ଗୁଟ୍‌ଖା ନିଷେଧ ଆଇନ ଧର୍ମକୁ ଆଖିଠାର – ହିଞ୍ଜିଳିକାଟୁ

ଓଡ଼ିଶା ତାଜା ନ୍ୟୁଜ (୨୧ ଫେବୃଆରୀ ରବିବାର) ହିଞ୍ଜିଳିକାଟୁ  :- ଗୁଟ୍‌ଖା ଓ ନିକୋଟିନଯୁକ୍ତ ତମାଖୁର ବ୍ୟବହାର, ବିପଣନ ଆଦି ଉପରେ ରାଜ୍ୟ ସରକାର ନିଷିଦ୍ଧାଦେଶ କରିବାର ୯ବର୍ଷ ପୁରିବାକୁ ଗଲାଣି ।କିନ୍ତୁ ଏହା ବଜାରରେ ଖୋଲାଖୋଲି ଭାବେ ଉପଲବ୍ଧ ହେଉଥିଲେ ମଧ୍ୟ ସତେଯେମିତି ଏହା ରୋକିବାକୁ କେହି ଆଗ୍ରହ ପ୍ରକାଶ କରୁନାହାନ୍ତି । ୨୦୧୩ ଜାନୁୟାରୀ ମାସରେ ରାଜ୍ୟ ସରକାରଙ୍କ ସ୍ୱାସ୍ଥ୍ୟ ବିଭାଗ ଏ ସଂକ୍ରାନ୍ତରେ ବିଧିବଦ୍ଧ ବିଜ୍ଞପ୍ତି ଜାରି କରିଥିଲେ । ଏଥିରେ ଗୁଟ୍‌ଖା ଓ ନିକୋଟିନ୍‌ଯୁକ୍ତ ପାନ ମସଲାର ପ୍ରସ୍ତୁତି, ବିକ୍ରୟ, ବିପଣନ ଓ ସେବନ ଉପରେ କଟକଣା ଥିଲା ।  ଓଡ଼ିଶା ରାଜ୍ୟରେ ମୁଖଗହ୍ୱର କର୍କଟ ରୋଗ ସମେତ ଅନ୍ୟ ବହୁ ମାରାତ୍ମ ରୋଗ ବ୍ୟାଧି ଏହି ସାମଗ୍ରୀ ସେବନ ଯୋଗୁଁ ବଢୁଥିବା ଦୃଷ୍ଟିରୁ ଓନିଶାକୁ ତମାଖୁ ମୁକ୍ତ ରାଜ୍ୟ କରିବା ଉଦ୍ଦ୍ୟେଶରେ ସେତେବେଳେ ନିଷିଦ୍ଧାଦେଶ ଘୋଷଣା କରାଯାଇଥିଲା । ଫୁଡ଼୍ ସେଫ୍ଟି ଏଣ୍ଡ ଷ୍ଟାଣ୍ଡାର୍ସ(ଚକ୍ସକ୍ଟଷସଭସଗ୍ଧସକ୍ଟଦ୍ଭ ବଦ୍ଭୟ କ୍ସରଶସଗ୍ଦଗ୍ଧକ୍ସବଗ୍ଧସକ୍ଟଦ୍ଭ କ୍ଟଦ୍ଭ ଝରକ୍ଷକ୍ଷଗ୍ଦ) ରେଗୁଲେସନ ଆଧାରରେ ଓଡ଼ିଶା ସରକାର ଜନସାଧାରଣଙ୍କ ବୃହତର ସ୍ୱାର୍ଥ ଦୃଷ୍ଟିରୁ ଏଭଳି ଆଇନ ଲାଗୁ କରିଥିଲେ । 

ପୋଲିସ ଇନସପେକ୍ଟର ଓ ଖାଦ୍ୟ ଇନସପେକ୍ଟର ମାନଙ୍କୁ ସେମାନଙ୍କ ନିଜନିଜଅଂଚଳରେ ଗୁଟ୍ ୟଖା ଓ ପାନମସଲା ନିଷିଦ୍ଧ ବ୍ୟବହାର ପ୍ରତିପାଳନ ଲାଗି ସ୍ୱତନ୍ତ୍ର ବିଜ୍ଞପ୍ତି ବଳରେ ବି କ୍ଷମତା ପ୍ରଦାନ କରାଯାଇଥିଲା । କିନ୍ତୁ ଏହି କ୍ଷମତା ପ୍ରଦାନ ଓ ନିଷିଦ୍ଧାଦେଶ ଏଯାବତ୍ ଧର୍ମକୁ ଆଖିଠାର ନ୍ୟାୟରେ ଚାଲୁଥିବାର ଦେଖିବାକୁ ମିଳୁଛି । ଏଠାରେ ଉଲ୍ଲେଖନୀୟ ଯେ, ପୂର୍ବରୁ ଦେଶର ସର୍ବୋଚ୍ଚ ନ୍ୟାୟଳୟ ଗୁଟ୍‌ଖା ଏବଂ ତମାଖୁ ଓ ନିକୋଟିନଯୁକ୍ତ ପାନମସଲା ଉପରେ କଟକଣା ପାଇଁ ନିର୍ଦ୍ଦେଶ ଦେଇଥିଲେ । ଏହି ପରିପ୍ରେକ୍ଷୀରେ କେରଳ, ବିହାର, ରାଜସ୍ଥାନ, ମହାରାଷ୍ଟ୍ର, ମଧ୍ୟପ୍ରଦେଶ, ଗୁଜୁରାଟ, ହରିୟାଣା, ଛତିଶଗଡ଼, ଝାଡ଼ଖଣ୍ଡ, ମିଜୋରାମ, ଦିଲ୍ଲୀ, ଉତରପ୍ରଦେଶ, ଉତରାଖଣ୍ଡ, ହିମାଚଳପ୍ରଦେଶ, ଚଣ୍ଡିଗଡ଼, ପଞ୍ଜାବ ଓ ଗୋଆ ଗୁଟ୍‌ଖା ନିଷିଦ୍ଧ ଆଇନ ପାଇଁ ବିଜ୍ଞପ୍ତି ଜାରି କରିଥିଲେ । ଗୁଟ୍‌ଖା ନିଷିଦ୍ଧ ଆଇନ ଜାରି କ୍ଷେତ୍ରରେ ଓଡ଼ିଶା ରାଜ୍ୟ ଦେଶର ଦ୍ୱାଦଶ ରାଜ୍ୟ ରହିଥିଲା ।  ନିର୍ଦ୍ଦେଶନାମା ଜାରିର ପ୍ରଥମ କିଛି ଦିନ ଜୋରଦାର ଗୁଟ୍‌ଖା ଧରପଗଡ଼ ଚଲିଥିଲା । କିନ୍ତୁ ପରବର୍ତୀ ସମୟରେ ଖୋଲାଖୋଲି ଭାବେ ଏହା ବଜାରରେ ଉପଲବ୍ଧ ହେଉଥିବା ଦେଖିବାକୁ ମିଳୁଛି । 

ବିଭିନ୍ନ ଶିକ୍ଷାନୁଷ୍ଠାନ ପରିସର ଠାରୁ ଶହେ ମିଟର ଦୂରରେ ଗୁଟ୍‌ଖା, ପାନମସଲା, ସିଗାରେଟ ଆଦି କୋଟପା ଆଇନ ବଳରେ ବିକ୍ରି ନିଷିଦ୍ଧ କରାଯାଇଥିଲେ ମଧ୍ୟ ଏହା କେବଳ କାଗଜ କଲମରେ ସୀମିତ ରହିଯାଉଛି ।  ବିଭାଗୀୟ କର୍ତୁପକ୍ଷଙ୍କ ସ୍ଥାଣୁତା, ନିରବଦ୍ରଷ୍ଟା ଓ ଉଦାସିନତା ମନୋଭାବ ଯୋଗୁଁ ଖୋଲାଖୋଲି ଭାବେ ଗଞ୍ଜାମ ଜିଲ୍ଲାର ୨ୟ ବୃହତମ ସହର ଭାବେ ପରିଗଣିତ ହିଞ୍ଜିଳିକାଟୁ ପୌରାଂଚଳ ସମେତ ଏହାର ନିକଟବର୍ତି ଅଂଚଳର ବହୁ ଶିକ୍ଷାନୁଷ୍ଠାନ ପରିସର ନିକଟରେ ବହୁଳ ମାତ୍ରାରେ ବିକ୍ରି କରାଯାଉଥିବାର ଦେଖିବାକୁ ମିଳୁଛି ।  ଗୁଟ୍‌ଖା, ପାନମସଲା ଆଦି ବାବଦରେ ରାଜ୍ୟ ସରକାର ପ୍ରାୟ ୪ଶହ କୋଟି ରାଜସ୍ୱ ପାଉଥିଲେ ।  ଏହାକୁ ନିଷିଦ୍ଧ କରିବା ପରେ ରାଜସ୍ୱ ମିଳୁନାହିଁ କିନ୍ତୁ ପୂର୍ବାପେକ୍ଷା ଏହି ବିପଜ୍ଜନକ ସମାଗ୍ରୀ ଅଧିକ ପରିମାଣରେ ବିକ୍ରି ହେଉଛି ।  ଏ ଦିଗରେ ବିଭାଗୀୟ ଉଚ୍ଚ କର୍ତୁପକ୍ଷ ଦୃଷ୍ଟି ପ୍ରଦାନ କରି ଆବଶ୍ୟକୀୟ ପଦକ୍ଷେପ ଗ୍ରହଣ କରିବାକୁ ଅଂଚଳର ବୁଦ୍ଧିଜୀବି ମହଲରେ ମତପ୍ରକାଶ ପାଇଛି । (ଶୁସା ନ୍ତ ପ୍ରଧାନ)