ଶିବା ସମ୍ପୂର୍ଣ। ଫାଉଣ୍ଡେସନ ପକ୍ଷରୁ ଜୟଦେବ କଳାରତ୍ନ ସମ୍ମାନ – ୨୦୨୫ ଅନୁଷ୍ଠିତ

ବାଲିଅନ୍ତା (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ଭୁବନେଶ୍ୱର ଉପକଣ୍ଠ ତଥା ଜୟଦେବ ନିର୍ବାଚନ ମଣ୍ଡଳୀ ଅନ୍ତର୍ଗତ ବାଳକାଟିସ୍ଥିତ ଅନନ୍ୟା କଲ୍ୟାଣ ମଣ୍ଡପରେ ଶିବାସଂମ୍ପୂର୍ଣା ଫାଉଣ୍ଡେସନ୍ ତରଫରୁ ଆୟୋଜିତ “ଜୟଦେବ କଳାରତ୍ନ ସମ୍ମାନ-୨୦୨୫” ସଂସ୍ଥାର ସଭାପତି ଶ୍ରୀମତୀ ଝିଲି ପ୍ରଧାନଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ବିଜେପି ରାଜ୍ୟ ସାଧାରଣ ସମ୍ପାଦକ ମାନ୍ୟବର ଶ୍ରୀଯୁକ୍ତ ସାରଦା ପ୍ରସାଦ ଶତପଥୀ ମୁଖ୍ୟଅତିଥି, ବିଜେପି ଭୁବନେଶ୍ୱର ଜିଲ୍ଲା ସଭାପତି ଶ୍ରୀଯୁକ୍ତ ନିରଞ୍ଜନ ମିଶ୍ର ମୁଖ୍ୟବକ୍ତା ଏବଂ ପୂର୍ବତନ ମନ୍ତ୍ରୀ ଶ୍ରୀଯୁକ୍ତ ଅରବିନ୍ଦ ଢାଲି ସମ୍ମାନିତ ଅତିଥି ଭାବେ ଯୋଗ ଦେଇ ଏହି ଅନୁଷ୍ଠାନର ବିଭିନ୍ନ କାର୍ଯ୍ୟକ୍ରମ ଉପରେ ବିଶଦଭାବେ ଆଲୋଚନା କରିବା ସହ ଅନୁଷ୍ଠାନକୁ ଭୂୟସୀ ପ୍ରଶଂସା କରିଥିଲେ ।

ଏହି ଉତ୍ସବର ପରିଶେଷରେ ଶିବାସଂମ୍ପୂର୍ଣା ଫାଉଣ୍ଡେସନର ପରିଚାଳନା ନିର୍ଦ୍ଦେଶକ ଶ୍ରୀ ସଞ୍ଜୀବ କୁମାର ସାମନ୍ତରାୟ ସମସ୍ତ କଳାକାର ମାନଙ୍କୁ ଧନ୍ୟବାଦ୍ ଅର୍ପଣ କରିଥିଲେ। ପବିତ୍ର କୁମାର ଭୋଇ, ସଞ୍ଜୟ କୁମାର ତ୍ରିପାଠୀ, ମନୋଜ କୁମାର ସାହୁ, ତ୍ରିନାଥ ଚନ୍ଦ୍ର ସାହୁ, ଅଜିତ କୁମାର ବେହେରା, ସୁଜାତା ଦାଶ ପ୍ରମୁଖ ସହଯୋଗ କରିଥିଲେ।

ପରେ ପରେ ସମଗ୍ର ନିର୍ବାଚନ ମଣ୍ଡଳୀରୁ ଆସିଥିବା ଶତାଧିକ ସଙ୍କୀର୍ତ୍ତନ କଳାକାର,ଗୋଟିପୁଅ କଳାକାର, ପାଲା କଳାକାର,ସମାଜସେବୀ ମାଗୁଣି ଚରଣ ସେଠୀଙ୍କ ସମେତ ବରିଷ୍ଠ ନାଗରିକ ଓ ସମ୍ମାନୀୟ ବ୍ୟକ୍ତି ବିଶେଷଙ୍କୁ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା । ଉତ୍ସବଟି ବେଶ୍ ଚିତ୍ତାକର୍ଷକ, ଆକର୍ଷଣୀୟ ହୋଇ ନିର୍ବାଚନ ମଣ୍ଡଳୀରେ ପ୍ରଭାବଶାଳୀ ହୋଇପାରିଛି । ଏହି ଉତ୍ସବରେ ବହୁ ସଂଖ୍ୟାରେ ଲୋକେ ଉପସ୍ଥିତ ରହିଥିଲେ ।