କଣ୍ଟାବାଞ୍ଜିରେ ଚେସ ଟୁର୍ଣ୍ଣାମେଂଟ – ଭାଗ ନେଲେ ୮୦ ରୁ ଅଧିକ ପ୍ରତିଯୋଗୀ

କଣ୍ଟାବାଞ୍ଜି  (ଓଡ଼ିଶା ତାଜା ନ୍ୟୁଜ୍) :-  କଣ୍ଟାବାଞ୍ଜି ଚେସ ଏସୋସିଏସନ ପକ୍ଷରୁ ରବିବାର ଲୋକଲ ଚେସ ଟୁର୍ଣ୍ଣାମେଂଟ ସ୍ଥାନୀୟ ମାନସ ଭବନ ଠାରେ ଆୟୋଜିତ ହୋଇ ଯାଇଛି । ପ୍ରତିଯୋଗିତାର ନିର୍ଦେଶକ ମଛିନ୍ଦ୍ର ନାରାୟଣ ବେହେରା ଙ୍କ ଅଧକ୍ଷତାରେ ଅନୁଷ୍ଠିତ ଏହି ଟୁର୍ଣ୍ଣାମେଂଟ ରେ ମୁଖ୍ୟ ଅତିଥି ଭାବେ ଅଧ୍ୟାପକ ଚିନ୍ମୟ କୁମାର ଯୋଶୀ ଯୋଗ ଦେଇ ଟୁର୍ଣ୍ଣାମେଂଟର ଶୁଭାରମ୍ଭ କରିଥିଲେ । ଏଥିରେ ସଂମାନିତ ଅତିଥି ଭାବେ ଶିକ୍ଷକ ଶୁବେନ୍ଦୁ ମହାନ୍ତି, ଚେସ ଏସୋସିଏସନ କଣ୍ଟାବାଞ୍ଜିର ସଭାପତି ସୁକଦେଵ ମହାନ୍ତି, ସଂଯୋଜକ ସତୀଶ କୁମାର ମାରୁ, କୋଷାଧ୍ୟକ୍ଷ କିରଣ ଶର୍ମା,

ବିନୟ କୁମାର ବେହେରା, ଆର୍ବିଟର ଦେବେନ୍ଦ୍ର କୁମାର ଯୋଶୀ ଓ ଭବାନୀ ପ୍ରସାଦ ମେହେର, ମାରବାଡ଼ି ଯୁବା ମଞ୍ଚ ସଭାପତି ନିଖିଳ ଅଗ୍ରୱାଲ ପ୍ରମୁଖ ମଂଚସିନ ଥିଲେ । କାର୍ଯ୍ୟକ୍ରମ ଶୁଭାରମ୍ଭ ପରେ କଣ୍ଟାବାଞ୍ଜି ଅଞ୍ଚଳର ବିଭିନ୍ନ ବିଦ୍ୟାଳୟର ୬୦ ରୁ ଅଧିକ ଛାତ୍ରଛାତ୍ରୀ ଓ ୨୪ ଜଣ ଅନ୍ୟ ପ୍ରତିଯୋଗୀ ଏହି ଚେସ ଟୁର୍ଣ୍ଣାମେଂଟରେ ଭାଗ ନେଇ ଏହି ଟୁର୍ଣ୍ଣାମେଂଟ କୁ ସଫଳ କରିଥିଲେ । ଏହି ଚେସ ଟୁର୍ଣ୍ଣାମେଂଟରେ ସିନିୟର ପ୍ରତିଯୋଗି ମାନଙ୍କ ମଧ୍ୟ ପ୍ରଥମ ସ୍ଥାନ ସୁରେନ୍ଦ୍ର କୁମାର ବିଶି, ୨ୟ ସ୍ଥାନରେ କେଶବ ଅଗ୍ରୱାଲ ଓ ତୃତୀୟରେ ଅରବିନ୍ଦ ଚନ୍ଦନ ଙ୍କୁ ପୁରସ୍କୃତ କରାଯାଇଛି ।

ସେହିପରି ଜୁନିୟର ପ୍ରତିଯୋଗିତାରେ ପ୍ରଥମ ସ୍ଥାନରେ ମୋହିତ ରାମ ସେଠ, ୨ୟରେ ସକେତ କୁମାର ବେହେରା ଓ ତୃତୀୟରେ ଆୟୁଷ ଓଝା ଙ୍କୁ ପୁରସ୍କୃତ କରାଯାଇଥିଲା । ତେବେ ଟୁର୍ଣ୍ଣାମେଂଟର ଏହି ସମାପନ ସମୟରେ ଯୁବ ନେତା ବେଦବ୍ୟାସ ନାଗ ଓ ବ୍ରଜେଶ ମିତ୍ତଲ ଯୋଗ ଦେଇ ପ୍ରତିଯୋଗି ମାନଙ୍କ ମନ ବଲ ଆହୁରି ବଢ଼ାଇ ଥିଲେ । ଅନ୍ୟ ମାନଙ୍କ ମଧ୍ୟ ରେ ଦେବ କୁମାର ମହାନ୍ତି, ଧର୍ମୁ ବାଗ, ନବୀନ କୁମାର ଦୀପ, ପ୍ରଶାନ୍ତ ପାଢ଼ୀ, ତନ୍ମୟ ପଣ୍ଡା ପ୍ରମୁଖ କାର୍ଯ୍ୟକ୍ରମ କୁ ସଫଳ କରିବା ରେ ସହଯୋଗ କରିଥିଲେ।