ଗଜପତି ଜିଲ୍ଲାପାଳଙ୍କ ନୂଆଗଡ ବ୍ଲକ ଗସ୍ତ ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ସମିକ୍ଷା

ଓଡ଼ିଶା ତାଜା ନ୍ୟୁଜ୍ (୨୬ ନଭେମ୍ବର ଗୁରୁବାର ) ପାରଳାଖେମୁଣ୍ଡି  :- ଗଜପତି ଜିଲ୍ଲାପାଳ ଶ୍ରୀ ଅନୁପ ସାହା , ନୂଆଗଡ଼ ବ୍ଲକ ଗସ୍ତ କରି ବିଭିନ୍ନ ନନାୟନ କାର୍ଯ୍ୟ ସବୁ ବୁଲି ଦେଖି ଛନ୍ତି ।. ପ୍ରଥମେ ନୂଆଗଡ଼ ଗ୍ରାମ ପଞ୍ଚାୟତ’ର ନୂତନ ଭାବରେ କାର୍ଯ୍ୟକାରୀ ହେଉଥିବା ପଞ୍ଚାୟତ ଗୃହ , କଲ୍ୟାଣ ମଣ୍ଡପ ଓ ଡ୍ରେନ କାମ ପ୍ରଭୃତି ବୁଲି ଦେଖିଥିଲେ।ପରେ ନୂଆଗଡ଼ ବସ ଷ୍ଟାଣ୍ଡ’ର ବିଶ୍ରାମ ଗୃହ , ଶୌଚାଳୟ , ଓ ସୀମା ପାଚେରୀ ର ନିର୍ମାଣ କାର୍ଯ୍ୟ ନିମନ୍ତେ ବିଭାଗୀୟ ଅଧିକାରୀ ମାନଙ୍କ ସହିତ ଆଲୋଚନା କରିଥିଲେ ।

ବ୍ଲକ ପରିସର ମଧ୍ୟରେ ନୂତନ ଭାବେ ନିର୍ମାଣ ହୋଇଥିବା ଶୌଚାଳୟ’କୁ , ଜିଲ୍ଲାପାଳ ଙ୍କ ଉପସ୍ଥିତରେ ନୂଆଗଡ଼ ବ୍ଲକ ଅଧ୍ୟକ୍ଷା ଗୁଡବାଇ ମଣ୍ଡଳ ଉଦଘାଟନ କରିଥିଲେ ।  ଏହି ସମସ୍ତ କାର୍ଯ୍ୟକ୍ରମ ରେ ନୂଆଗଡ଼ ବ୍ଲକ ଉନୟନ ଅଧିକାରୀ ଲଲାଟେନ୍ଦୁ ମହାନ୍ତି ଙ୍କ ସମେତ, ବ୍ଲକ ର ବହୁ କର୍ମଚାରୀ ଓ ନିର୍ବାଚିତ ଜନପ୍ରତିନିଧି ମାନେ ଉପସ୍ଥିତ ଥିଲେ । (ପାରଳାଖେମୁଣ୍ଡି/ଗରୁଡ଼ ଧ୍ୱଜ ଚୌଧୁରୀ )