ଭୁବନେଶ୍ୱର (ଓଡିଶା ତାଜାନ୍ୟୁଜ) (ନି. ପ୍ର) :- ଭାରତ ସରକାରଙ୍କ ନ୍ୟାସନାଲ୍ ଟ୍ରେଡର୍ସ ୱେଲଫେୟାର ବୋର୍ଡ (ଏନଟିଡବ୍ଲୁବି)ର ସହଯୋଗରେ ଫେଡେରେସନ ଅଫ୍ ଟ୍ରେଡ୍ ଆଣ୍ଡ ଇଣ୍ଡଷ୍ଟ୍ରି ଅଫ୍ ଇଣ୍ଡିଆ (ଏଫଟିଆଇଆଇ) ଦ୍ୱାରା ମିଳିତ ଭାବେ ଆୟୋଜିତ ‘ଅଲ୍ ଓଡ଼ିଶା ବିଜନେସ୍ ସମିଟ୍’ – ଉତ୍କର୍ଷ ୨୦୨୬’ ଆଜି ଭୁବନେଶ୍ୱରସ୍ଥିତ ହୋଟେଲ ଲେମନ୍ ଟ୍ରି ପ୍ରିମିୟରଠାରେ ସଫଳତାର ସହ ଅନୁଷ୍ଠିତ ହୋଇଯାଇଛି ।
ଏହି ସମ୍ମିଳନୀରେ ଭାରତ ସରକାରଙ୍କ ନ୍ୟାସନାଲ୍ ଟ୍ରେଡର୍ସ ୱେଲଫେୟାର ବୋର୍ଡ (ଏନଟିଡବ୍ଲୁବି) ର ଅଧ୍ୟକ୍ଷ ଶ୍ରୀ ସୁନୀଲ ଜେ. ସିଂଘୀ ମୁଖ୍ୟ ଅତିଥି ଭାବେ ଯୋଗ ଦେଇ କାର୍ଯ୍ୟକ୍ରମର ଗୌରବ ବଢ଼ାଇଥିଲେ। ନୀତିଗତ ପ୍ରୋତ୍ସାହନ ଏବଂ ନିୟମର ସରଳୀକରଣ ମାଧ୍ୟମରେ ଏକ ବ୍ୟବସାୟ-ଅନୁକୂଳ ପରିବେଶ ସୃଷ୍ଟି କରିବା ପାଇଁ ଭାରତ ସରକାରଙ୍କ ପକ୍ଷରୁ ଜାରି ରହିଥିବା ନିରନ୍ତର ପ୍ରୟାସ ଉପରେ ସେ ଆଲୋକପାତ କରିଥିଲେ।
ବ୍ୟବସାୟୀ ସମୁଦାୟକୁ ସଶକ୍ତ କରିବାରେ ଏଫଟିଆଇଆଇର ଭୂମିକା ଉପରେ ଆଲୋକପାତ କରି ଭାରତ ସରକାରଙ୍କ ନ୍ୟାସନାଲ୍ ଟ୍ରେଡର୍ସ ୱେଲଫେୟାର ବୋର୍ଡ (ଏନଟିଡବ୍ଲୁବି) ର ଅଧ୍ୟକ୍ଷ ସୁନୀଲ ଜେ. ସିଂଘୀ କହିଥିଲେ ଯେ “‘ଉତ୍କର୍ଷ’ର ଅର୍ଥ ହେଉଛି ପ୍ରଗତି ଏବଂ ଅଭିବୃଦ୍ଧି, ଏବଂ ମୁଁ ଦୃଢ଼ ନିଶ୍ଚିତ ଯେ ଏହି ସମ୍ମିଳନୀ ଭାରତର ସାମଗ୍ରିକ ବିକାଶରେ ଗୁରୁତ୍ୱପୂର୍ଣ୍ଣ ଅବଦାନ ରଖିବ। ସରକାର ଅନୁକୂଳ ନୀତି, ସହଜ ପୁଞ୍ଜି ବା ଋଣ ସୁବିଧା ଏବଂ ବ୍ୟବସାୟୀଙ୍କ ସମସ୍ୟାର ସମାଧାନ ପାଇଁ ସକ୍ରିୟ ପଦକ୍ଷେପ ମାଧ୍ୟମରେ ବ୍ୟବସାୟୀ, ଉଦ୍ୟୋଗୀ ଏବଂ ଶିଳ୍ପସଂସ୍ଥା ଗୁଡ଼ିକ ପାଇଁ ଏକ ଅନୁକୂଳ ପରିବେଶ ସୃଷ୍ଟି କରୁଛନ୍ତି। ଆର୍ଥିକ ଅଭିବୃଦ୍ଧିକୁ ତ୍ୱରାନ୍ୱିତ କରିବା ଏବଂ ଏକ ବିକଶିତ ଭାରତର ସ୍ୱପ୍ନକୁ ସାକାର କରିବା ପାଇଁ ସେ ସମସ୍ତ ଅଂଶୀଦାରମାନଙ୍କୁ ମିଳିତ ଭାବେ କାର୍ଯ୍ୟ କରିବାକୁ ଆହ୍ୱାନ ଦେଇଥିଲେ।
ଏହି ସମ୍ମିଳନୀରେ ଏଫଟିଆଇଆଇର ଜାତୀୟ ସଭାପତି ଡ଼. ସଞ୍ଜୟ ବଂଶଲ, ଏସ୍ଏନ୍ଏମ୍ ଗ୍ରୁପର ପରିଚାଳନା ନିର୍ଦ୍ଦେଶକ ଡ଼. ପ୍ରବୋଧ ମହାନ୍ତି, ଇଷ୍ଟେଲା ଲଗମିନ୍ ଏଲଏଲପିର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଅଜୟ ଅଗ୍ରୱାଲ, ରାଜ କୁମାର ଖଣ୍ଡେଲୱାଲ ଏବଂ ଶ୍ରୀ ସାକେତ ଅଗ୍ରୱାଲଙ୍କ ସମେତ ବିଭିନ୍ନ ବ୍ୟବସାୟିକ ସଂଗଠନ, ଚାମ୍ବର ଅଫ୍ କମର୍ସ, ଶିଳ୍ପ ସଙ୍ଘର ପ୍ରତିନିଧି, ଉଦ୍ୟୋଗୀ, ଏମଏସଏମଇ ଉଦ୍ୟୋଗୀ ଏବଂ ନ୍ୟାସନାଲ୍ ଟ୍ରେଡର୍ସ ୱେଲଫେୟାର ବୋର୍ଡର ଅଧିକାରୀମାନେ ଯୋଗ ଦେଇଥିଲେ।
ଏହି ଅବସରରେ ଏଫଟିଆଇଆଇର ଜାତୀୟ ସଭାପତି ଡ଼. ସଞ୍ଜୟ ବଂଶଲ କହିଛନ୍ତି ଯେ “ବ୍ୟବସାୟୀମାନଙ୍କ କଲ୍ୟାଣ ପାଇଁ ଉତ୍ସର୍ଗୀକୃତ ପ୍ରୟାସ ନିମନ୍ତେ ମୁଁ ଭାରତ ସରକାରଙ୍କ ନ୍ୟାସନାଲ୍ ଟ୍ରେଡର୍ସ ୱେଲଫେୟାର ବୋର୍ଡ (ଏନଟିଡବ୍ଲୁବି) ର ଅଧ୍ୟକ୍ଷ ଶ୍ରୀ ସୁନୀଲ ଜେ. ସିଂଘୀଙ୍କୁ ସାଧୁବାଦ ଜଣାଉଛି। ବ୍ୟବସାୟୀମାନଙ୍କ ସମସ୍ୟାର ସମାଧାନ କରିବା ଏବଂ ସେମାନଙ୍କ ସ୍ୱାର୍ଥର ସୁରକ୍ଷା ଦିଗରେ ଏହି ବୋର୍ଡ ପ୍ରମୁଖ ଭୂମିକା ଗ୍ରହଣ କରିଆସିଛି। ବ୍ୟବସାୟୀ ସମୁଦାୟକୁ ସଶକ୍ତ କରିବା ପାଇଁ ଏଫଟିଆଇଆଇର ଦୂରଦୃଷ୍ଟି ଓ ପ୍ରତିବଦ୍ଧତା ଉପରେ ଆଲୋକପାତ କରି, ମୁଁ ସମସ୍ତ ବ୍ୟବସାୟୀଙ୍କୁ ଏଫଟିଆଇଆଇ ସହ ହାତ ମିଳାଇବାକୁ ଏବଂ ଏହି କ୍ଷେତ୍ରର ବିକାଶ ଓ ସଶକ୍ତୀକରଣ ପାଇଁ ମିଳିତ ଭାବେ କାର୍ଯ୍ୟ କରିବାକୁ ଆହ୍ୱାନ କରୁଛି।”
ଏହି ସମ୍ମିଳନୀରେ ଏସ୍ଏନ୍ଏମ୍ ଗ୍ରୁପର ପରିଚାଳନା ନିର୍ଦ୍ଦେଶକ ଡ଼. ପ୍ରବୋଧ ମହାନ୍ତି କହିଛନ୍ତି ଯେ, “ଭାରତର ଅଭିବୃଦ୍ଧିରେ ଓଡ଼ିଶା ଏକ ପ୍ରମୁଖ ଚାଳିକା ଶକ୍ତି ଭାବେ ଉଭା ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ‘ବିକଶିତ ଭାରତ ୨୦୪୭ ପାଇଁ ବିକଶିତ ଓଡ଼ିଶା’ର ସଂକଳ୍ପ, ୨୦୪୭ ସୁଦ୍ଧା ରାଜ୍ୟକୁ ୧.୫ ଟ୍ରିଲିୟନ ଡଲାର ଅର୍ଥବ୍ୟବସ୍ଥାରେ ପରିଣତ କରିବାକୁ ଲକ୍ଷ୍ୟ ରଖିଛି। ଏହି ସଂକଳ୍ପକୁ ସାକାର କରିବା ପାଇଁ କେବଳ ବ୍ୟବସାୟୀ ନୁହନ୍ତି, ବରଂ ପ୍ରତ୍ୟେକ କ୍ଷେତ୍ରର ସମ୍ମିଳିତ ପ୍ରୟାସ ଆବଶ୍ୟକ। ନିବେଶକ, ବ୍ୟବସାୟୀ ଏବଂ ଉଦ୍ୟୋଗୀମାନଙ୍କୁ ଆକର୍ଷିତ କରିବାରେ ‘ଉତ୍କର୍ଷ ଓଡ଼ିଶା’ ଭଳି ମଞ୍ଚ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ, ଯାହା ଓଡ଼ିଶାକୁ ପୁଞ୍ଜିନିବେଶ ଏବଂ ସ୍ଥାୟୀ ଅର୍ଥନୈତିକ ବିକାଶ ପାଇଁ ଏକ ପସନ୍ଦଯୋଗ୍ୟ ସ୍ଥାନ ଭାବେ ଗଢ଼ି ତୋଳୁଛି।”
ଇଷ୍ଟେଲା ଲଗମିନ୍ ଏଲଏଲପିର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଅଜୟ ଅଗ୍ରୱାଲ କହିଛନ୍ତି ଯେ, “ଶ୍ରୀ ସୁନୀଲ ଜେ. ସିଙ୍ଘୀ ସଦାସର୍ବଦା ବ୍ୟବସାୟୀ ସମୁଦାୟ ପାଇଁ ଏକ ଦୃଢ଼ ସ୍ୱର ସାଜିବା ସହ ବ୍ୟବସାୟୀ ଓ ସରକାରଙ୍କ ମଧ୍ୟରେ ଏକ ପ୍ରମୁଖ ସେତୁ ଭାବେ କାର୍ଯ୍ୟ କରିଆସୁଛନ୍ତି। ବ୍ୟବସାୟୀମାନେ ଯେପରି ସେମାନଙ୍କର ସମସ୍ୟା ଓ ଦାବିଗୁଡ଼ିକୁ ସାମ୍ନାକୁ ଆଣିପାରିବେ, ସେଥିପାଇଁ ଏକ ସ୍ୱତନ୍ତ୍ର ମଞ୍ଚ ପ୍ରସ୍ତୁତ କରିଥିବାରୁ ଆମେ ଶ୍ରୀ ସିଙ୍ଘୀ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନିକଟରେ କୃତଜ୍ଞ। ତୃଣମୂଳ ସ୍ତରର ବ୍ୟବସାୟୀମାନଙ୍କୁ ସେମାନଙ୍କର ଅଧିକାର ଏବଂ ଭାରତର ବିକାଶରେ ସେମାନଙ୍କର ଗୁରୁତ୍ୱପୂର୍ଣ୍ଣ ଭୂମିକା ବିଷୟରେ ସଚେତନ କରାଇବା ହିଁ ଏହି ସମ୍ମିଳନୀର ମୁଖ୍ୟ ଉଦ୍ଦେଶ୍ୟ। ଆସନ୍ତୁ ଆମେ ସମସ୍ତେ ହାତ ମିଳାଇ ଏକ ଶକ୍ତିଶାଳୀ ଏବଂ ସମୃଦ୍ଧ ଭାରତ ଗଠନ ଦିଗରେ ଏକାଠି କାର୍ଯ୍ୟ କରିବା।”
ଏହି ସମ୍ମିଳନୀ ଅବସରରେ ବିଶେଷଜ୍ଞମାନେ ନିୟମାବଳୀର ଅନୁପାଳନ ପ୍ରକ୍ରିୟାକୁ ସରଳ କରିବା, ବ୍ୟବସାୟିକ କାରବାର ଖର୍ଚ୍ଚ ହ୍ରାସ କରିବା ଏବଂ ବ୍ୟବସାୟ ପରିଚାଳନା ଓ ଏହାର ସମ୍ପ୍ରସାରଣକୁ ସହଜ କରିବା ଲକ୍ଷ୍ୟରେ ନିକଟରେ ହୋଇଥିବା ସରକାରୀ ନୀତିଗତ ସଂସ୍କାର ବିଷୟରେ ଆଲୋଚନା କରିଥିଲେ। ଏହା ସହିତ ବ୍ୟବସାୟୀ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ (ଏସଏମଇଏସ) ଏବଂ ଶିଳ୍ପ ସଂଘଗୁଡ଼ିକ କିପରି ସରକାରଙ୍କ ଏହି ନୂତନ ପଦକ୍ଷେପ ଏବଂ ପ୍ରୋତ୍ସାହନଗୁଡ଼ିକର ଲାଭ ଉଠାଇପାରିବେ, ସେ ସମ୍ପର୍କରେ ଅଂଶଗ୍ରହଣକାରୀମାନଙ୍କୁ ବ୍ୟାବହାରିକ ମାର୍ଗଦର୍ଶନ ପ୍ରଦାନ କରାଯାଇଥିଲା।
ଏହି ସମ୍ମିଳନୀରେ ସରକାରୀ ପ୍ରତିନିଧି ଏବଂ ବ୍ୟବସାୟିକ ନେତୃବୃନ୍ଦଙ୍କ ମଧ୍ୟରେ ସ୍ଥାନୀୟ ସ୍ତରରେ ନୀତିଗୁଡ଼ିକର କାର୍ଯ୍ୟକାରିତା କ୍ଷେତ୍ରରେ ଦେଖାଦେଉଥିବା ଆହ୍ୱାନଗୁଡ଼ିକ ଉପରେ ମୁକ୍ତ ଆଲୋଚନାକୁ ପ୍ରୋତ୍ସାହିତ କରାଯାଇଥିଲା। ଅଂଶଗ୍ରହଣକାରୀମାନେ ସେମାନଙ୍କର ପରାମର୍ଶ ଏବଂ ଅଭିଜ୍ଞତା ବାଣ୍ଟିଥିଲେ, ଯାହା ଓଡ଼ିଶାର ବ୍ୟବସାୟିକ ପରିବେଶ (ଇକୋସିଷ୍ଟମ) ର ସୁଧାର ପାଇଁ ବ୍ୟବହାରିକ ସମାଧାନ ଖୋଜିବାରେ ସହାୟକ ହୋଇଥିଲା।
ଏହି ସମ୍ମିଳନୀ ଏକ ଗୁରୁତ୍ୱପୂର୍ଣ୍ଣ ନେଟୱର୍କିଂ ପ୍ଲାଟଫର୍ମ ଭାବେ କାର୍ଯ୍ୟ କରିଛି, ଯାହାକି ଉଦ୍ୟୋଗୀ, ବ୍ୟବସାୟୀ, ଶିଳ୍ପ ବିଶେଷଜ୍ଞ ଏବଂ ନୀତି ନିର୍ଦ୍ଧାରକମାନଙ୍କୁ ଭାବର ଆଦାନପ୍ରଦାନ କରିବା ସହ ଆଗାମୀ ଦିନର ବିକାଶ ପାଇଁ ଭାଗିଦାରୀ ସ୍ଥାପନ କରିବାରେ ସହାୟକ ହୋଇଛି। ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ପ୍ରତିନିଧିମାନେ ଦୃଢ଼ ମତ ପ୍ରକାଶ କରିଥିଲେ ଯେ, ସମ୍ମିଳନୀରେ ଆଲୋଚନା ହୋଇଥିବା ଜ୍ଞାନ ଓ
ସୂଚନା ବ୍ୟବସାୟୀମାନଙ୍କୁ ପରିବର୍ତ୍ତିତ ନିୟାମକ ବ୍ୟବସ୍ଥା ସହ ଖାପ ଖୁଆଇବାରେ ସାହାଯ୍ୟ କରିବ ଏବଂ ରାଜ୍ୟର ଅର୍ଥନୈତିକ ପ୍ରଗତିରେ ପ୍ରମୁଖ ଯୋଗଦାନ ଦେବ । ଉତ୍କର୍ଷ ୨୦୨୬’ ମାଧ୍ୟମରେ ଆୟୋଜକ ଏବଂ ପ୍ରତିନିଧିମାନେ ସଚେତନତା, ସହଯୋଗ ଏବଂ ଅଂଶୀଦାରମାନଙ୍କ ସହ ନିରନ୍ତର ଯୋଗାଯୋଗ ରଖି ବାଣିଜ୍ୟ ଓ ଶିଳ୍ପକୁ ସହଯୋଗ କରିବା ପାଇଁ ସେମାନଙ୍କର ପ୍ରତିବଦ୍ଧତାକୁ ପୁନର୍ବ୍ୟକ୍ତ କରିଥିଲେ ।
