ଭୁବନେଶ୍ୱର (ଓଡିଶା ତାଜା ନିଉଜ୍) ଭୁବନେଶ୍ୱର ତା- ୧.୧.୨୦୨୦ :- ରଣପୁର ମହୋତ୍ସବ “ଅର୍ଜୁନ” ୨୦୨୦ ପ୍ରତିବର୍ଷ ଭଳି ଜାନୁୟାରୀ ୫ ,୬ ,୭ ,୮ ,ଓ ୯ ତାରିଖ ରେ ବାଘ ସାଆନ୍ତ ପଡିଆ ଠାରେ ମହା ସମାରୋହ ରେ ଅନୁଷ୍ଠିତ ହେବାକୁ ଯାଉଥିବା ବେଳେ ଏଥିନେଇ ପ୍ରାକ ପ୍ରସ୍ତୁତି କାର୍ଯ୍ୟ ଶେଷ ହୋଇଥିବା ସୂଚନା ମିଳିଛି । ମହୋତ୍ସବ କମିଟି ର ଅଧକ୍ଷ୍ୟ , ସ୍ଥାନୀୟ ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧକ୍ଷ୍ୟ ସତ୍ୟ ନାରାୟଣ ପ୍ରଧାନ ଙ୍କ ଅଧ୍ୟକ୍ଷତା ରେ ସ୍ଥାନୀୟ ରଘୁ –ଦିବାକର ଆସୋସିଏସନ ପରିସର ମଧ୍ୟ ରେ ଅପରାହ୍ନ ରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ପ୍ରାପ୍ତ ସୂଚନା ଅନୁଯାୟୀ ମହୋତ୍ସବ “ ଅର୍ଜୁନ” ଶହୀଦ ଅର୍ଜୁନ ରାଉତ ଙ୍କ ଶ୍ରାଦ୍ଧ ଦିବସ ସାଙ୍ଗକୁ ଅତ୍ୟାଚାରୀ ବେଜେଲଗେଟ ର ହତ୍ୟା ଉପଲକ୍ଷେ ପୂର୍ବରୁ ଜାନୁୟାରୀ ୫ ତାରିଖ କୁ ରଣପୁର ଦିବସ ଭାବେ ପାଳନ କରାଯାଉଥିବା ବେଳେ ପରେ ରଣପୁର ମହୋତ୍ସବ କମିଟି ଏହି ଦିବସ ରୁ ରଣପୁର ମହୋତ୍ସବ କୁ ଶହୀଦ ଙ୍କ ଉଦେଶ୍ୟ ରେ ଆରମ୍ଭ କରିବାର ନିଷ୍ପତ୍ତି ନେଇଥିଲା । ଏହି ମହୋତ୍ସବ କୁ ରଣପୁର ମହୋତ୍ସବ “ଅର୍ଜୁନ” ନାମରେ ନାମିତ କରାଯାଇଥିଲା । ରଣପୁର ଅଞ୍ଚଳ ର କଳା , ସଂସ୍କୃତି ଓ ଐତିହ୍ୟ କୁ ବଜାୟ ରଖିବା ଉଦ୍ଦେଶ୍ୟ ରେ ପାଞ୍ଚ ଦିନ ବ୍ୟାପୀ ଏହି ମହୋତ୍ସବ ଅନୁଷ୍ଠିତ ହୋଇଆସୁଅଛି । କାର୍ଯ୍ୟସୂଚୀ ଅନୁଯାୟୀ ଜାନୁୟାରୀ ୫ ତାରିଖ ପ୍ରାତଃ ରେ ପ୍ରଭାତଫେରୀ ଓ ରାମଧୁନ କାର୍ଯ୍ୟ ପରେ ରଣପୁର ର ଅଧିଷ୍ଠାତ୍ରୀ ଦେବୀ ମା ମଣିନାଗ ପିଠ ଠାରୁ ଶହୀଦ ମଣ୍ଡପ ପର୍ଯ୍ୟନ୍ତ ଗଣଦୌଡ ର କାର୍ଯ୍ୟକ୍ରମ ରହିଛି । ସେଠାରେ ସମସ୍ତ ଶହୀଦ ଜ୍ୟୋତି ଏକତ୍ରିତ ହେବାପରେ ସେଠାରୁ ଏକ ଶୋଭାଯାତ୍ରା ମାଧ୍ୟମରେ ଶହୀଦ ସ୍ମୃତି କୁ ମହୋତ୍ସବ ମଞ୍ଚ ପର୍ଯ୍ୟନ୍ତ ଅଣାଯିବାର ବ୍ୟବସ୍ଥା ରହିଛି ।ଅପରାହ୍ନ ରେ ପୁରୀ ସାଂସଦ ପିନାକୀ ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇ ଏହି ମହୋତ୍ସବ କୁ ଅନୁଷ୍ଠାନିକ ଭାବେ ଉଦ୍ଘାଟନ କରିବା ସହ ଜିଲ୍ଲାପାଳ ଡାକ୍ତର ପୋମା ଟୁଡୁ ମୁଖ୍ୟ ବକ୍ତା ଭାବେ ଯୋଗ ଦେବାର କାର୍ଯ୍ୟକ୍ରମ ରହିଛି ।
ଏହି ଦିବସ ରେ ଖୋର୍ଦ୍ଧା ର ପାଇକ ଆଖଡା ସହ କେନ୍ଦ୍ର ସରକାର ଙ୍କ ପ୍ରଯୋଜିତ କାର୍ଯ୍ୟକ୍ରମ ସହ ସିନେମା ଅଭିନେତା ସବ୍ୟସାଚୀ ଯୋଗଦେବାର କାର୍ଯ୍ୟକ୍ରମ ରହିଛି । ସେହିଭଳି ୬ ତାରିଖ ରେ ମୁଖ୍ୟ ଅତିଥି ଭାବେ ମନ୍ତ୍ରୀ ଅରୁଣ କୁମାର ସାହୁ ଙ୍କ ସହ ମୁଖ୍ୟ ବକ୍ତା ଭାବେ ଖଣ୍ଡପଡା ବିଧାୟକ ସୌମ୍ୟ ରଞ୍ଜନ ପଟ୍ଟନାୟକ ଯୋଗଦେବାକୁ ଥିବାବେଳେ ସଂସ୍କୃତିକ କାର୍ଯ୍ୟକ୍ରମ ରେ ସିଂଘାରୀ ଗ୍ରୁପ , ପୁରୀ ଓ ଭୂମିପୁତ୍ର ସଂସ୍କୃତିକ ଅନୁଷ୍ଠାନ ,ଭବାନିପାଟଣା ଙ୍କ ସହ କେନ୍ଦ୍ର ସରକାର ଙ୍କ ଆୟୋଜିତ କାର୍ଯ୍ୟକ୍ରମ ରହିଛି । ସେହିଭଳି ୭ ତାରିଖ ପୂର୍ବାହ୍ନ ରେ କବି ସମ୍ମିଳନୀ ଓ ଓପନ କୁଇଜ ଅନୁଷ୍ଠିତ ହେବାକୁ ଥିବା ବେଳେ ଏହି ଦିବସ ର ମୁଖ୍ୟ ଅତିଥି ଭାବେ ଚିଲିକା ବିଧାୟକ ପ୍ରଶାନ୍ତ ଜଗଦେବ ଓ ମୁଖ୍ୟ ବକ୍ତା ଭାବେ ପ୍ରତିଭା ମହାରଥୀ ,ସମ୍ମାନିତ ଅତିଥି ଭାବେ ପୂର୍ବତନ ବିଧାୟକ ରବି ନାରାୟଣ ମହାପାତ୍ର ଓ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଙ୍କ ସହ ମୁଖ୍ୟ ଆକର୍ଷଣ ସିନେମା ଅଭିନେତ୍ରୀ ଅର୍ଚିତା ଓ ସୁର ଭାଇବ୍ରେଶନ ଭୁବନେଶ୍ଵର ଯୋଗଦେବାର କାର୍ଯକ୍ରମ ରହିଛି ।ସେହିଭଳି ୮ ତାରିଖ ରେ ମୁଖ୍ୟ ଅତିଥି ଭାବେ ପଦ୍ମନାଭ ବେହେରା ,ମୁଖ୍ୟ ବକ୍ତା ଭାବେ ସାଂସଦ ଅମର ପଟ୍ଟନାୟକ ,ସମ୍ମାନିତ ଅତିଥି ଭାବେ ବେଗୁନିଆ ବିଧାୟକ ରାଜେନ୍ଦ୍ର ସାହୁ ଙ୍କ ସହ ସାଂସ୍କୃତିକ କାର୍ଯକ୍ରମ ରେ ରାଜେନ୍ଦ୍ର ବିନ୍ଧାଣି ଓ ଗ୍ରୁପ , ବିଲ୍ଲୋରୀ ୱେଲଫେୟର ଅର୍ଗାନାଇଜେସନ ବୈଶିଙ୍ଗା,ଓ ପ୍ରମୁଖ ଆକର୍ଷଣ ନଟିଆ ଙ୍କ ସହ କେନ୍ଦ୍ର ସରକାର ଙ୍କ ପ୍ରଯୋଜିତ କାର୍ଯକ୍ରମ ରହିଅଛି । ୯ ତାରିଖ ଉଦଯାପନୀ ସମାରୋହ ରେ ମୁଖ୍ୟ ଅତିଥି ଭାବେ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ,ସମ୍ମାନୀତ ଅତିଥି ଭାବେ ପୂର୍ବତନ ସାଂସଦ ପ୍ରସନ୍ନ ପାଟଶାଣୀ ,ସମ୍ମାନିତ ଅତିଥି ଭାବେ ବୈଜୟନ୍ତୀ ବାଳା ମହାନ୍ତି ଓ ଉପଜିଲ୍ଲାପାଳ ଲଗ୍ନଜିତ ରାଉତ ଙ୍କ ସହ ବିଶେଷ ଆକର୍ଷଣ ହ୍ୟୁମାନ ସାଗର ଅର୍କେଷ୍ଟ୍ରା ଓ ଅନ୍ୟାନ୍ୟ କାର୍ଯକ୍ରମ ରହିଅଛି ।
ପ୍ରତ୍ୟେକ ଦିବସ ରେ ଅଧ୍ୟକ୍ଷ ତଥା ସ୍ଥାନୀୟ ବିଧାୟକ ସତ୍ୟ ନାରାୟଣ ପ୍ରଧାନ ସଭାପତିତ୍ଵ କରିବାର କାର୍ଯକ୍ରମ ରହିଛି । ଏହି ସାମ୍ବାଦିକ ସମ୍ମିଳନୀ ରେ ସମ୍ପାଦକ ସୁରେଶ ଚନ୍ଦ୍ର ମିଶ୍ର ,ଆବାହକ ପୂର୍ଣ ଚନ୍ଦ୍ର ରାୟ ,ସଂଯୋଜକ ଦେବାଶିଷ ପଟ୍ଟନାୟକ ଉପସ୍ଥିତ ଥିଲେ । (ଓଡିଶା ତାଜା ନିଉଜ୍) ରିପୋର୍ଟ – ସୋନାଲି
