ ପାରିବେ।।ସେ ଆମେରିକାରେ ଶିକ୍ଷା ଲାଭ କରିବା ସେଠାରେ ଜାତୀୟ ପତାକା ର ସମ୍ମାନ ଦେଖି ଆମ ଦେଶରେ ଏହାକୁ ଉଡାଇବାକୁ ଆଶା କରି ତୀରଙ୍ଗା କୁ ସମ୍ମାନ ର ସହ ସମସ୍ତେ ଓ ସବୁବେଳେ ଉଡାଇବା ପାଇଁ ଆଇନଗତ ଲଢେ଼ଇ ସମ୍ପର୍କରେ ସୂଚନା ଦେଇଥିଲେ।
ଜାତୀୟ ପତାକା ସମ୍ମାନ ର ସହ ଉଡେଇବା ଆମ ସାମ୍ବିଧାନିକ ଅଧିକାର।ଏହାକୁ ଗର୍ବର ସହ ପ୍ରତ୍ୟେକ ଅନୁଭବ କରିବାକୁ ସେ ଆହ୍ବାନ ଦେବା ସହ ପୁରୀ ରେ ଏହାର ସ୍ଥାପନ ପାଇଁ ପ୍ରଶାସନ ର ସହଯୋଗ କୁ କୃତଜ୍ଞତା ଜଣାଇଥିଲେ। ପୁରୀ ବିଧାୟକ ଜୟନ୍ତ କୁମାର ଷଡ଼ଙ୍ଗୀ ଏହି ଗୌରବମୟ କାର୍ଯ୍ୟ ପାଇଁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।ଜିଲ୍ଲାପାଳ ସମର୍ଥ ବର୍ମା, ଏସପି ଡ଼ଃ କନୱର ବିଶାଲ ସିଂ, ଅତିରିକ୍ତ ଜିଲ୍ଲାପାଳ ପ୍ରଶାସନ ପ୍ରଦୀପ କୁମାର ସାହୁ, ଉପଜିଲ୍ଲାପାଳ ଭବତାରଣ ସାହୁ ପ୍ରମୁଖ କାର୍ଯ୍ୟକ୍ରମ ରେ ଉପସ୍ଥିତ ଥିଲେ।ପ୍ରାରମ୍ଭରେ ଜିନ୍ଦଲ ର ସି ଏସ ଆର ପ୍ରେସିଡେଣ୍ଟ ଓ ଗ୍ରୁପ ହେଡ ପ୍ରଶାନ୍ତ କୁମାର ହୋତା କାର୍ଯ୍ୟକ୍ରମ ସମ୍ପର୍କରେ ବିଷଦ ସୂଚନା ଦେଇ ସମସ୍ତ ଙ୍କୁ ସ୍ୱାଗତ କରିଥିଲେ। ୧୦୮ ଫୁଟ ଉଚ୍ଚ ସ୍ତମ୍ଭ ରେ ୩୬ ଫୁଟ ରେ ୨୪ ଫୁଟର ଏହି ପତାକା ସ୍ଥାନୀତ ହୋଇଛି। ସରୋଜ କୁମାର ସ୍ୱାଇଁ ଓ ପୁରୀ ଜିଲ୍ଲା ର ପ୍ରମୁଖ ଆଇନଜୀବୀ ମାନେ ଉପସ୍ଥିତ ଥିଲେ
