ଡିସେମ୍ବର ୧୯ ଓ ୨୦ ତାରିଖ ମାଁ ଦୁର୍ଗେଇ ଦେବୀଙ୍କ ଯାତ୍ରା

ଓଡ଼ିଶା ତାଜା ନ୍ୟୁଜ୍ (୧୬ ଡିସେମ୍ବର ଗୁରୁବାର) ପଦ୍ମପୁର :- ପଦ୍ମପୁର ଉପଖଣ୍ଡ ପାଇକମାଲ ଠାରୁ ନୁଆପଡା ରାସ୍ତାରେ ପ୍ରାୟ ୧୫ କିଲୋ ମିଟର ମନଭଙ୍ଗ ଡେମ । ପ୍ରାକୃତିକ ସୌନ୍ଦର୍ଯ୍ୟ ଏବଂ ମନଲୋଭା ଦୃଶ୍ୟ ସହ କୁଳୁ କୁଳୁ ନାଦରେ ବୋହି ଆସୁଥିବା ମାଁଙ୍କ ନାମରେ ନାମିତ ଝରଣା ଦୁର୍ଗେଇ ଝରଣା ପର୍ଯ୍ୟଟକଙ୍କୁ ବେଶ ଆକୃଷ୍ଟ କରିଥାଏ । ପ୍ରକୃତିର ଗନ୍ତା ଘର ଗନ୍ଧମାର୍ଦ୍ଦନ ପାଦ ଦେଶରେ ଥିବା ଏହି ସ୍ଥାନ ଏଠାରୁ ପ୍ରାୟ ୧୨ କିଲୋ ମିଟର ଏବଂ ୨ ଘଣ୍ଟାର ଜଙ୍ଗଲ ଏବଂ ପଥୁରିଆ ରାସ୍ତା ଚଢିବା ପରେ ଆସିଥାଏ ମାଁ ଦୁର୍ଗାଙ୍କର ପ୍ରାକୃତିକ ପୀଠ । ଏକ ଗୁମ୍ଫା ପରି ସ୍ଥାନରେ ପୂଜା ପାଇଥାନ୍ତି ମାଁ ଦୁର୍ଗେ ଦେବୀ ।

ଚଳିତ ମାସ ଡିସେମ୍ବର ୧୯ ଓ ୨୦ ତାରିଖରେ ଗନ୍ଧମାର୍ଦ୍ଦନ ପାହାଡ ଶୀର୍ଷରେ ଥିବା ମାଁ ଦୁର୍ଗେଇ ଦେବୀଙ୍କ ପୂଜନୋତ୍ସବ ଉତ୍ସବ ପାଳିତ ହେବ । ପ୍ରଥମ ଦିବସରେ ମାଁ ଦୁର୍ଗେଇ ଦେବୀଙ୍କ ପୂଜାରୀଙ୍କ ଦ୍ବାରା ପୂଜାର୍ଚ୍ଚନା ସମେତ ରାତିରେ ମାନସିକଧାରୀ ମାନଙ୍କର ବଳି ପ୍ରଦାନ ସହିତ ଭକ୍ତ ମାନଙ୍କର ଦର୍ଶନ ହୋଇଥାଏ । ଏହି ମାର୍ଗଶିର ପୂର୍ଣ୍ଣମା ରାତିରେ ମାଁଙ୍କର ଦର୍ଶନ ନିମନ୍ତେ ବହୁ ଭକ୍ତଙ୍କ ସମେତ ହୋଇଥାନ୍ତି । ଦ୍ବିତୀୟ ଦିବସରେ ମାଁ ଦୁର୍ଗେଇ ଦେବୀଙ୍କ ପୂଜା ସଂପନ୍ନ ହେଲାପରେ ଭକ୍ତ ମାନେ ପ୍ରସାଦ ସେବନ କରି ପାହାଡ ଉପରୁ ତଳକୁ ଓହ୍ଲାଇଥାନ୍ତି ବୋଲି ଦୁର୍ଗେଇ ଦେବୀ ପରିଚାଳନା କମିଟି ସଭାପତି ଶ୍ରୀ ମଧୁସୂଦନ ପାଣ୍ତେ ସୂଚନା ଦେଇଛନ୍ତି ।