ଅଗ୍ନିକାଣ୍ଡରେ ବିନ୍ଧାଣିଆ ଗ୍ରାମରେ ୧୫ବଖରା ଚାଳଘର ଜଳିପୋଡି ଭୟାଭୟ ପରିସ୍ଥିତି ସୃଷ୍ଟି ହୋଇଛି

ଚାନ୍ଦପୁର  (ଓଡ଼ିଶା ତାଜା ନ୍ୟୁଜ୍) :- ପ୍ରବଳ ଖରାରେ   ଲୋକେ ଏବେ ତ୍ରାହି  ତ୍ରାହି ଡାକୁଛନ୍ତି।ଠିକ ଏହି ସମୟରେ ବିନ୍ଧାଣିଆ ଗ୍ରାମବାସୀଙ୍କୁ   ଘାରିଛି  ଅଗ୍ନିକାଣ୍ଡ  ର ଭୟ । ବିନ୍ଧାଣିଆ ଗ୍ରାମରେ ପୁଣି ନିଆଁ ଲାଗି ଜଳି ପୋଡି ଛାର ଖାର ହୋଇ ଯାଇଛି ୧୫ ବଖରା ଚାଳ ଘର  ଆଜି ସକାଳୁ ନିଆଁ ଲାଗି ଜଳି ଯାଇଛି । ଏହି ଚାଳ ଘର ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ବିନ୍ଧାଣିଆ ଗ୍ରାମରେ ।ଆଜି ସକାଳୁ   ଚାଳ ଘରେ ଲାଗିଥିଲା ନିଆଁ । ପ୍ରବଳ ପଵନ ଯୋଗୁଁ ନିଆଁ ବ୍ୟାପିବାରେ ଲାଗିଥିଲା।ଫଳରେ ସୁଧାକର ବେହେର, ବୃନ୍ଦାବନ ବେହେରା, ଗୋପୀନାଥ ବେହେରା ,କାର୍ତିକ ବେହେରା ,ଓ ରବିନ୍ଦ୍ର ବେହେରା ଙ୍କ ଘରକୁ ବ୍ୟାପିଥିଲା ନିଆଁ।

ନିଆଁ ର ଆଁ ରେ   ଜଳି ପୋଡି ପାଉଁଶ ହୋଇ ଯାଇଛି ଧାନ ଚାଉଳ।,ସିନ୍ଦୁକ, ଟଙ୍କା ପଇସା ସହ ବହୂ ମୂଲ୍ୟବାନ ସାମଗ୍ରୀ ନିଆଁ ଛଡ଼ାଇବାକୁ ଯାଇ କେତେକ ଲୋକ ଆହତ ହୋଇଛନ୍ତି । ଏପଟେ ଖବର ପାଇ ଟାଙ୍ଗୀ ଅଗ୍ନିଶମ ବାହିନୀ ନିଆଁ କୁ ଆୟତ କରିଛି । ଖବର ପାଇ ଟାଙ୍ଗୀ ପୋଲିସ ସହ ଟାଙ୍ଗୀ ତହସିଲ କର୍ମଚାରୀ ଅଗ୍ନିକାଣ୍ଡ ର ତଦନ୍ତ କରିଛନ୍ତି । ଟାଙ୍ଗୀ ଗ୍ରାମ ପଂଚାୟତ ସରପଞ୍ଚ କିଶୋର  କୁମାର ବେହେରା ଅଗ୍ନିକାଣ୍ଡ ଦୁର୍ଗତ ମାନଙ୍କୁ  ଚାଉଳ ସହ ନଗଦ ଟଙ୍କା ସହାୟତା ଯୋଗାଇ ଦେଇଛନ୍ତି । ଏପରି  ସ୍ଥଳେ ଅଗ୍ନିକାଣ୍ଡ ଦୁର୍ଗତ ମାନଙ୍କୁ ସରକାରୀ ସହାୟତା ସହ ଆବାସ ଯୋଜନା ରେ ଘର ଯୋଗାଇ ଦେବାକୁ ଦାବି ହେଉଛି।