ପ୍ରଧାନ ଶିକ୍ଷକଙ୍କ ଦାୟିତ୍ୱକୁ ନେଇ ଚର୍ଚ୍ଚା : ଆଜକୁ ଦୀର୍ଘ ଦୁଇ ମାସ ହେଲା ଦାୟିତ୍ୱ ନେଉନାହାନ୍ତି ପ୍ରଧାନ ଶିକ୍ଷକ – ରାମ ପ୍ରସାଦ ବେହେରା

ଓଡ଼ିଶା ତାଜା ନ୍ୟୁଜ୍ (୩୦ ନଭେମ୍ବର ସୋମବାର )ରାୟଗଡ ଗଜପତି  : – ଦାୟିତ୍ୱ ଗ୍ରହଣ କରୁନାହାନ୍ତି ପ୍ରଧାନ ଶିକ୍ଷକ l ଘଟଣାରୁ ପ୍ରକାଶ ଯେ ଗଜପତି ଜିଲ୍ଲା ରାୟଗଡ ବ୍ଲକ ସଦରମହକୁମା ବ୍ଲକ କଲୋନୀ ସ୍କୁଲକୁ ନୂତନ ରୂପେ ପ୍ରଧାନ ଶିକ୍ଷକଙ୍କ ବଦଳି ହୋଇଥିଲେ ମଧ୍ୟ ସେ ଆଜକୁ ଦୀର୍ଘ ଦୁଇ ମାସ ହେଲା ଦାୟିତ୍ୱ ନେଉନାହାନ୍ତି l ଗତ ଅକ୍ଟୋବର ମାସ ୬ ତାରିଖରେ ବ୍ଲକର ୧୧ ଜଣ ଶିକ୍ଷକ ପଦୋନ୍ନତି ପାଇଥିଲେ l ସେଥି ମଧ୍ୟରୁ ଜଣେ ଶିକ୍ଷକ ଏହା ପୂର୍ବରୁ ତାଙ୍କର ମୃତ୍ୟୁ ହୋଇଯାଇଥିଲା l ମୋଟ ୧୦ ଜଣ ଶିକ୍ଷକଙ୍କ ଚତୁର୍ଥ ସ୍ତରରୁ ତୃତୀୟ ସ୍ତରକୁ ପଦଉନ୍ନତି ପାଇଥିଲେ l

ସେଥି ମଧ୍ୟରୁ ଜଣେ ଶିକ୍ଷକ ରାମ ପ୍ରସାଦ ବେହେରାଙ୍କୁ ରାୟଗଡ ସ୍ଥିତ ବ୍ଲକ କଲୋନୀ ସ୍କୁଲକୁ ସ୍ଥାହି ପ୍ରଧାନ ଶିକ୍ଷକ ଭାବେ ବଦଳି କରାଯାଇଥିଲା l ମାତ୍ର ଦୀର୍ଘ ଦୁଇ ମାସରୁ ଉର୍ଦ୍ଧ ହୋଇଯାଇ ଥିଲେ ମଧ୍ୟ ଶ୍ରୀ ବେହେରା ତାଙ୍କ ଦାୟିତ୍ୱ ନେଇନାହାନ୍ତି l ଯାହା ଦ୍ୱାରା ବିଦ୍ୟାଳୟର କେତେକ କାମ କରିବାରେ ସମସ୍ୟା ହେଉଥିବା ଅଭିଭାବକ ପ୍ରକାଶ କରିଛନ୍ତି l ଉକ୍ତ ଘଟଣା ବିଷୟରେ ଉକ୍ତ ଶିକ୍ଷକ ଶ୍ରୀ ବେହେରାଙ୍କୁ ଯୋଗାଯୋଗ କରିବାରୁ ସେ କହିଛନ୍ତି ଯେ ମୁଁ ପୂର୍ବରୁ ରେମ୍ପିସ୍ଥିତ ସ୍କୁଲର ଚତୁର୍ଥ ସ୍ତରର ପ୍ରଧାନ ଶିକ୍ଷକ ଥିଲି ଓ ଏହା ସହ ରାୟଗଡ ପଞ୍ଚାୟତ ଓ ସାନତୁଣ୍ଡି ପଞ୍ଚାୟତର କେତୋଟି ସ୍କୁଲର C.R.C.C ଦାୟିତ୍ୱରେ ରହିଥିଲି l ଆମର ଶିକ୍ଷକ ପଦୋନ୍ନତି ହେବାପରେ ମୋତେ ରାୟଗଡ଼ ବ୍ଳକ୍ କଲୋନୀ ସ୍କୁଲକୁ ବଦଳି ହୋଇଥିଲା। ମୁଁ ଅକ୍ଟୋବର ୭ ତାରିଖ ଦିନ ବ୍ଲକ କଲୋନୀ ସ୍କୁଲରେ ଜଇନ୍ କରିଲି ।

ମାତ୍ର ଗୋଟିଏ ଥରକେ ଦୁଇଟି ଦାୟୀତ୍ୱ ତୁଲାଇବା ମୋ ପକ୍ଷେ କଷ୍ଟକର ହେବ ତେଣୁ ମୁଁ ମୋର ବଦଳି ପରେ ସ୍କୁଲରେ ଜଇନ୍ କରିଥିଲି । କିନ୍ତୁ ପ୍ରଧାନ ଶିକ୍ଷକ ଦାୟୀତ୍ୱ ନେଇ ନାହିଁ ବୋଲି ପ୍ରକାଶ କରିଥିଲେ। ଉକ୍ତ ଘଟଣା ବିଷୟରେ ଆମେ BEO ମନୋରଞ୍ଜନ ସେଠୀଙ୍କୁ ପଚାରିବାରୁ ସେ କହିଛନ୍ତି ଯେ ଜଣେ ତୃତୀୟ ସ୍ତରର ଶିକ୍ଷକ CRCC ପଦବୀରେ ରହିବାର ନିୟମ ନାହିଁ। ଆମ ବ୍ଳକର ଚାରିଜଣ CRCC ଙ୍କ ଚତୁର୍ଥ ସ୍ତରରୁ ତୃତୀୟ ସ୍ତର ଶିକ୍ଷକକୁ ପଦୋନ୍ନତି ହୋଇଛି। ତେଣୁ ଆମେ ଏହି ବିଷୟରେ Dpc ଙ୍କୁ ଜଣାଉଛୁ ।   (ସଞ୍ଜୀବ କୁମାର ପାଣି ରାୟଗଡ ଗଜପତି )