ଓଡିଶା ତାଜା ନ୍ୟୁଜ୍ , (୨୭ ମଇ, ବୁଧବାର) ଦାମୋଦର ରାଉତ ପୁଣି କରିଛନ୍ତି ପ୍ରଶଂସା : – ଭୁବନେଶ୍ୱର , ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭିନ୍ନ ଭିନ୍ନ ପ୍ରସଙ୍ଗରେ ପ୍ରଶଂସା କରୁଥିବା ବରିଷ୍ଠ ରାଜନେତା ଦାମୋଦର ରାଉତ ଆଜି କରୋନା ମୁକାବିଲା ପାଇଁ ପୁଣି କରିଛନ୍ତି ପ୍ରଶଂସା । ଏନେଇ ଦାମୋଦର ରାଉତ ତାଙ୍କ ଫେସ୍ବୁକ୍ ଆକାଉଣ୍ଟରେ ଏକ ପୋଷ୍ଟ କରିଛନ୍ତି । ସେଥିରେ ସେ ଉଲ୍ଲେଖ କରିଛନ୍ତି ଯେ ” କରୋନାର ମହାମାରୀକୁ ମୁକାବିଲା ପାଇଁ ଲକଡାଉନ ବିଫଳ ହୋଇଛି ବୋଲି ପ୍ରଧାନମନ୍ତ୍ରୀଙ୍କୁ କଂଗ୍ରେସ ନେତା ରାହୁଲ ଗାନ୍ଧୀ ଟାର୍ଗେଟ କରିଛନ୍ତି । ତାଙ୍କୁ ଅନୁସରଣ କରି ଓଡ଼ିଶାରେ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟକ ମଧ୍ୟ ରାଜ୍ୟରେ ଲକଡାଉନ ବିଫଳ ହୋଇଛି ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛନ୍ତି । କରୋନା ଭୂତାଣୁ ସଂକ୍ରମଣ ଯୋଗୁଁ ସାରାଦୁନିଆରେ ଯେତେବେଳେ ଏକ ଅସ୍ୱାଭାବିକ ଆତଙ୍କ ସୃଷ୍ଟି ହୋଇଛି, ସେତେବେଳେ ଦେଶରେ ଏବଂ ରାଜ୍ୟରେ ମୁଖ୍ୟ ବିରୋଧୀ ଦଳ କଂଗ୍ରେସ ରାଜନୈତିକ ଛକ୍କା ମାରିବା ପାଇଁ ସତେଯେମିତି ବ୍ୟାକୁଳ ହୋଇପଡିଛି ।
ତେବେ ମହାରାଷ୍ଟ୍ରରେ କରୋନା ସଂକ୍ରମଣ କେତେ ନିୟନ୍ତ୍ରିତ ଏବଂ ସେଠାରେ ସରକାରରେ ଭାଗୁଆଳି ଥିବା କଂଗ୍ରେସର ଭୂମିକା କଣ ବୋଲି ଆଜି ପ୍ରଶ୍ନ ଉଠୁଛି । କଥାରେ ଅଛି “ବୁଦ୍ଧି ନ ଦିଶଇ ଘରକୁ, କହିଦେଉଥାଏ ପରକୁ” । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କରୋନା ସଂକ୍ରମଣର ପରିଚାଳନାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ସରକାର ଏବଂ ଅନେକ ରାଜ୍ୟର ମୁଖ୍ୟମନ୍ତ୍ରୀ ପ୍ରସଂଶା କରୁଥିଲାବେଳେ, ରାଜ୍ୟ କଂଗ୍ରେସ ସଭାପତି ନିରଞ୍ଜନ ପଟନାୟକ ଏବଂ ତାଙ୍କର ବନ୍ଧୁମାନେ ରାଜ୍ୟ ସରକାର କି ପ୍ରକାର ପଦକ୍ଷେପ ନେଲେ ସଂକ୍ରମଣ ଜନିତ ସଫଳତା ମିଳିବ, ସେଥିପାଇଁ ୧୯୯୯ ମସିହା ମହାବାତ୍ୟା ଅନୁଭୂତିରୁ ନବୀନ ପଟନାୟକଙ୍କୁ ପରାମର୍ଶ ଦେଲେ ଭଲ ହୁଅନ୍ତା ବୋଲି ସେ ଲେଖିଛନ୍ତି ।
odishatazanews.com, whatsApp – 9938341180, ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
