ହିଞ୍ଜିଳିକାଟୁ (ଓଡ଼ିଶା ତାଜାନ୍ୟୁଜ) (ନିପ୍ର) :- ଛାତ୍ରୀ ଜଣକ ଗ୍ରୀଷ୍ମ ଅବକାଶରେ ଘରକୁ ଯାଇଥିଲେ। ଛୁଟି ଶେଷ ପରେ ବୁଧବାର ଅପରାହ୍ନରେ ସେ ହଷ୍ଟେଲକୁ ଫେରିଥିଲେ। ପହଞ୍ଚିବାର ମାତ୍ର ଅଧଘଣ୍ଟା ପରେ ୯ମ ଶ୍ରେଣୀରେ ପାଠ ପଢୁଥିବା ଛାତ୍ରୀ ଜଣଙ୍କ ହଷ୍ଟେଲ ଫ୍ୟାନରେ ଚୁନି ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଛି। ମୃତକ ଜଣଙ୍କ ହେଲେ କୋଦଳା ଥାନା ବେଗୁନିଆପଡା ବ୍ଳକ ତୋଟାପଡା ଗ୍ରାମର ସନ୍ତୋଷ ଦାସଙ୍କ ନାବାଳିକା କନ୍ୟା ବର୍ଷା ଦାସ (୧୪)। ଏଭଳି ଏକ ଦୁଃଖଦ ଓ ସମ୍ବେଦନଶୀଳ ଘଟଣା ବୁଧବାର ଅପରାହ୍ନ ପ୍ରାୟ ତିନିଟା ସମୟରେ ହିଞ୍ଜିଳି ଥାନା ଗୋପିନାଥପୁର କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ହଷ୍ଟେଲ ପରିସରରେ ଘଟିଛି ।
