ଟ୍ରାନ୍ସୟୁନିୟନ୍ ସିବିଲ୍ ଓ ସିଏସ୍‌ସି ସହଯୋଗିତାର ପ୍ରଥମ ବର୍ଷରେ ୧.୫ ଲକ୍ଷ ଗ୍ରାହକ ଉପକୃତ

ଓଡ଼ିଶା ତାଜା ନ୍ୟୁଜ୍ (୦୮ ଜୁଲାଇ ଗୁରୁବାର ) ଭୁବନେଶ୍ୱର :- ଟ୍ରାନ୍ସୟୁନିୟନ୍ ସିବିଲ୍ ଓ ଡିଜିଟାଲ୍ ଇଣ୍ଡିଆର ଜନ ସେବା କେନ୍ଦ୍ର (ସିଏସ୍‌ସି) ତରଫରୁ ସହଯୋଗିତାର ପ୍ରଥମ ବର୍ଷ ପୂର୍ତି ପାଳନ କରାଯାଉଛି । ଏହା ଜରିଆରେ ୧,୫୦,୦୦୦ରୁ ଅଧିକ ଗ୍ରାହକ ବିଶେଷ କରି ଗ୍ରାମାଞ୍ଚଳର ଗ୍ରାହକମାନେ ସୁବିଧାରେ ସେମାନଙ୍କ ସିବିଲ୍ ସ୍କୋର୍ ଓ କ୍ରେଡିଟ୍ ରିପୋର୍ଟ ହାସଲ କରିଛନ୍ତି । ୨୦୨୦ ଜୁଲାଇରେ ଘୋଷଣା ହୋଇଥିବା ଏହି ସହଯୋଗିତା ଜରିଆରେ ଗ୍ରାହକମାନେ ଜନ ସେବା କେନ୍ଦ୍ରଗୁଡ଼ିକରେ ସେମାନଙ୍କ ସିବିଲ୍ ସ୍କୋର୍ ଓ ରିପୋର୍ଟ ଯାଞ୍ଚ କରିପାରୁଛନ୍ତି । ଗ୍ରାମାଞ୍ଚଳ ଓ ଅର୍ଧ ସହରାଞ୍ଚଳ ଲୋକମାନଙ୍କ ମଧ୍ୟରେ ଋଣକୁ ନେଇ ସଚେତନତା ବଢ଼ାଇବା ଲକ୍ଷ୍ୟ ନେଇ ଆରମ୍ଭ କରାଯାଇଥିବା ଏହି ଉଦ୍ୟମରେ ଉପକୃତ ହୋଇଥିବା ୭୨% ଗ୍ରାହକ ହେଉଛି ଦେଶର ଅଣ-ଟାୟାର୍‌, ଦ୍ୱିତୀୟ ଓ ତୃତୀୟ ଶ୍ରେଣୀ ସହରର ଗ୍ରାହକ । ଏହି ସର୍ବଭାରତୀୟ ସହଯୋଗିତାରେ ସର୍ବାଧିକ ଗ୍ରାହକ ନିଜର ସିିବିଲ୍ ସ୍କୋର୍ ଓ ରିପୋର୍ଟ ହାସଲ କରିଛନ୍ତି । ଉତ୍ତର ଜୋନ୍‌ରୁ ୩୩%, ପୂର୍ବରୁ ୨୭%, ପଶ୍ଚିମର ୨୫% ଓ ଦକ୍ଷିଣ ଜୋନ୍‌ର ଅବଦାନ ୧୫% ରହିଛି । ୮୧% ଗ୍ରାହକ ତିନି ସଂଖ୍ୟା ବିଶିଷ୍ଟ ସିବିଲ ସ୍କୋର୍ ପାଇଥିବା ବେଳେ ୧୯%ଙ୍କୁ ଏହି ସ୍କୋର ପାଇବାର ଯୋଗ୍ୟତା ମିଳିନଥିଲା କାରଣ କଂଜ୍ୟୁମର୍ ବ୍ୟୁରୋରେ ସେମାନଙ୍କର କୌଣସି କ୍ରେଡିଟ୍ ହିଷ୍ଟ୍ରି ନଥିଲା ।

ଯେଉଁମାନେ ତିନି ଅଙ୍କ ବିଶିଷ୍ଟ ସ୍କୋର ହାସଲ କରିଛନ୍ତି ସେମାନଙ୍କ ମଧ୍ୟରୁ ୬୨% ୭୨୦ରୁ ଅଧିକ ସ୍କୋର୍ ପାଇଛନ୍ତି । ୧୮% ଲୋକଙ୍କ ସ୍କୋର ୬୮୦-୭୧୯ ଭିତରେ ଥିବା ବେଳେ ୨୦% ଗ୍ରାହକଙ୍କ ସ୍କୋର ୩୦୦-୬୭୯ ଭିତରେ ରହିଛି । ହାରାହାରି ସିବିଲ୍ ସ୍କୋର୍ ହେଉଛି ୭୨୧ । ଉତ୍ତରପ୍ରଦେଶ, ମହାରାଷ୍ଟ୍ର, ହରିୟାଣା, ବିହାର ଓ ପଶ୍ଚିମବଙ୍ଗର ଗ୍ରାହକମାନେ ସିବିଲ୍ ସ୍କୋର୍ ହାସଲ କରିବାକୁ ଅଧିକ ଆଗ୍ରହ ଦେଖାଇଛନ୍ତି । ସେମାନେ ଜନ ସେବା କେନ୍ଦ୍ରରେ ପହଞ୍ଚି ସିବିଲ୍ ସ୍କୋର୍ ଓ ରିପୋର୍ଟ ପାଇଛନ୍ତି । ମୋଟ ଗ୍ରାହକ ମଧ୍ୟରୁ ଏହି ପାଞ୍ଚ ରାଜ୍ୟର ଗ୍ରାହକ ୪୬ ପ୍ରତିଶତ ହୋଇଥିବା ବେଳେ ଅନ୍ୟ ରାଜ୍ୟଗୁଡ଼ିକର ୫୪% ଗ୍ରାହକ ସିବିଲ୍ ସ୍କୋର୍ ପାଇଛନ୍ତି । ଏ ସମ୍ପର୍କରେ ସୁଜାତା ଅହଲାୱତ୍‌, ଉପ ସଭାପତି ଓ ମୁଖ୍ୟ, ଡାଇରେକ୍ଟ ଟୁ କଂଜ୍ୟୁମର୍ ଇଌକ୍ଷଗ୍ଧ;ରାକ୍ଟିଭ୍‌, ଟ୍ରାନ୍ସୟୁନିୟନ୍ ସିବିଲ୍ କହିଛନ୍ତି ଯେ, “ଦେଶରେ ପ୍ରତିଟି ଗ୍ରାହକଙ୍କ ନିକଟରେ ଆର୍ଥିକ ଅନ୍ତର୍ଭୁକ୍ତୀକରଣ ପହଞ୍ଚାଇବା ଲାଗି ଟ୍ରାନ୍ସୟୁନିୟନ୍ ସିବିଲ୍ ଓ ସିଏସ୍‌ସିଗୁଡ଼ିକ ଋଣ ସଚେତନତା ସୃଷ୍ଟି ଉପରେ ଗୁରୁତ୍ୱାରୋପ କରିଛନ୍ତି । ଏହି ସହଯୋଗିତା ଜରିଆରେ ଆମେ ଆଞ୍ଚଳିକ ଓ ଗ୍ରାମାଞ୍ଚଳ ଭଳି ଦୂରଦୂରାନ୍ତ ଅଞ୍ଚଳରେ ବାସ କରୁଥିବା ଲୋକମାନଙ୍କ ପାଖରେ ପହଞ୍ଚି ସେମାନଙ୍କୁ ସ୍ଥାନୀୟ ସିଏସ୍‌ସିଗୁଡ଼ିକରେ ସିବିଲ୍ ସ୍କୋର୍ ଓ ରିପୋର୍ଟ ଯୋଗାଇ ଦେବାକୁ ଚାହୁଁଛୁ । ଏହି ସହଯୋଗିତାର ପ୍ରଥମ ବର୍ଷରେ ସଚେତନତାରେ ବଡ଼ ଧରଣର ବୃଦ୍ଧି ଦେଖିବାକୁ ମିଳିଛି ।’’