“ଡ୍ରିଙ୍କ-ଫ୍ରମ୍‌-ଟ୍ୟାପ” ମାନର ପାଣି ପାଇବାରେ ପୁରୀ ଭାରତର ପ୍ରଥମ ସହର ହୋଇଛି ; ପୁରୀରେ ‘ସୁଜଳ’ ବା ‘ଡ୍ରିଙ୍କ ଫ୍ରମ୍‌ ଟ୍ୟାପ୍‌’ ମିସନର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

•  ଆଏସ୍ ୧୦୫୦୦ ଭାରତୀୟ ମାନକ ଅନୁସାରେ ଟ୍ୟାପ୍ ମାଧ୍ୟମରେ ୨୪ଙ୍ଘ ୭ ନିରାପଦ ପାନୀୟ ଜଳ ବ୍ୟବସ୍ଥା

• ଭାରତରେ ପ୍ରଥମ ଥର ପାଇଁ ଓଡ଼ିଶା ସରକାରଙ୍କ ‘ସୁଜଳ’ ବା ‘ଡ୍ରିଙ୍କ ଫ୍ରମ୍ ଟ୍ୟାପ୍‌’ ମିସନ୍ ଦ୍ୱାରା ସହରର ୨.୫ ଲକ୍ଷ ସ୍ଥାନୀୟ ଲୋକ ଓ ୨ କୋଟି ପର୍ଯ୍ୟଟକମାନେ ଉପକୃତ ହୋଇପାରିବେ ।

ଓଡ଼ିଶା ତାଜା ନ୍ୟୁଜ (୨୬ ଜୁଲାଇ ସୋମବାର) ଭୁବନେଶ୍ୱର / ପୁରୀ :- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜୁଲାଇ ୨୬ ରେ ପୁରୀରେ ‘ସୁଜଳ’ ବା ‘ଡ୍ରିଙ୍କ ଫ୍ରମ୍ ଟ୍ୟାପ୍‌’ ମିସନର ଶୁଭାରମ୍ଭ କରିଛନ୍ତି । ଏହା ସହିତ, ପୁରୀ ଆଏସ୍‌ ୧୦୫୦୦ ଭାରତୀୟ ମାନକ ଅନୁସାରେ ୨୪ଙ୍ଘ ୭ ‘ଡ୍ରିଙ୍କ ଫ୍ରମ୍ ଟ୍ୟାପ୍‌’ ମାନର ପାନୀୟ ଜଳ ପାଇବାରେ ଭାରତର ପ୍ରଥମ ସହର ହୋଇପାରିଛି । ଓଡ଼ିଶା ସରକାରଙ୍କ ଏହି ଯୁଗାନ୍ତକାରୀ ପଦକ୍ଷେପ ‘ସୁଜଳ’ ବା ‘ଡ୍ରିଙ୍କ ଫ୍ରମ୍ ଟ୍ୟାପ୍‌’ ମିିସନ୍ ୫ଟି ଗଭର୍ଣ୍ଣାନ୍ସ ମନ୍ତ୍ର ଅନ୍ତର୍ଗତ ଆସୁଅଛି ଓ ଏହାଦ୍ୱାରା ସହରର ୨.୫ ଲକ୍ଷ ଲୋକ ଓ ୨ କୋଟି ପର୍ଯ୍ୟଟକ ଉପକୃତ ହୋଇପାରିବେ ଯେଉଁମାନେ ଜଗନ୍ନାଥଙ୍କୁ ଦର୍ଶନ କରିବା ନିମନ୍ତେ ପ୍ରତି ବର୍ଷ ପୁରୀ ଆସିଥାନ୍ତି । ଏହି ଅତ୍ୟାଧୁନିକ ବୈଷୟିକି ସହାୟତାରେ ଲୋକମନେ ଟ୍ୟାପର ଜଳକୁ ପ୍ରତ୍ୟକ୍ଷ ଭାବରେ ଗ୍ରହଣ କରିପାରିବେ ଓ ପ୍ରଥମ ଥର କରି ଭାରତରେ ଏହା ବାସ୍ତବତାରେ ପରିଣତ ହୋଇଛି । ଲଣ୍ଡନ, ସିଙ୍ଗାପୁର, ଓ ନ୍ୟୁୟର୍କ ସହର ପରି ପୁରୀରେ ବର୍ତମାନ ୧୦୦% ମିଟର ସହିତ ଘରମାନଙ୍କରେ ପାଣି ସଂଯୋଗର ବ୍ୟବସ୍ଥା ରହିଛି । ଏହି ପାନୀୟ ଜଳର ବ୍ୟବସ୍ଥା ମାଧ୍ୟମରେ ୩ କୋଟି ପ୍ଲାଷ୍ଟିକ ବଟଲର ବ୍ୟବହାରକୁ ହ୍ରାସ କରାଯାଇପାରିବ ଓ ଏହା ଦ୍ୱାରା ୪୦୦ ମେଟ୍ରିକ ଟନ୍ ପ୍ଲାଷ୍ଟିକ ବର୍ଜ୍ୟ କମ୍ ହୋଇପାରିବ ।

ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଜୁଲାଇ ୨୬ ରେ ଭିଡିଓ କନ୍‌ଫରେନ୍ସିଂ ମାଧ୍ୟମରେ ‘ଡ୍ରିଙ୍କ ଫ୍ରମ୍ ଟ୍ୟାପ୍ ମିଶନ୍‌’ – ‘ସୁଜଳ’ର ଉଦଘାଟନ କରିବା ଅବସରରେ କହିଛନ୍ତି ଯେ “ପ୍ରତି ଘରକୁ ୨୪ଙ୍ଘ ୭ ‘ଡ୍ରିଙ୍କ ଫ୍ରମ୍ ଟ୍ୟାପ୍‌’ ମାନର ପାନୀୟ ଜଳ ପ୍ରଦାନ କରିବା ହେଉଛି ଏକ ଯୁଗାନ୍ତକାରୀ ପଦକ୍ଷେପ ଓ ଏହା ଦ୍ୱାରା ଜଗନ୍ନାଥ ଧାମ ପୁରୀ ଏକ ବିଶ୍ୱଶ୍ରେଣୀୟ ଐତିହ୍ୟ ସହର ଭାବରେ ଆଉ ପାଦେ ଆଗେଇଛି । ପୁରୀ ଅଧିବାସୀ, ପର୍ଯ୍ୟଟକ, ତୀର୍ଥଯାତ୍ରୀମାନେ ଘରେ ଟ୍ୟାପରୁ ବା ଡ୍ରିଙ୍କିଂ ୱାଟର ଫାଉଂଟେନରୁ ପାନୀୟ ଜଳ ପାଇପାରିବେ । ଓଡ଼ିଶାର ପ୍ରତ୍ୟେକ ଘରକୁ ପାଇପରେ ଜଳ ଯୋଗାଣ କରିବାର ମୋର ସ୍ୱପ୍ନ ରହିଥିଲା ଓ ଏହା ଏବେ ବାସ୍ତବତାରେ ପରିଣତ ହୋଇଛି ।” ସହରକୁ ଆସୁଥିବା ତୀର୍ଥ ଯାତ୍ରୀମାନେ ଏହା ସହିତ ୧୨୦ ପାନୀୟ ଜଳ ଫାଉଂଟେନର ସୁବିଧା ପାଇବେ । ଏହି ସୁବିଧାକୁ ଏୟାରପୋର୍ଟ ପରି ଗ୍ରାଣ୍ଡ ଟ୍ରଙ୍କ ରୋଡ୍ ଓ ପୁରୀର ଅନ୍ୟ ହଟସ୍ପଟମାନଙ୍କରେ କରାଯାଇଛି । ପୁରୀ ବ୍ୟତୀତ, ଏହି ମିସନ୍ ମାଧ୍ୟମରେ ଓଡ଼ିଶାର ୧୬ ଟି ସହରରେ କାର୍ଯ୍ୟକାରୀ କରାଯିବ ଯଦ୍ୱାରା ୪୦ ଲକ୍ଷ ନାଗରିକ ଉପକୃତ ହୋଇପାରିବେ । ୫ଟି ଗଭର୍ଣ୍ଣାନ୍ସ ମନ୍ତ୍ର ଅନ୍ତର୍ଗତ ଏହି ‘ଡ୍ରିଙ୍କ ଫ୍ରମ୍‌ ଟ୍ୟାପ’ ପଦକ୍ଷେପ ମାଧ୍ୟମରେ, ଓଡ଼ିଶାର ୧୧୪ ଟି ଅର୍ବାନ୍ ଲୋକାଲ୍ ବଡିକୁ ନିରାପଦ ଜଳ ପ୍ରଦାନ କରାଯିବ ଓ ଏଥିରେ ମଧ୍ୟ ରାଜ୍ୟର ସମସ୍ତ ବସ୍ତିର ଘର ଗୁଡ଼ିକୁ ସାମିଲ୍‌ କରାଯିବ । ଅତ୍ୟାଧୁନିକ ଲାବୋରାଟୋରି, ଲ୍ୟାବ୍ ଅନ୍ ହୁଇଲ୍ସ, କ୍ଲୋରିନ୍ ଆନାଲାଇଜର ସହିତ ଅଟୋମେଟିକ୍ କ୍ଲୋରିନ୍ ଡୋଜର୍ସ, ୱାଟର କ୍ୱାଲିଟି ସେନ୍‌ସର୍ସ ଓ ଦ୍ୱାରଦେଶରେ କ୍ୱାଲିଟି ସର୍ଭେଲିଆନ୍ସ ମାଧ୍ୟମରେ ଜଳ ମାନର ନିରୀକ୍ଷଣକୁ ମଜବୁତ କରାଯାଇଛି ।

ସ୍ୱୟଂ ସହାୟକ ଗୋଷ୍ଠୀର ମହିଳା, ଯାହାକୁ ଏଥିରେ ଜଳସାଥୀ ଭାବରେ ନିୟୋଜିତ କରାଯାଇଛି ଓ ସେମାନେ ସର୍ବସାଧାରଣ ଓ ସରକାରଙ୍କ ମଧ୍ୟରେ ଏକ ଗୋଷ୍ଠୀ ଲିଙ୍କ ଭାବରେ କାର୍ଯ୍ୟ କରିବେ ଓ ଏହା ଦ୍ୱାରା ସରକାରଙ୍କ ମହିଳା ସଶକ୍ତିକରଣ ପ୍ରତିଶୃତିବଦ୍ଧତାକୁ ମଧ୍ୟ ପୂରଣ କରାଯାଇପାରିବ । ଜଳସାଥୀମାନଙ୍କୁ ମିଟର ରିଡିଂ, ରେଭିନ୍ୟୁ ସଂଗ୍ରହ, ଫିଲ୍ଡ ୱାଟର କ୍ୱାଲିଟି ପରୀକ୍ଷା ଓ ଲୋକମାନଙ୍କୁ ମିଟରଯୁକ୍ତ କନେକ୍ସନ ସମ୍ବନ୍ଧରେ ସଚେତନ କରାଇବା ପାଇଁ ତାଲିମ୍ ପ୍ରଦାନ କରାଯାଇଛି । ଏହାଦ୍ୱାରା ପୁରୀରେ ୧୦୦% ଜଳ ମିଟର ସଂଯୋଗ ବ୍ୟବସ୍ଥା କରାଯାଇପାରିଛି । ରାଜ୍ୟ ଏହାର “ଲ୍ୟାବ୍ ଅନ୍ ହୁଇଲ୍ସ” ମାଧ୍ୟମରେ କଠୋର ଗୁଣମାନ ନିୟନ୍ତ୍ରଣ ଓ ପାନୀୟ ଜଳର ମାନକୁ ସୁନିଶ୍ଚିତ କରୁଛି । ମୋବାଇଲ୍ ଭ୍ୟାନ ଲାବୋରାଟୋରି ମାଧ୍ୟମରେ ଅନସାଇଟ୍ ଜଳ ମାନ ଅନୁଧ୍ୟାନ ସହିତ ଗୁରୁତ୍ୱପୂର୍ଣ୍ଣ ମାପଦଣ୍ଡଗୁଡ଼ିକୁ ମଧ୍ୟ ଦୃଷ୍ଟି ପ୍ରଦାନ କରାଯାଉଛି । ଲିକେଜକୁ ପ୍ରତିହତ କରିବା, ଜଳର ଗୁଣମାନକୁ ସୁନିଶ୍ଚିତ କରିବା, ଯୋଗାଣ ପ୍ରେସର ଅନୁଧ୍ୟାନ ଇତ୍ୟାଦି ପାଇଁ କୁଇକ୍ ରେସପନ୍ସ ଟିମ୍‌ ରହିବେ ଯେଉଁଥିରେ ରହିଛନ୍ତି ସ୍ୱତନ୍ତ୍ର ମୋବାଇଲ୍ କ୍ରିଉ ।

ଏହି ପରି ଦୁଇଟି କ୍ରିଉ ସର୍ବଦା ପୁରୀରେ ସମର୍ପିତ ଯାନ ସହିତ ଉପଲବ୍ଧ ରହିଛନ୍ତି । ସର୍ବସାଧାରଣ ସ୍ଥାନମାନଙ୍କରେ ରିୟଲ-ଟାଇମ୍ ଜଳମାନକୁ ଏଲସିଡି ସ୍କ୍ରିନ ମାଧ୍ୟମରେ ଡିସପ୍ଲେ କରାଯିବ ଯଦ୍ୱାରା ଲୋକମାନଙ୍କ ମଧ୍ୟରେ ସଚେତନତା ସୃଷ୍ଟି ହେବା ସହିତ ଏଥିପ୍ରତି ବିଶ୍ୱାସ ବୃଦ୍ଧି ପାଇବ । ଏହା ସହିତ ଦୃଢ଼ ବୈଷୟିକି ଭିତିକ, ରିୟଲ ଟାଇମ ସର୍ଭେଲାନ୍ସ ଓ ନିୟନ୍ତ୍ରଣ ପଦକ୍ଷେପ ମାଧ୍ୟମରେ ମଧ୍ୟ ଜଳ ଗୁଣମାନକୁ ସୁନିଶ୍ଚିତ କରାଯିବ । ରାଜ୍ୟରେ ସ୍ମାର୍ଟ ୱାଟର ମ୍ୟାନେଜମେଂଟ ଟେକ୍‌ନୋଲୋଜିକୁ କାର୍ଯ୍ୟକାରୀ କରାଯାଇଛି ଯଦ୍ୱାରା ପୁରୀରରେ ନିରନ୍ତର ଜଳର ମାନକୁ ଅନୁଧ୍ୟାନ କରାଯାଉଛି ଯାହାକି ଜାତୀୟ ସ୍ତରରେ ସ୍ୱୀକୃତି ଲାଭ କରିଛି । ଦ୍ୱିତୀୟ ନ୍ୟାସନାଲ୍ ୱାଟର ଓ ସାନିଟେସନ ଇନୋଭେସନ ସମିଟ୍‌ରେ ଓ ୧୮ତମ ସିଏସଆଇ ଏସଆଇଜି ଇ-ଗଭର୍ଣ୍ଣାନ୍ସ ଆୱାର୍ଡ଼ସରେ ଆୱାର୍ଡ଼ ଅଫ୍ ଏକ୍ସିଲେନ୍ସ ଲାଭ କରିଛି । ପ୍ରତାପ ଜେନା, ଗୃହ ଓ ସହରାଂଚଳ ବିକାଶ ରାଜ୍ୟ ମନ୍ତ୍ରୀ ଏହି କାର୍ଯ୍ୟକ୍ରମକୁ ସମ୍ବୋଧିତ କରିଥିଲେ ଓ ଏହି କାର୍ଯ୍ୟକ୍ରମରେ ଭାରତ ସରକାରଙ୍କ ଗୃହ ଓ ସହରଂଚଳ ବ୍ୟାପାର ମନ୍ତ୍ରଣାଳୟର ସେକ୍ରେଟାରି ଉପସ୍ଥିତ ରହିଥିଲେ । ଏହାକୁ ଫେସବୁକ୍‌ , ଟ୍ୱିଟର ଓ ୟୁଟ୍ୟୁବରେ ଲାଇଭ୍ ଷ୍ଟ୍ରିମ୍ କରାଯାଇଥିଲା ।