ଡ଼ାକ୍ତର ଓ ଦଲାଲ ଙ୍କ ମିଲିଭଗତରେ ଚାଲିଛି ବସନ୍ତ ମଞ୍ଜରୀ ସ୍ୱାସ୍ଥ୍ୟ କେନ୍ଦ୍ରରେ ରୋଗୀ ଚିକିତ୍ସା : ଜିଲ୍ଲା ପ୍ରଶାସନର ଉପେକ୍ଷା

୨୯ ଡିସେମ୍ବର ଗୁରୁବାର ( ଓଡ଼ିଶା ତାଜା ନ୍ୟୁଜ ) ରଣପୁର :- ରଣପୁର ବ୍ଲକ୍ ଅନ୍ତର୍ଗତ ଚାନ୍ଦପୁର ସ୍ଥିତ ବସନ୍ତ ମଞ୍ଜରୀ ସ୍ୱାସ୍ଥ୍ୟ କେନ୍ଦ୍ର ପ୍ରତି ଏବେ ସରକାର ଙ୍କ ଦୃଷ୍ଟି ଆକର୍ଷଣ ହୋଇ ଟ୍ରମା କେୟାର ଭାବେ ଆଗକୁ ଖ୍ୟାତି ଅର୍ଜନ କରିବା ସହ ହଜାର ହଜାର ରୋଗୀ ଙ୍କ ର ଏକ ଭରସା ଯୋଗ୍ୟ ଚିକିତ୍ସା କେନ୍ଦ୍ର ଭାବେ କାର୍ଯ୍ୟରତ ରହିବା ବଦଳରେ କିଛି ଅମାନୁସିକ ଡାକ୍ତର ଓ ଦଲାଲ ଙ୍କ ମିଲି ଭଗତ ରେ ରୋଗୀ ହେଉଛନ୍ତି ଶୋଷଣ । ଯାହା ଏବେ ରୋଗୀ ଙ୍କ ଚିନ୍ତାର କାରଣ ପାଲଟିଛି ।

ଏହାର କିଛି ସୁବ୍ୟବସ୍ଥତା ର ଉଦାହରଣ ଦେଖିବାକୁ ମିଳୁଛି ।

୧. ବେତନ ପ୍ରାପ୍ତ ଡ଼ାକ୍ତର ଙ୍କ ଉପସ୍ଥିତି ….

ପୂର୍ବରୁ ବସନ୍ତ ମଞ୍ଜରୀ ସ୍ୱାସ୍ଥ୍ୟ କେନ୍ଦ୍ରଟି ରେ ସାଧାରଣ ଚିକିତ୍ସା ନିମନ୍ତେ ୧୪ ଟି ବେତନ ପ୍ରାପ୍ତ ଡାକ୍ତର ଙ୍କୁ ନିୟୋଜିତ କରାଯାଇଥିଲା ଯାହା ଏବେ କମି କମି ୮ ରେ ପହଞ୍ଚିଛି । ତେବେ ସୂଚନା ଅନୁସାରେ ୧୪ ଟି ବେତନ ପ୍ରାପ୍ତ ଡାକ୍ତର ବସନ୍ତ ମଞ୍ଜରୀ ସ୍ୱାସ୍ଥ୍ୟ କେନ୍ଦ୍ର ରେ କାର୍ଯ୍ୟରତ ରହିଥିବା ଦର୍ଶାଇ ସରକାର ଙ୍କ ଠାରୁ ବେତନ ପାଉଛନ୍ତି । ସେଥିମଧ୍ୟରୁ ତିନି ଜଣ ସରକାରୀ ବାସଭବନ ରେ ରହି ରୋଗୀ ଙ୍କ ଠାରୁ ( ୨୦୦ ଟଙ୍କା )ଅର୍ଥ ନେଇ ସପ୍ତାହ କୁ ତିନି ଦିନ ରୋଗୀ ଦେଖୁଛନ୍ତି ହେଲେ ଡାକ୍ତରଖାନା ର ମାଟି ମାଡୁ ନାହାନ୍ତି । ଆଜି ପର୍ଯ୍ୟନ୍ତ ଡାକ୍ତରଖାନାର ଅନ୍ତଃ ବିଭାଗ କି ବର୍ହିଃ ବିଭାଗ ଚିକିତ୍ସା କୋଠରୀ ରେ ତାଙ୍କର ଦେଖା ମିଳୁନି ସାଧାରଣ ରେ କହିବାକୁ ଗଲେ ଛୁଟି ଦିନ ତଥା ସାପ୍ତାହିକ ତିନି ଦିନ ଉକ୍ତ ତିନୋଟି ଡାକ୍ତର ଙ୍କ ସରକାରୀ ବାସଭବନ ରେ ରୋଗୀ ଙ୍କ ଭିଡ଼ ପରିଲକ୍ଷିତ ହେଉଛି ଏବଂ ଡାକ୍ତରଖାନା ଖାଲି ପଡ଼ୁଚି .ସ୍ୱାସ୍ଥ୍ୟ କେନ୍ଦ୍ରର ଶିଶୁ ବିଶେଷଜ୍ଞ ଭାବେ ନିୟୋଜିତ ଥିବା ଡ଼ାକ୍ତର ୧୫ ଦିନ ପାଇଁ ଡ଼ାକ୍ତରଖାନା ରେ ଦୃଶ୍ୟମାନ ହେଲେ ଆଉ ୧୫ ଦିନ ଛୁଟି ରେ ରହି ମାସିକିଆ ବେତନର ଖୁବ୍ ଫାଇଦା ଉଠାଇବାରେ ଲାଗିଛନ୍ତି । ଆଉ ବାକି ରହିଲା ୪ ଜଣ ଡାକ୍ତର ଯେ କି ୨୪ ଘଣ୍ଟା ପାଇଁ ଗୋଟିଏ ଡାକ୍ତର ଡ଼ାକ୍ତରଖାନା ରେ ରୋଗୀ ଦେଖାରେ ବ୍ୟସ୍ତ ରହୁଛନ୍ତି । ଏପରି ଭାବେ ୪ ଟି ଡାକ୍ତର ଦିନେ ଛଡ଼ା ଦିନେ ରୋଗୀ ଦେଖା ର ଭାଗ ବଣ୍ଟା କରି ନେଇଛନ୍ତି । ଯେଉଁଥିପାଇଁ ସମସ୍ତ ରୋଗୀ ଙ୍କୁ ୪ ଜଣ ଡ଼ାକ୍ତର ଙ୍କ ର ଚିକିତ୍ସା ସମୟ ରେ ବାଧା ଉପୁଜିଛି ।

କୌଣସି ବିଭାଗର ଡ଼ାକ୍ତର ନିୟୋଜିତ ନଥିବା ବେଳେ ଗୋଟିଏ ଡାକ୍ତର ରେ ସବୁ ବିଭାଗର ଚିକିତ୍ସା ହେବା ନ ହେବା ଭଳି ଚାଲିଛି । ବାକି ରହିଲା ଚିକିତ୍ସାଳୟ ର ସୁପରିଟେଣ୍ଡେଣ୍ଟ ଙ୍କ କଥା ସେ ମହୋଦୟ ନୟାଗଡରେ ଅଧିକ ସମୟ କାମ କରୁଥିବା ବେଳେ ଚାନ୍ଦପୁରରେ ମାସକୁ ଦୁଇ ଥର ଡାଇରେକ୍ଟର ର ଭାବେ ଦାୟିତ୍ଵ ବହନ କରିଥାନ୍ତି । ଯଦି ସୁପରିଟେଣ୍ଡେଣ୍ଟ ଙ୍କ କାର୍ଯ୍ଯ ଏଭଳି ମନମୋଟିଆ ତାହାଲେ ଅନ୍ୟ ଡ଼ାକ୍ତର ମାନଙ୍କର ଉପରେ କି ବା ଉପେକ୍ଷା ଦେବା ।  ତେବେ ଲୋକ ଙ୍କ ଚିକିତ୍ସା ପାଇଁ ନିୟୋଜିତ ଥିବା ୧୪ ଟି ଡାକ୍ତର ଙ୍କ ମଧ୍ୟରୁ ୮ ଅଛନ୍ତି ଆଉ ୬ ଜଣ କୁଆଡେ ଗଲେ ? ଏହାକୁ ନେଇ ସ୍ୱାସ୍ଥ୍ୟ କେନ୍ଦ୍ର ର ମୂଖ୍ୟ ପ୍ରସାଶନିକ ସ୍ୱାସ୍ଥ୍ୟ ଅଧିକାରୀ ଙ୍କ ଦୃଷ୍ଟି ଗୋଚର ହେଉଥିଲେ ମଧ୍ୟ ଏହା ଦିଗରେ କୌଣସି ପଦକ୍ଷେପ ଗ୍ରହଣ କରାନଯିବା ସାଧାରଣ ଲୋକଙ୍କ ପାଇଁ କାଳ ସାଜିଛି । ଡ଼ାକ୍ତର ମାନଙ୍କ ମନ ମୋଟିଆ ଚିକିତ୍ସା କୁ ନେଇ ବରିଷ୍ଠ ବୁଦ୍ଧିଜୀବୀ ମହଲରେ ଅସନ୍ତୋଷ ପ୍ରକାଶ ପାଇଛି ।

୨. ସ୍ୱାସ୍ଥ୍ୟ କେନ୍ଦ୍ରର ସୁଷମ ଖାଦ୍ୟ ବଣ୍ଟନ ବ୍ୟବସ୍ଥା……

ସ୍ୱାସ୍ଥ୍ୟ କେନ୍ଦ୍ରର ଅବହେଳା ଚିକିତ୍ସା ପରେ ରୋଗୀ ଙ୍କ ପାଇଁ ପ୍ରସ୍ତୁତ ଖାଦ୍ୟ ରେ ମଧ୍ୟ ଚାଲିଛି ବହୁତ ବଡ଼ ଘୋଟାଲା ଯାହାକୁ ନେଇ ରୋଗୀ ଏବଂ କିଛି ସମାଜସେବୀ ମାନଙ୍କ ଅଭିଯୋଗ ହୋଇଆସୁଛି ସେଥି ପ୍ରତି ମଧ୍ଯ କାହାର ନଜର ନାହିଁ । ସରକାର ଙ୍କ ପକ୍ଷରୁ ରୋଗୀ ଙ୍କ ସୁସ୍ଥତା ଉପଯୁକ୍ତ ଭିଟାମିନ ଓ ସୁଷମ ଖାଦ୍ୟ ପରିବେଷଣ କରେଇବାର ଯୋଜନା ରହିଥିଲେ ହେଁ ଖାଦ୍ୟ ପାଇଁ ଟେଣ୍ଡର ନେଇଥିବା କଣ୍ଟ୍ରାକ୍ଟର ଙ୍କ ଘୋଟାଲା ରେ ପେଶି ହେଉଛନ୍ତି ନିରୀହ ରୋଗୀ ମାନେ । ଗୋଟେ ରୋଗୀ ଙ୍କ ମୁଣ୍ଡ ପିଛା ପ୍ଲେଟ ପ୍ରତି ୮୫ ଟଙ୍କାର ଖାଦ୍ୟ ପରିବେଷଣର ଅର୍ଥ ତାଲିକା ନିର୍ଦ୍ଧାରଣ ହୋଇଛି ଯାହାକୁ ୫୦ ଟଙ୍କା ହିସାବରେ (ଭାତ, ଡାଲି , ଗୋଟିଏ ଲେଖାଏଁ ଅଣ୍ଡା) ପ୍ରତି ପ୍ଲେଟ୍ ପିଛା ଖର୍ଚ୍ଚ କରି ବାକି ୩୫ ଟଙ୍କା ହିସାବରେ ଲକ୍ଷାଧିକ ଟଙ୍କାର ଘୋଟାଲା ହେଉଛି ।ରୋଗୀଙ୍କୁ ବଳକା ଖାଦ୍ୟ ତଥା ଅନୁପଯୁକ୍ତ ଖାଦ୍ୟକୁ ସକାଳ ଓ ସଂଧ୍ୟା ରେ ଦିଆଯାଉଥିବା ବେଳେ ରୋଗୀ ସେହି ଖାଦ୍ୟ କୁ ନେଇ ଅସନ୍ତୋଷ ପ୍ରକାଶ କରି କୁକୁର ମୁହଁ ରେ ଢ଼ାଳୁଥିବା ଦେଖିବାକୁ ମିଳିଛି । ରୋଗୀଙ୍କ ପ୍ରତିକ୍ରିୟା ଅନୁସାରେ ବାରମ୍ୱାର ଅଭିଯୋଗ କଲେ ମଧ୍ୟ ସ୍ୱାସ୍ଥ୍ୟକେନ୍ଦ୍ରର ସୁପରିଟେଣ୍ଡଣ୍ଟ ସରକାରୀ ଦଳର ତେବର୍ ଦେଖାଇ ରୋଗୀ ଙ୍କୁ ଚୁପ୍ କରିଦେଉଥିବା କଥା ମଧ୍ୟ ସାମ୍ନାକୁ ଆସିଛି । ତେବେ ସ୍ୱାସ୍ଥ୍ୟ କେନ୍ଦ୍ରର ଏହି ଘୋଟାଲା ରେ ରଣପୁରର କେଉଁ ରାଜନେତା ଙ୍କ ହାତ ରହିଛି ଏହାକୁ ନେଇ ଏକ ପ୍ରଶ୍ନବାଚୀ ସୃଷ୍ଟି ହୋଇଛି ।

ଏହାକୁ ନେଇ ବିଭାଗୀୟ ଅଧିକାରୀ ମାନଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ହେଁ ଉଭୟ ପ୍ରଶାସନ ଓ ସ୍ୱାସ୍ଥ୍ୟ ଅଧିକାରୀ ଙ୍କ ମଧୁଚନ୍ଦ୍ରିକାରେ ଲକ୍ଷାଧିକ ଟଙ୍କା ନେତା ମାନେ ଚଳୁ କରିଯାଉଥିବା ସାଧାରଣ ରେ ଅଭିଯୋଗ ହୋଇଛି ।

୩. ଚିକିତ୍ସା ନୀତି ….

ସାରା ବିଶ୍ବରେ ପ୍ରତିଷ୍ଠିତ ତଥା ଭାରତ ପ୍ରଥମ ଟିଭି ହସ୍ପିଟାଲ ନାମରେ ଖ୍ୟାତି ଅର୍ଜନ କରିଥିବା ଓଡ଼ିଶା ର ଗଡଜାତ ଅଞ୍ଚଳ ରଣପୁର ଗଡର ପ୍ରଥମ ସ୍ୱାସ୍ଥ୍ୟ ମନ୍ତ୍ରୀ ରାଣୀ ଡ. ବସନ୍ତ ମଞ୍ଜରୀ ଦେବୀ ଙ୍କ କର କମଳ ରେ ଏବଂ ରାଣୀ ଙ୍କ ଶତ ପ୍ରଚେଷ୍ଟା ରେ ଚାନ୍ଦପୁର ଠାରେ ଟିଭି ରୋଗୀ ମାନଙ୍କ ପାଇଁ ଏକ ସୁବିଧା ଜନକ ସ୍ୱାସ୍ଥ୍ୟ କେନ୍ଦ୍ର ନିର୍ମାଣ କରାଯାଇଥିଲା ଯାହାର ଏବେ ବି ମଧ୍ୟ ଦେଶ ବିଦେଶ ରେ ଖ୍ୟାତନାମା ଅର୍ଜନ କରି ବସନ୍ତ ମଞ୍ଜରୀ ଟିଭି ହସ୍ପିଟାଲ୍ ଭାବେ ବେଶ୍ ପରିଚିତ ରହିଛି । ଏହା ହଜାର ହଜାର ଟିଭି ଦ୍ଵାରା ଆକ୍ରାନ୍ତ ରୋଗୀ ଙ୍କ ସୁଫଳ ଚିକିତ୍ସା ଲାଭ ଦିଗରେ ସହାୟକ ହୋଇ ଆସିଛି । ତେବେ ଏଠାରେ ସରକାର ଙ୍କ ନିର୍ଦ୍ଧେଶ ଅନୁସାରେ ଟିଭି ରୋଗୀ ଙ୍କ ଚିକିତ୍ସା ସହିତ ସାଧାରଣ ରୋଗ ର ଚିକିତ୍ସା ପାଇଁ ମଞ୍ଜୁରୀ ପ୍ରଦାନ କରାଯାଇଛି । ଏବେ ମଧ୍ୟ ସେଠାରେ ଟିଭି ରୋଗୀ ଙ୍କ ପାଇଁ ସ୍ଵତନ୍ତ୍ର ଶଯ୍ୟା ବିଶିଷ୍ଟ ଚିକିତ୍ସା ର ବ୍ୟବସ୍ଥା ରହିଥିଲେ ହେଁ କୌଣସି ସନ୍ତୋଷଜନକ ବ୍ୟବସ୍ଥା ରୋଗୀ ଙ୍କ ର ହସ୍ତଗତ ହେଉନାହିଁ ଏତଦ୍ ବ୍ୟତୀତ ଟିଭି ରୋଗୀ ଙ୍କୁ ହସ୍ପିଟାଲ୍ ଚିକିତ୍ସା ରୁ ବଞ୍ଚିତ କରାଯାଉଛି ଯାହା ଏକ ନିନ୍ଦନୀୟ ଘଟଣା ହୋଇଛି । ଡ଼ାକ୍ତର ଟିଭି ରୋଗୀ ଙ୍କୁ ହସ୍ପିଟାଲ୍ ରେ ଚିକିତ୍ସା କରିବା ପାଇଁ ମନା କରିଦେଉଥିବା ଅଭିଯୋଗ ହୋଇ ଆସୁଛି । ଦଲାଲ ଓ ଡାକ୍ତର ଙ୍କ ସୁସମ୍ପର୍କ ରୋଗୀ ଙ୍କ ହନ୍ତସନ୍ତ ତଥା ମରଣ ର କାରଣ ପାଲଟିଛି । ସରକାର ଙ୍କ ପକ୍ଷରୁ ମାଗଣା ସ୍ବାସ୍ଥ୍ୟ ପରୀକ୍ଷା ର ସୁବିଧା ଦିଆଯାଇଥିଲେ ହେଁ ରୋଗୀ ଙ୍କ ଠାରୁ ବେସରକାରୀ କର ଭାବେ ଅର୍ଥ ଆଦାୟ କରି ସ୍ୱାସ୍ଥ୍ୟ ପରୀକ୍ଷା ରକ୍ତ ନମୁନା ପରୀକ୍ଷା ଇତ୍ୟାଦି କରାଯାଉଥିବା ଦେଖିବାକୁ ମିଳିଛି । ଏ ସବୁ ଅଭିଯୋଗ ର ସଠିକ୍ ଅନୁଧ୍ୟାନ କରି ରୋଗୀ ଙ୍କୁ ଚିକିତ୍ସା ର ସୁବ୍ୟବସ୍ଥା ଯୋଗାଇ ଦେବାର ଦାୟିତ୍ବ ନେଇଥିବା ପ୍ରଶାସନ ଏଦିଗରେ କେବେ କଡା କାର୍ଯ୍ୟନୁଷ୍ଠାନ ଗ୍ରହଣ କରୁଛି ଦେଖିବାକୁ ବାକି ରହିଲା ।