ନୟାଗଡ଼ର ଖବର କାଗଜ ବିତରକ – ବାବୁଲା

ଓଡ଼ିଶା ତାଜା ନ୍ୟୁଜ୍ (୦୧ ଜାନୁଆରୀ ଶନିବାର ) ନୟାଗଡ଼ :- ଏ କଥାଟି କହିଛନ୍ତି ଆଜକୁ କ୍ରମାଗତ ଭାବେ ୩୯ ବର୍ଷ ହେଲା ଖରା, ବର୍ଷା, ଶୀତ, କାକରକୁ ଖାତିର ନକରି ସୂର୍ଯ୍ୟ ଉଦୟ ନ ହେବା ପୂର୍ବରୁ ନୟାଗଡ଼ ସହରରେ ସମସ୍ତ ଙ୍କ ଘରେ ଖବର କାଗଜ ପକେଇ ଦେଉଥିବା ନୀଳକଣ୍ଠ…. ସହରର ଅତିପ୍ରିୟ ବାବୁଲା….| ବିଭନ୍ନ ବର୍ଗର ଲୋକ ପରସ୍ପରକୁ ନବ ବର୍ଷର ସୁଭେତ୍ସା, ଅଭିନନ୍ଦନ ଜଣାଉଥିଲା ବେଳେ ସକାଳୁ ସକାଳୁ ସମସ୍ତ ପାଖରେ ତାଜା ଖବର ପହଞ୍ଚାଉଥିବା, ନିତିଦିନର ଖବର ଜଣାଇବାରେ ମୁଖ୍ୟ ମାଧ୍ୟମ ପାଲଟି ଥିବା ଆମ ଖବର କାଗଜ ବିତରକ ମାନଙ୍କୁ ସାଧାରଣତଃ କେହି ଅଭିନନ୍ଦନ ଜଣାଇନଥାନ୍ତି….

ଏ କଥାଟି ମୋତେ ବେଶ ଆନ୍ଦୋଳିତ କରିଥାଏ ଆଉ ଆଜି ମଧ୍ୟ କଲା…. ଏହି ପରିପ୍ରେକ୍ଷୀରେ ମୁଁ ଆଜି ଆଉ କୁଆଡେ କିଛି କାମ ନରଖି କାହା ପାଖକୁ ନଯାଇ କେବଳ ଯଦି ଜଣେ ହେଉନା କାହିଁକି ଜଣେ ଖବର କାଗଜ ବିତରକଙ୍କୁ ହିଁ ଅଭିନନ୍ଦନ ଆଉ ସୁଭେତ୍ସା ଜଣାଇବା ପାଇଁ ସ୍ଥିର କାଲି….. ଆଉ ସୌଭାଗ୍ୟକୁ ନୟାଗଡ଼ ସହରରେ 1983 ମସିହାରୁ ନିଜ ପିତାଙ୍କ ସହ ଆସି ଖବର କାଗଜ ବିତରଣ କରୁଥିବା ନୀଳକଣ୍ଠଙ୍କୁ (ବାବୁଲା) ହାତରେ ସାଇକେଲ ଧରି ଚାଲି ଚାଲି ଖବର କାଗଜ ଦେଇ ଫେରୁଥିବା ବେଳେ ଦେଖାହେଲା ….

ସଂଗେ ସଂଗେ ନିକଟରେ ଥିବା ଗୋଟିଏ ଫୁଲ ଦୋକାନରୁ ଗୋଟିଏ ଗୋଲାପ ଫୁଲ କିଣି ଆଣିଲି ଆଉ ବାବୁଲାଙ୍କୁ କୁଣ୍ଢାଇ ଧରିଲି ଆଉ ତାଙ୍କୁ ସ୍ନେହରେ ନବ ବର୍ଷ 2022 ର ଅଭିନନ୍ଦନ, ତାଙ୍କର ମଙ୍ଗଳ କାମନା ସହ ସୁଭେତ୍ସା ଜଣାଇଲି…. ଲକ୍ଷ କଲି ବାବୁଲା କାନ୍ଦ କାନ୍ଦ ହୋଇ ଯାଉଛନ୍ତି ଆଉ ତା ଭିତରେ ଦେଖିଲି ବାବୁଲାଙ୍କର ହସ କାନ୍ଦ ମିଶା ଲୋତକ ପୂର୍ଣ୍ଣ ଆଖି ଯୋଡିକ ମୋ ଆଡେ ଚାହିଁଛନ୍ତି…. ପଚାରିଲି ବାବୁଲା କଣ କହିବକି..???? ଉତ୍ତର ଦେଲେ ବାବୁଲା ଯିଏ ଯା’ଠୁ କିଛି ପାଉଛନ୍ତି ବା ପାଇବାର ଆଶା ରଖିଛନ୍ତି ଏଠି ସେମାନଙ୍କ ଭିତରେ ଅଭିନନ୍ଦନ ଦିଆ ନିଆ ଚାଲିଛି…

ହେଲେ ଆପଣ ମୋଠୁ କିଛି ପାଇବେ ନାହିଁ ଜାଣି ମଧ୍ୟ ମୋତେ ଗୋଟେ ବଡ଼ ଆସନରେ ବସେଇ ଦେଲେ କେହି କେବେ ଆମକୁ ଅଭିନନ୍ଦନ ଜଣାଉ ନଥିବାବେଳେ ଆପଣ ଦେଲେ ସେଥିପାଇଁ ଆପଣଙ୍କୁ ମହାପ୍ରଭୁ ଦୀର୍ଘାୟୁ କରନ୍ତୁ….ଆଉ କଣ ଖବରକାଗଜ ବିତରକ ବାବୁଲା କହିଲେ ଜାଣିଛନ୍ତି ରାମବାବୁ ଆପଣ ସ୍ନେହ ଦେଲେ, ମମତା ଦେଲେ ଆଉ ଆମ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବି ଦେଲେ…. କଣ ଦେଲେ ନା କୋଭିଡ ଯୋଦ୍ଧା ଭାବେ ଘୋଷଣା କରି ୨ ବର୍ଷର କୋଭିଡ ଆର୍ଥିକ ସହାୟତା ୩ ହାଜର ଟଙ୍କା ଲେଖାଏଁ ୬ ହଜାର ଟଙ୍କା ଦେଲେ….

ଏଇଠି ଥାଇ ମୁଁ ଆମ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମଧ୍ୟ ନବ ବର୍ଷର ଅଭିନନ୍ଦନ ଜଣାଉଛି…. ନବୀନଙ୍କର ମଧ୍ୟ ଦୀର୍ଘ ନିରାମୟ ଜୀବନ ମହାପ୍ରଭୁଙ୍କ ନିକଟରେ ରଖୁଛି….କେହି ଆମ ଖବର କାଗଜ ବିତରକଙ୍କୁ କେବେ ଆର୍ଥିକ ପୁରସ୍କାର ଦେଇ ନଥିଲେ ନବୀନ ଦେଲେ ଆଉ ନୟାଗଡ଼ରେ ଦୀର୍ଘ ୩୯ ବର୍ଷ ଧରି ଖବର କାଗଜ ବିତରଣ କରି ଆସୁଥିଲେ ମଧ୍ୟ କେହି କେବେ ଫୁଲଟିଏ ଦେଇ ମୋତେ ଅଭିନନ୍ଦନ ଜଣାଇ ନଥିଲେ ଆପଣ ଜଣାଇଲେ….ତେଣୁ କହିଲି ରାମବାବୁ ଆପଣ ଦେଲେ…. ଆଉ ନବୀନ ବାବୁ ଦେଲେ…. ଏ କଥା ବାବୁଲାଙ୍କ ଠାରୁ ଶୁଣି ମୋର ମଧ୍ୟ ଆଖିରେ ଲୁହ ଆସି ଯାଇଥିଲା ଆଉ ନିଜର ନବ ବର୍ଷ ପରିପ୍ରେକ୍ଷୀରେ ଅଭିନନ୍ଦନ ଜଣାଇବା ପର୍ବଟି ଉଚିତ ବ୍ୟକ୍ତିଙ୍କ ପାଖରେ ସମ୍ପର୍ଣ୍ଣ ହୋଇଥିବାରୁ…. ବାବୁଲାଙ୍କ ଅନୁରୋଧ କ୍ରମେ ତାଙ୍କ ସହ ଫୋଟୋ ଟିଏ ଉଠାଇ ନିଜ କର୍ତବ୍ୟ ପଥରେ ଅଗ୍ରସର ହେଲି…|