ବାଆଁରା ସୁବୁଦ୍ଧେଶ୍ୱର ମିଳିିତ ବିଦ୍ୟାପୀଠର ବାର୍ଷିକ କ୍ରୀଡା ଉଦ୍‌ଯାପିତ

୧୪ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :- ଡମପଡ଼ା ବ୍ଲକ ଅନ୍ତର୍ଗତ ବାଆଁରା ସୁବୁଦ୍ଧେଶ୍ୱର ମିଳିତ ବିଦ୍ୟାପୀଠର ୧୯ତମ ବାର୍ଷିକ କ୍ରୀଡା ଉତ୍ସବ ଆଜି ଉଦ୍‌ଯାପିତ ହୋଇଯାଇଛି । ମୁଖ୍ୟଅତିଥି ଭାବେ ଜିଲ୍ଲାପରିଷଦ ସଦସ୍ୟ ଆଶିଷ କୁମାର ସାହୁ , ସମ୍ମାନିତ ଅତିଥି ଭାବେ ଏ.ବି.ଇ.ଓ ପ୍ରଫୁଲ୍ଲ କୁମାର ବେହେରା, ସି.ଆର.ସି.ସି ଚକ୍ରଧର ପ୍ରଧାନ, ସରକାରୀ ଉଚ୍ଚପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ବିରେନ୍ଦ୍ର କୁମାର ଦାସ ପ୍ରମୁଖ ଯୋଗଦାନ କରି ଖେଳାଳୀମାନଙ୍କୁ ଉତ୍ସାହିତ କରିଥିଲେ ।ବରିଷ୍ଠ ଶିକ୍ଷକ ଗୁରୁଚରଣ ବେହେରା ସଭାପତିତ୍ୱ କରିଥିବା ବେଳେ ଶିକ୍ଷକ ଗୋଲକ ବିହାରୀ ପାତ୍ର ସ୍ୱାଗତ ଭାଷଣ ଦେଇଥିଲେ । ଚଳିତ ବର୍ଷ ବାଳକ ବିଭାଗରେ ଦେବଜ୍ୟୋତି ସାହୁ ଓ ବାଳିକା ବିଭାଗରେ ବିପାସା ଦିଗଦର୍ଶିନୀ ପ୍ରିୟଙ୍କା ଜେନା ଚମ୍ପିୟାନ ଆଖ୍ୟ ଅର୍ଜନ କରିଥିଲେ । କ୍ରୀଡା ଶିକ୍ଷକ ପ୍ରମୋଦ କୁମାର ରାଉତ, ସାବିତ୍ରୀ ବରାଳ, ସନ୍ତୋଷ କୁମାର ମୁଦୁଲି, ସ୍ନ୍‌ିଗ୍ଧା ମହାନ୍ତି, ଜ୍ୟୋସ୍ôନା ସାମନ୍ତ ସିଂହାର, ଅନୁସୂୟା ପୃଷ୍ଟି, କ୍ଷୀରୋଦିନୀ ମହାନ୍ତି ପ୍ରମୁଖ କ୍ରୀଡା ପରିଚାଳନା କରିଥିଲେ, ଶେଷରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିଚାଳନା କରିଥିଲେ ।