ମୋବାଇଲ ଓ ଏଟିଏମ କାର୍ଡ ଚୋରି ମାମଲାରେ ଜଣେ ଗିରଫ

୨୫ଡିସେମ୍ବର ରବିବାର ( ଓଡ଼ିଶା ତାଜା ନ୍ୟୁଜ ) ବାଲୁଗାଁ :- ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଲୁଗାଁ ଥାନା ଅଞ୍ଚଳରେ ପୂର୍ବରୁ ବହୁ ମାତ୍ରାରେ ଏଟିଏମ କାର୍ଡ ଓ ମୋବାଇଲ ଫୋନ ଚୋରି ଅଭିଯୋଗ ହୋଇ ଆସୁଥିଲା l ବାଲୁଗାଁ ପୋଲିସ ସିସିଟିଭି ଫୁଟେଜ ଏବଂ ନିଜସ୍ୱ ତଦନ୍ତ ଆଧାରରେ ଜଣେ ଅଭିଯୁକ୍ତକୁ ଗିରଫ କରିଛି l ଗିରଫ ଅଭିଯୁକ୍ତ ଜଣକ ହେଲେ ଶିବ ପ୍ରସାଦ ପଣ୍ଡା ଓରଫ(ଆଦିତ୍ୟ) l ଅଭିଯୁକ୍ତଙ୍କ ନିକଟରୁ ଏକାଧିକ ଚୋରି ଏଟିଏମ କାର୍ଡ,ଚାରିଗୋଟି ଚୋରି ମୋବାଇଲ ଫୋନ, 9 ହଜାର 600 ଚୋରି ନଗଦ ଟଙ୍କା ଏବଂ ବ୍ୟବହାର କରୁଥିବା ଏକ ସ୍କୁଟିକୁ ମଧ୍ୟ ଜବତ କରିଛି ବାଲୁଗାଁ ପୋଲିସ l ଅଭିଯୁକ୍ତଙ୍କ ନାମରେ ଦୁଇଟି ପୃଥକ ପୃଥକ ମାମଲା ରୁଜ୍ଜୁ କରି କୋର୍ଟ ଚାଲାଣ କରିଛି l ଉକ୍ତ ଗ୍ୟାଙ୍ଗରେ ଅନ୍ୟମାନେ ସମ୍ପୃକ୍ତ ଥିବା ନେଇ ତଦନ୍ତ ଜାରି ରହିଛି ବୋଲି ବାଲୁଗାଁ ଆଇଆଇସି ରଶ୍ମି ରଞ୍ଜନ ଦାସ ସୂଚନା ଦେଇଛନ୍ତି l