No Result
View All Result
ଓଡ଼ିଶା ତାଜାନ୍ୟୁଜ (୧୯ ଜୁଲାଇ ସୋମବାର ) ଭୁବନେଶ୍ୱର :- ଗୋଦରେଜ୍ ଗ୍ରୁପ୍ର ପ୍ରମୁଖ କଂପାନି ଗୋଦରେଜ୍ ଆଣ୍ଡ୍ ବଏସ୍ର ସଂସ୍ଥା ଗୋଦରେଜ୍ ଆପ୍ଲାଏନ୍ସେସ୍ ଭାରତୀୟ ଡିସ୍ୱାସର (ବାସନ ମାଜିବା ଯନ୍ତ୍ର) ବର୍ଗରେ ପ୍ରବେଶ କରି ନୂଆ ଗୋଦରେଜ୍ ଇଅନ୍ ଡିସ୍ୱାସର୍ ବର୍ଗମାଳାକୁ ଉନ୍ମୋଚନ କରାଯାଇଛି । ଏ ସମ୍ପର୍କରେ ଶ୍ରୀଯୁକ୍ତ କମଳ ନନ୍ଦୀ, ବିଜନେସ୍ ମୁଖ୍ୟ ଓ କାର୍ଯ୍ୟନିର୍ବାହୀ ଉପ ସଭାପତି, ଗୋଦରେଜ୍ ଆପ୍ଲାଏନ୍ସେସ୍ କହିଛନ୍ତି ଯେ, “ମହାମାରୀ, ଗ୍ରାହକମାନଙ୍କ ଚାପ ସ୍ତରରେ ଉଲ୍ଲେଖନୀୟ ବୃଦ୍ଧି ଆଣିଛି । ଏହା ଦ୍ୱାରା ସହରାଚଂଳର ଗ୍ରାହକମାନେ ବିଶେଷ ଭାବେ ପ୍ରଭାବିତ ହୋଇଛନ୍ତି । ସେମାନେ ଅଫିସ କାମ ସହିତ ଘର କାମରେ ଛନ୍ଦି ହୋଇପଡ଼ିଛନ୍ତି କାରଣ ସ୍ୱାସ୍ଥ୍ୟ ବିପଦ କମ୍ କରିବା ଲାଗି ସେମାନେ ଘରୋଇ ସହାୟକ ଉପରେ ନିର୍ଭରଶୀଳତା କମ୍ କରିଛନ୍ତି । ଏହା ଡିସ୍ୱାସର୍ ଭଳି ଆପ୍ଲାଏନ୍ସର ଚାହିଦାରେ ବୃଦ୍ଧି ଆଣିଛି । ମହାମାରୀ ଆରମ୍ଭ ହେବା ପରଠାରୁ ଆମେ ସ୍ୱାସ୍ଥ୍ୟ, ପରିମଳ ଓ ଉଦ୍ୟମକୁ କମ୍ କରିବା ଆଦି ବିଷୟରେ ପ୍ରଯୁକ୍ତି ଉପରେ କାର୍ଯ୍ୟ କରୁଛୁ ଏବଂ ଆମର ଡିସ୍ୱାସର୍ ସଠିକ୍ ଭାବେ ଖାପଖାଉଛି । ହୃଦୟରେ ପରିମଳ, ସହଜତା ଓ ଦକ୍ଷତାକୁ ରଖି ଗୋଦରେଜ୍ ଡିସ୍ୱାସର୍ର ଯୁଦ୍ଧକାଳୀନ ବାସନ ସଫା କରିବା ଯାହାକୁ ଘରର ସବୁଠୁ ଅଧିକ ସମୟ ଓ ଉଦ୍ୟମ ଦରକାର କରୁଥିବା କାମ ଭାବେ ବିଚାର କରାଯାଏ ଏବଂ ଆମର ଏହି ଡିସ୍ୱାସର୍ ବାସନ ମାଜିବାକୁ ବାସ୍ତବରେ ସହଜ କରିଛି । ଆମର ବିଶ୍ୱାସ ରହିଛି ଯେ ମହାମାରୀ ପରେ ମଧ୍ୟ ଏହି ବର୍ଗରେ ଅଭିବୃଦ୍ଧି ଜାରି ରହିବ କାରଣ ନିଜ ଜୀବନରେ ଏହି ଉତ୍ପାଦର ମୂଲ୍ୟକୁ ଅଧିକାଂଶ ଗ୍ରାହକ ଜାଣିପାରିଛନ୍ତି ।’’ ଗୋଦରେଜ୍ ଇଅନ୍ ଡିସ୍ୱାସର୍ରେ ଏକକାଳୀନ ୯୧ ବାସନ ମାଜି ହେବ । ଏଥିରେ ପ୍ରେସର କୁକର, କଡ଼େଇ, ତାୱା ଏବଂ ପ୍ରାୟ ସବୁ ପ୍ରକାର ଭାରତୀୟ ବାସନ ମାଜି ହେବ । ମୂଲ୍ୟବାନ ଡିନର ସେଟ୍ ଓ ସୌକିନ କପ୍ ଓ ଗ୍ଲାସ୍କୁ ମଧ୍ୟ ଏଥିରେ ସହଜରେ ମାଜି ହେବ ।
ଟେଫ୍ଲନ୍ ନନ୍-ଷ୍ଟିକ୍, ସେରାମିକ୍, ମେଲାମାଇନ୍, ସିଲିକନ୍ ଓ ପ୍ଲାଷ୍ଟିକ୍ ଓୟାର ଉପକରଣଗୁଡ଼ିକ ପାଇଁ ମଧ୍ୟ ଏହି ଡିସ୍ୱାସରକୁ ବ୍ୟବହାର କରାଯାଇପାରିବ । ଏହା କମ୍ ପାଣି ଓ ବିଦ୍ୟୁତ ଖର୍ଚ କରିବ । ଗୋଦରେଜ୍ ଡିସ୍ୱାସର୍ର ଇକୋ ମୋଡ୍ ବିଦ୍ୟୁତ ଶକ୍ତି ସଂଚୟ କରିବ ଏବଂ ପ୍ରତି ଥର ବାସନ ମାଜିବା ଲାଗି ୯ ଲିଟର ପାଣି ବ୍ୟବହାର ହେବ । ଗ୍ରିଜ୍ ଓ ମସଲା ଆଦିକୁ ଛଡ଼ାଇବାରେ ଏହା ପ୍ରଭାବଶାଳୀ ସାବ୍ୟସ୍ତ ହେବ । ଏଥିରେ ଷ୍ଟିମ୍ ୱାସ୍, ୟୁଭି ଟେକ୍ନୋଲୋଜି, ସ୍ମାର୍ଟ ୱାସ୍ ଟେକ୍ନୋଲୋଜି, ଡାଇରେକ୍ଟ ୱାସ୍ ଫଙ୍କସନ୍, ଟର୍ବୋ ଡ୍ରାଇଂ ଟେକ୍ନୋଲୋଜି, ଅଟୋ ଡୋର ଓପୋନ୍, ଇନଭର୍ଟର ପ୍ରଯୁକ୍ତି ଭଳି ସୁବିଧା ରହିଛି । ରାଜିନ୍ଦର କୌଲ, ପ୍ରଡକ୍ଟ ଗ୍ରୁପ୍ ହେଡ୍-ଡିସ୍ୱାସରସ୍, ଗୋଦରେଜ୍ ଆପ୍ଲାଏନ୍ସେସ୍ କହିଛନ୍ତି ଯେ, “ଭାରତରେ ଡିସ୍ୱାସର ବର୍ଗ ପ୍ରାରମ୍ଭିକ ପର୍ଯ୍ୟାୟରେ ରହିଛି କିନ୍ତୁ କୋଭିଡ୍-୧୯ ପାଇଁ ସୁବିଧା, ସ୍ୱଚ୍ଛତା ଓ ପରିମଳକୁ ନେଇ ବ୍ୟକ୍ତିଗତ ଆବଶ୍ୟକତା ବୃଦ୍ଧି ପାଇଥିବାରୁ ଏହି ବର୍ଗରେ ସଚେତନତା ଓ ଚାହିଦା ବୃଦ୍ଧି ପାଇଛି । ୨୦୨୦ ଅକ୍ଟୋବରରେ କିିଛି ନିର୍ଦିଷ୍ଟ ପ୍ରକାରର ସହରର ପାଇଁ ଆମେ ଇ-କମର୍ସ ସାଇଟ୍ରେ ସ୍ୱତନ୍ତ୍ର ଭାବେ ଗୋଦରେଜ୍ ଇଅନ୍ ଡିସ୍ୱାସର୍କୁ ଉନ୍ମୋଚନ କରିଥିଲୁ । ଏବେ ସମସ୍ତ ବର୍ଗ ଅଫଲାଇନ୍ ଷ୍ଟୋର୍ଗୁଡ଼ିକରେ ମଧ୍ୟ ଉପଲବ୍ଧ ହୋଇଛି । ମୂଲ୍ୟକୁ ନେଇ ଆମର ଯେଉଁ ଉପସ୍ଥିତି ରହିଛି ତାହାକୁ ନେଇ ଆମର ବିଶ୍ୱାସ ରହିଛି ଯେ ଆମେ ଚଳିତ ଆର୍ଥିକ ବର୍ଷରେ ୧୫% ବଜାର ଅଂଶ ହାସଲ କରିପାରିବୁ ।’’ ଗୋଦରେଜ୍ ଇଅନ୍ ଡିସ୍ୱାସର୍ ଉପରେ କଂପାନି ୨ ବର୍ଷର ବ୍ୟାପକ ୱାରେଂଟି ପ୍ରଦାନ କରୁଛି । ତିନିଟି ଭାରିଆଂଟ୍ରେ ଏଥିରେ ୧୩ ପ୍ଲେସ୍ ଓ ୧୨ ପ୍ଲେସ୍ ସେଟିଂ ରହିଛି । ଗୋଦରେଜ୍ ଇଅନ୍ ଡିସ୍ୱାସର୍ର ପ୍ରାରମ୍ଭିକ ମୂଲ୍ୟ ୩୭,୯୦୦ ଟଙ୍କା ସହ ଟିକସ ରହିଛି ।
No Result
View All Result
