ଭୁବନେଶ୍ୱର (ଓଡିଶା ତାଜା ନ୍ୟୁଜ୍ ) ଭୁବନେଶ୍ୱର 17.2.2020 :- ବିପର୍ଯ୍ୟୟ ପରିଚାଳନା, ଦାରିଦ୍ର୍ୟ ଦୂରୀକରଣ କରିବା କ୍ଷେତ୍ରରେ ସଫଳତା ହାସଲ କରିଛି ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରକାଶ କରିଛନ୍ତି । ରାଜ୍ୟପାଳଙ୍କର ଅଭିଭାଷଣ ଜନିତ ଧନ୍ୟବାଦ ପ୍ରସ୍ତାବ ଆଲୋଚନା ଓ ସମାଲୋଚନାର ଉତର ଦେଇ ମୁଖ୍ୟମନ୍ତ୍ରୀ ଏହା କହିଥିଲେ । ଗତ ୨୦ ବର୍ଷ ମଧ୍ୟରେ ଯେଉଁ ସବୁ ପ୍ରତିଶ୍ରୁତି ଦିଆଯାଇଥିଲା ତାହା ଆମେ କାର୍ଯ୍ୟକାରୀ କରିଛୁ । ଓଡ଼ିଶା ଏକମାତ୍ର ରାଜ୍ୟ ଚାଷୀ ମାନଙ୍କର ଆୟକୁ ଦ୍ୱିଗୁଣିତ କରିପାରିଛି । ବିଗତ ୧୦ ବର୍ଷ ମଧ୍ୟରେ ୮୦ ଲକ୍ଷ ଲୋକଙ୍କୁ ଦାରିଦ୍ର୍ୟ ଦୂରୀକରଣରୁ ମୁକ୍ତ କରିଛୁ । ରାଜ୍ୟ ସରକାରଙ୍କ ଦ୍ୱାରା ପ୍ରଣୀତ କାଳିଆ ଯୋଜନା ଦେଶ ପାଇଁ ଏକ ମଡ଼େଲ ହୋଇଛି । ୫୦ ଲକ୍ଷ ଛୋଟ ଓ ମଧ୍ୟମ ଚାଷୀଙ୍କ ସମେତ ୨୫ ଲକ୍ଷ ଭୂମିହୀନ ଲୋକଙ୍କୁ କାଳିଆ ସହାୟତା ପ୍ରଦାନ କରାଯାଇଛି । ନାଗରିକ ମାନଙ୍କୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ମାଧ୍ୟମରେ ବିଭିନ୍ନ ମେଡ଼କାଲରେ ସ୍ୱାସ୍ଥ୍ୟ ସେବା ଯୋଗାଇ ଦିଆଯାଉଛି । ମେଲେରିଆ ରୋଗକୁ ନିୟବଣ କରାଯାଇଛି ପାରିଛି । ଡବ୍ଲଏଚଓ ଏହାକୁ ସ୍ୱୀକୃତି ଦେଇଛି । ମହିଳା ମାନଙ୍କୁ ସଶକ୍ତ କରିବାର ଲକ୍ଷ ନେଇ ସେମାନଙ୍କ ପାଇଁ ମିଶନଶକ୍ତି ଯୋଜନା କରାଯାଇଛି । ମମତା ଯୋଜନାରେ ୪୦ ଲକ୍ଷ ମହିଳାଙ୍କୁ ସାମିଲ କରାଯାଇଛି । ସହରାଂଚଳରେ ପ୍ରତ୍ୟେକ ଘରକୁ ଉନ୍ନତମାନର ପାନୀୟଜଳ ଯୋଗାଇଦେବାର ଲକ୍ଷ୍ୟ ରଖାଯାଇଛି । ରାଜ୍ୟପାଳଙ୍କର ଅଭିଭାଷଣ ଉପରେ ମୁଖ୍ୟ ସଚେତକ ପ୍ରମିଳା ମଲ୍ଲିକ ଆଣିଥିବା ଧନ୍ୟବାଦ ପ୍ରସ୍ତାବ ଆଲୋଚନା ଶେଷ ହୋଇଛି । ଆଲୋଚନା ଆରମ୍ଭ କରି କଂଗ୍ରେସ ବିଧାୟକ ଦଳର ନେତା ନରସିଂହ ମିଶ୍ର ରାଜ୍ୟ ସରକାରଙ୍କୁ ଟାର୍ଗେଟ୍ କରି କହିଥିଲେ ଯେ, ଅଭିଭାଷଣ ପୁସ୍ତିକାରେ ରାଜ୍ୟ ସରକାରଙ୍କର ସଫଳତା କାହାଣୀ ଉଲ୍ଲେଖ ରହିଛି । ବାସ୍ତବ ଚିତ୍ର ନାହିଁ । ୨୦୦୬ ମସିହାରେ ରାଜ୍ୟପାଳଙ୍କ ମୁହଁରେ ସରକାର ୩୫ ପ୍ରତିଶତ ଜଳସେଚନ ହେବ ବୋଲି କହିଥିଲେ । ୫ ବର୍ଷ ପରେ ରାଜ୍ୟପାଳଙ୍କ ଅଭିଭାଷଣରେ ତାହା ରହିଲା ନାହିଁ । ୨୦୦୮ରେ ଜଳସେଚନ ହୋଇପାରିନଥିବା ଗ୍ରାମକୁ ୫ ଲକ୍ଷ ଟଙ୍କା ଦିଆଯିବ ବୋଲି କହିଥିଲେ । ମାତ୍ର ତାହା ଦିଆଗଲା ନାହିଁ । ଅର୍ଥମବୀଙ୍କ ଜିଲ୍ଲାରେ ୯୫ ପ୍ରତିଶତ ଜଳସେଚନ ହୋଇଛି ବୋଲି ଯାହା କୁହାଯାଇଛି ତାହା ମିଥ୍ୟା । ସବୁ ଘରକୁ ପାନୀୟ ଜଳ ଦେବା ପାଇଁ ଘୋଷଣା କରାଯାଇଥିଲେ ହେଁ ତାହା ମଧ୍ୟ ହେଲା ନାହିଁ । ଚାଷୀମାନଙ୍କର ଆୟ ଦୁଇଗୁଣ କରାଯିବ ଯାହା କୁହାଯାଇଛି ତାହା କରାଯାଇ ପାରିଲା ନାହିଁ । କାଳିଆ ଯୋଜନାରେ ୫ ହଜାର ଟଙ୍କା ଦେବେ ବୋଲି କହିଥିଲେ ହେଁ ତାହା ଚାଷୀର ଖର୍ଚ୍ଚକୁ ମେଂଟାଇ ପାରୁନାହିଁ । ଧାନ କିଣାରେ ବ୍ୟାପକ ଦୁର୍ନୀତି ହୋଇଛି । ମଣ୍ଡିରେ ପଡ଼ିଥିବା ଧାନ ଉଠାଯାଉନାହିଁ । ମିଲରମାନେ ମଣ୍ଡିକୁ ନ ଯିବାପାଇଁ ସୁପ୍ରିମ କୋର୍ଟର ନିର୍ଦ୍ଦେଶ ଥିଲେ ହେଁ ତାଙ୍କ ବିନା ଧାନ କ୍ରୟ କରାଯାଉନାହିଁ । ଶାସକ ଦଳ ପକ୍ଷରୁ ଆଲୋଚନା ଆରମ୍ଭ କରି ବିଧାୟକ ପ୍ରୀତି ରଂଜନ ଘଡ଼େଇ କହିଥିଲେ ଯେ, କାଳିଆ ଯୋଜନା ଏକ ଐତିହାସିକ ଯୋଜନା । ଆୟ ବଢ଼େଇବା, ଜଳସେଚନ ବୃଦ୍ଧି କରିବା, ପାନୀୟ ଜଳ ଯୋଗାଇବା ପାଇଁ ଆରମ୍ଭ ହୋଇଥିବା ସ୍କିମ୍ର କାର୍ଯ୍ୟକାରିତାକୁ ତ୍ୱରାନ୍ୱିତ କରିବା, ଶିଳ୍ପକରଣ କାର୍ଯ୍ୟକ୍ରମକୁ ଆଗେଇନେବାରେ ଗୁରୁତ୍ୱ ଦିଆଯାଇଛି । ବିଧାୟକ ସୌମ୍ୟ ରଂଜନ ପଟ୍ଟନାୟକ କହିଲେ ଯେ, ଜଗନ୍ନାଥଙ୍କର ଆଦିକ୍ଷେତ୍ର କଂଟିଲୋର ନୀଳମାଧବଙ୍କର ମନ୍ଦିରକୁ ଅନୁଦାନ ଦେବା ଦାବି କରିଥିଲା ବେଳେ ପ୍ରତି ଜିଲ୍ଲାରେ ସାଇବର ପୋଲିସ ଷ୍ଟେସନ ସ୍ଥାପନ କରିବା ପାଇଁ ଦାବି କରିଥିଲେ । ଅନ୍ୟ ମାନଙ୍କ ମଧ୍ୟରେ ଦେବୀ ରଂଜନ ତ୍ରିପାଠୀ, ଲତିକା ପ୍ରଧାନ କହିଥିଲେ ଯେ, ଓଡ଼ିଶାକୁ ଏ ସରକାର କ୍ଷୁଧାମୁକ୍ତ କରିଛି । ପରାମର୍ଶଭିତିକ ପ୍ରଶାସନ ହୋଇଛି । ବିକାଶ ପାଇଁ ନିରନ୍ତର କାମ ଚାଲିଛି । ଚାଷୀ ମାନଙ୍କର ଆୟ ବୃଦ୍ଧି ପାଇଁ ଅର୍ଥକାରୀ ଫସଲକୁ ପ୍ରୋତ୍ସାହନ ଦେବା ଉପରେ ଗୁରୁତ୍ୱ ଦେଇଥିଲେ । ଧାନର ଅଭାବୀ ଦର ରୋକିବା ଉପରେ ପ୍ରାଧାନ୍ୟ ଦେଇଥିଲେ । ସିପିଏମ ସଭ୍ୟ ଲକ୍ଷ୍ମଣ ମୁଣ୍ଡା କହିଲେ ଯେ, ରାଜ୍ୟପାଳଙ୍କ ଅଭିଭାଷଣ ପୁସ୍ତିକାରେ ଯାହା ଉଲ୍ଲେଖ କରାଯାଇଛି ତାହା ଜନସାଧାରଣଙ୍କୁ ବିଭ୍ରାନ୍ତ କରିଛି । ନିର୍ବାଚନକୁ ଦୃଷ୍ଟିରେ ରଖି କାଳିଆ ଯୋଜନା କରାଯାଇଥିଲା । ସରକାର ବହୁ କ୍ଷେତ୍ରରେ ବିଫଳ ହୋଇଛନ୍ତି । ବିଧାୟକ ତାରାବାହିନୀପତି କହିଲେ ଯେ, ରାଜ୍ୟରେ ଦାଦନ ସଂଖ୍ୟା ବୃଦ୍ଧି, ବେକାରୀ ସମସ୍ୟା ଉତ୍କଟ ହୋଇଛି । ଯୋଜନା ପରେ ଯୋଜନା ତିଆରି ହେଉଛି ମାତ୍ର ତାହା ଲୋକଙ୍କ ପାଖରେ ପହଂଚି ପାରୁନାହିଁ । ଶିକ୍ଷକ ଓ ଡାକ୍ତର ନାହାନ୍ତି, ଆଳୁ, ପିଆଜ ନୀତି ବିଫଳ ହୋଇଛି । ବ୍ୟାଙ୍କ, ଡକାୟତି, ଲୁଟ୍, ଆଦିବାସୀ ଝିଅଙ୍କୁ ଦୁଷ୍କର୍ମ ଘଟଣା ବଢ଼ି ଚାଲିଛି । ଅତନୁ ସବ୍ୟସାଚୀ ନାୟକ କହିଲେ ଯେ, ୫-ଓ ଓ ମୋ ସରକାର ବିରୋଧି ଦଳ ମନରେ ଭୟ ସୃଷ୍ଟି କରିଛି । ସବୁ ଧର୍ମର ଅନୁଷ୍ଠାନ ଗୁଡ଼ିକୁ ସମ୍ମାନୀତ ଦିଆଯାଉଛି । ବିଧାୟକ ନିତ୍ୟାନନ୍ଦ ଗଣ୍ଡ କହିଲେ ଯେ, ଏସଏସଜି ମାନେ ଋଣ ପାଇ ପାରୁ ନାହାନ୍ତି । ମା ଭଉଣୀମାନେ ଅନ୍ୟାୟର ଶୀକାର ହେଉଛନ୍ତି ।
