୨୪ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ରଣପୁର :-> ନୟାଗଡ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ରାଜସୁନାଖଳା ସରସ୍ୱତୀ ଶିଶୁ ବିଦ୍ୟାମନ୍ଦିରର ଊନତ୍ରିଂଶତମ୍ ବାର୍ଷିକ ଉତ୍ସବ ମହାସମାରୋହରେ ପାଳିତ ହୋଇଯାଇଛି । ଆୟୋଜିତ ସଭାରେ ବିଦ୍ୟାଳୟ ପରିଚାଳନା କମିଟିର ସଭାପତି ପ୍ରଶାନ୍ତ କୁମାର ତ୍ରିପାଠୀଙ୍କ ସଭାପତିତ୍ୟରେ ମୁଖ୍ୟଅତିଥି ରୂପେ ଓଡିଶା ବିଧାନସଭାର ବାଚସ୍ପତି ସୁରମା ପାଢ଼ୀ ଯୋଗଦେଇଥିବା ବେଳେ ମୁଖ୍ୟବକ୍ତା ଅଜିତ୍ କୁମାର ପଟ୍ଟନାୟକ ଓ ସମ୍ମାନୀୟ ଅତିଥିଭାବରେ ସ୍ଥାନୀୟ ସରପଞ୍ଚ ଚିତ୍ତ ରଞ୍ଜନ ପ୍ରଧାନ,
ସମିତ ସଭ୍ୟ ତପନ କୁମାର ପ୍ରଧାନ,ସମ୍ପାଦକ ଗୌର ଚରଣ ସାମନ୍ତ ସିଂହାର ଓ ପ୍ରଧାନ ଆଚାର୍ଯ୍ୟ ବିଚିତ୍ର କୁମାର ରଥ ଯୋଗଦେଇଥିଲେ। ପ୍ରଥମେ ଜଗନ୍ନାଥଙ୍କ ଫଟୋ ଚିତ୍ରରେ ଧୂପ ଦୀପ ନୈବେଦ୍ୟ ଦେଇ ଜଗନ୍ନାଥ ଜଣାଣ ପିଲାମାନଙ୍କ ଦ୍ୱାରା ଗାନ କରାଯାଇ ମଞ୍ଚ ସଂଚାଳନ କରାଯାଇଥିଲା ।
ମୁଖ୍ୟବକ୍ତା ଅଜିତ୍ କୁମାର ପଟ୍ଟନାୟକ ନିଜ ବକ୍ତବ୍ୟରେ ମାଆ ହେଉଛନ୍ତି ଆଦ୍ୟ ଗୁରୁ, ବାପା ଏବଂ ଗୁରୁ ଓ ଗୁରୁଜନଙ୍କ ଆଶିର୍ବାଦରେ ଶିଶୁଟି ଆଦର୍ଶ ଓ ସୁନ୍ଦର ମଣିଷ ହୋଇଥାଏ ଓ ସାଧନାରୁ ସିଦ୍ଧି ପାଇ ଥାଏ ବୋଲି କହିଥିଲେ ।
ମୁଖ୍ୟଅତିଥି ଶ୍ରୀମତୀ ପାଢୀଙ୍କ ଦ୍ଵାରା ଦଶମ ଶ୍ରେଣୀରେ ପ୍ରଥମ ସ୍ଥାନ ଅଧିକାର କରିଥିବା ଶ୍ରିଆଶ୍ରୀ ସାହୁ ଏବଂ ଏଥିସହ ଶ୍ରେଣୀରେ ପ୍ରଥମ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀମାନଙ୍କୁ ପ୍ରମାଣ ପତ୍ର ସହିତ ଟ୍ରଫି ପ୍ରଦାନ କରାଯାଇଥିଲା ।
ଗୁରୁଜୀ ପ୍ରଶାନ୍ତ ଚିନରା , ମାନସ କୁମାର ସାହୁ ଓ ସମସ୍ତ ଗୁରୁଜୀ ଗୁରୁମା ମଞ୍ଚ ପରିଚାଳନାରେ ସାହାଯ୍ୟ କରିଥିଲେ । ଏହି ବାର୍ଷିକ ଉତ୍ସବର ମୁକ୍ତକାଶ ରଙ୍ଗ ମଞ୍ଚରେ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ରୋମାଞ୍ଚକର ରଙ୍ଗାରଙ୍ଗ ମନୋରଞ୍ଜନ ଧର୍ମୀ ଓ ଆକର୍ଷଣୀୟ ସଂସ୍କୃତିକ କାର୍ଯ୍ୟକ୍ରମରେ ୩ହଜାରରୁ ଉର୍ଦ୍ଧ ଦର୍ଶକ ଓ ଅଭିଭାବକମାନେ ମନଭରି ଉପଭୋଗ କରିଥିଲେ ।
