ଭୟାବହ ଅଗ୍ନିକାଣ୍ଡ,ପୋଡ଼ିଗଲା ଚାରି ବଖରା ଘର

୧୬ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ )  ନୂଆଗାଁ  :-  ନୟାଗଡ ଜିଲ୍ଲା ନୂଆଗାଁ ବ୍ଲକ୍ ଅନ୍ତର୍ଗତ କାପ୍ତାପଲ୍ଲୀ ପଞ୍ଚାୟତ ପୋବଲା ଗ୍ରାମରେ ନିଆଁ ଲାଗି ଚାରି ବଖରା ଘର ପୋଡିଯାଇଥିବା ଜଣା ପଡ଼ିଛି।ସୂଚନା ଥାଉକି ପୋବଲା ଗ୍ରାମର ପ୍ରଦୀପ କୁମାର ଜାନୀ ,ବିଜୟ କୁମାର ଜାନୀ , ବିମଳା ଜାନୀ,କାର୍ତ୍ତିକ ଜାନୀ ଙ୍କ ଚାରି ବଖରା ଘର ପୋଡ଼ି ପାଉଁଶ ହୋଇଯାଇଛି।ନିଆଁ କିପରି ଲାଗିଲା ଜଣା ପଡି ନଥିବା ବେଳେ ସଟ ସର୍କିଟ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି।

ନୂଆଗାଁ ଦମକଳ ବାହିନୀ ପହଞ୍ଚି ନିଆଁକୁ ଆୟତ କରିଛନ୍ତି।ଏହି ଅଗ୍ନିକାଣ୍ଡ ରେ ବହୁ ମୂଲ୍ୟବାନ ଆସବାବ ପତ୍ର ପୋଡି ଯାଇଥିବା ଜଣା ପଡ଼ିଛି।ନୂଆଗାଁ ଅତିରିକ୍ତ ତହସିଲଦାର କବିରାଜ ସେଠୀ , ଗୂମି ସମିତି ସଭ୍ୟ ସଞ୍ଜୀବ କୁମାର ଡାକୁଆ,ସ୍ଥାନୀୟ ଆର ଆଇ ପହଞ୍ଚି ପଲିଥିନ ଦେଇଛନ୍ତି। ଘର ପୋଡିଯାଇଥିବା ଲୋକମାନେ ଆଦିବାସୀ ଏବଂ ଆର୍ଥିକ ସ୍ୱଚ୍ଛଳ ନଥିବା ଯୋଗୁଁ ସରକାରୀ ସହାୟତା ଯୋଗାଇଦେବା ପାଇଁ ବୁଦ୍ଧିଜୀବୀ ମହଲରେ ଦାବି ହୋଇଛି।