ଓଡିଶା ତାଜା ନ୍ୟୁଜ୍ (୨୬ ମଇ, ମଙ୍ଗଳବାର) ଚନ୍ଦାହାଣ୍ଡି :- ଚନ୍ଦାହାଣ୍ଡି ବ୍ଲକର ଦୁର୍ଗମ ଅଞ୍ଚଳ କୁହୁଡି ଗ୍ରାମ ପଞ୍ଚାୟତ କୁ ବିଧାୟକ ଝରିଗାଁ ଇଂ.ପ୍ରକାଶ ଚନ୍ଦ୍ର ମାଝୀଙ୍କ ଗସ୍ତ । କରୋନା ମହାମାରୀ କୁ ଭୟଭୀତ ନ ହୋଇ ସଚେତନ ରହିଲେ ସୁରକ୍ଷିତ ରହିବା ତତ ସହିତ ପ୍ରବାସୀ ଭାଇଭଉଣୀ ମାନଙ୍କୁ ସଙ୍ଘରୋଧ ଗୃହରେ ରହିବାକୁ ପରାମର୍ଶ ଦେବା ସହ ସେମାନଙ୍କର ଯତ୍ନ ନେବାକୁ ପଂଚାୟତ ବାସୀଙ୍କୁ ବୁଝାଇଥିଲେ । ଏହି ଅବସରରେ ମାନ୍ୟବର ବିଧାୟକ କୁହୁଡି ଗ୍ରାମ ପଞ୍ଚାୟତର ସରପଞ୍ଚ, ସମିତି ସଭ୍ୟ, ୱାଡ଼ସଭ୍ୟସଭ୍ୟା ଓ ଜନସାଧାରଣଙ୍କୁ ଏ ଅଞ୍ଚଳର ସୁବିଧା ଅସୁବିଧା ପଚାରି ବୁଝିଥିଲେ । ପେନସନ,ଗ୍ରାମୀଣ ଆବାସ, ବିଜୁପକାଘର, ଖାଉଟି ସାମଗ୍ରୀ ଓ ଅନ୍ୟାନ୍ୟ ସରକାରୀ ଯୋଜନା ଠିକଭାବରେ ପାଇପାରୁଥିବାର ବୁଝିବାକୁ ପାଇଥିଲେ ।
କରୋନା ମହାମାରୀ ଯୋଗୁଁ ସାରା ଦେଶରେ ଲଗ ଡାଉନ ଚାଲୁଥିବା ହେତୁ ଛତିଶଗଡ଼ ଦେଇ କଳାହାଣ୍ଡି ଯିବାରେ ବହୁତ ଅସୁବିଧା ହେଉଛି ଏଣୁ କୁହୁଡି କୁଆମ୍ବ ଦେଇ ଝରିଗାଁ କୁ ସଂଯୋଗ କରୁଥିବା ଭାଲୁଡୋବା ରାସ୍ତା,କୁଆମ୍ବା ଠାରୁ ଗୋତମୁଣ୍ଡା ରାସ୍ତା ଓ କୁଆମ୍ବା ଠାରୁ ଋଷିଝରନ ରାସ୍ତା ତିଆରି କରିବାକୁ ମାନ୍ୟବର ବିଧାୟକ ଙ୍କୁ କୁହୁଡି ପଞ୍ଚାୟତ ବାସୀ ଅନୁରୋଧ କରିଥିଲେ । କୁହୁଡି ଗ୍ରାମପଞ୍ଚାୟତ ରେ ମୋବାଇଲ ସେବା ଠିକ ଭାବରେ ଉପଲବ୍ଧ ନ ଥିବାରୁ ସରକାରଙ୍କ ଜରୁରୀ କାଳୀନସେବା ପାଇବାରୁ ବଞ୍ଚିତ ହେଉଥିବା ପଞ୍ଚାୟତବାସୀ ମାନ୍ୟବର ବିଧାୟକ ଙ୍କୁ ଜଣାଇଥିଲେ ।
ମାନ୍ୟବର ବିଧାୟକ ପଞ୍ଚାୟତ ବାସୀ ଙ୍କ ଅନୁରୋଧ ରକ୍ଷାକରି ୦୮ କିଲୋମିଟର ପଞ୍ଚାୟତ ବାସୀ ଙ୍କ ସହ ଚାଲିଚାଲି ରାସ୍ତାର ସମସ୍ୟା ବୁଝିଥିଲେ । ଆଗାମୀ ଦିନରେ କୁହୁଡି ଠାରୁ କଳାହାଣ୍ଡି ଓ ଝରିଗାଁ କୁ ସଂଯୋଗ କରୁଥିବା ରାସ୍ତାର ଉନ୍ନତି ଦିଗରେ ପଦକ୍ଷେପ ନେବାକୁ ମାନ୍ୟବର ବିଧାୟକ ପଞ୍ଚାୟତ ବାସୀଙ୍କୁ ପ୍ରତିଶ୍ରୁତି ଦେଇଥିଲେ । ଏହି ଗସ୍ତ ସମୟରେ ସମିତି ସଭ୍ୟ ନୀଳମଣି ଗୌଡ଼,ବଳରାମ ପଟ୍ଟନାୟକ, ସଂଗ୍ରାମ ସାହୁ,ଶରତ ମାଝୀ,ପୁଷ୍ପ ମାଝୀ,ଶ୍ୟାମ ମାଝୀ,ଭକ୍ତ ମାଝୀ,କୁମ ମାଝୀ , ବେଣୁ ମାଝୀ, ନରେନ୍ଦ୍ର ମାଝୀ, କୀର୍ତ୍ତନ ମାଝୀ, ହେମ ନାୟକ, କରୁଣା ମାଝୀ, ସଦନ ମାଝୀ ପ୍ରମୁଖ ଉପସ୍ଥିତ ଥିଲେ । ( ରିପୋର୍ଟ-ବଳରାମ / ଯୁବରାଜ )
odishatazanews.com, whatsApp – 9938341180, ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
