“ସ୍ଵଚ୍ଛତା ପଖୱ।ଡା” ଅନ୍ତର୍ଗତ ଖୋର୍ଦ୍ଧା ରୋଡ଼ ମଣ୍ଡଳ ଦ୍ୱାରା ବିଭିନ୍ନ ପରିଷ୍କାର ପରିଚ୍ଛନ୍ନତା କାର୍ଯକ୍ରମ : ସ୍ଵଚ୍ଛତା ପକ୍ଷ (ପଖୱାଡା) ସମାପନ

୧୫ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଖୋର୍ଦ୍ଧା-ଜଟଣୀ  :-> ଖୋର୍ଦ୍ଧାରୋଡ଼ ମଣ୍ଡଳ ୧ ଅକ୍ଟୋବରରୁ ୧୫ ଅକ୍ଟୋବର ୨୦୨୪ ପର୍ଯ୍ୟନ୍ତ “ସ୍ଵଚ୍ଛତା ପଖୱ।ଡା” ପାଳନ କରାଯାଇଛି । ରେଳଷ୍ଟେସନ୍, ରେଳ ପରିସର, ଟ୍ରେନ୍, ଅଫିସ୍, କ୍ୟାଣ୍ଟିନ, ଖାଦ୍ୟ ଷ୍ଟଲ୍ ଏବଂ ରେଳବାଇ ଆବାସିକ ଅଞ୍ଚଳରେ ସ୍ୱଚ୍ଛତା ଉପରେ ବିଶେଷ ଧ୍ୟାନ ଦିଆଯାଇଛି । ଦେଶକୁ ପରିଷ୍କାର – ପରିଛନ୍ନ ରଖିବା ସହ ମହାତ୍ମା ଗାନ୍ଧୀଜୀ ଙ୍କର ସ୍ୱଚ୍ଛ ତଥା ବିକଶିତ ଭାରତର ସ୍ୱପ୍ନକୁ ପୂରଣ କରିବା ପାଇଁ ସାଧାରଣ ଜନତାଙ୍କ ମଧ୍ୟରେ ସଚେତନତା ସୃଷ୍ଟି କରାଯାଇଛି । ସ୍ୱଚ୍ଛତା ପଖୱ।ଡା, ସ୍ୱଚ୍ଛତା ଶପଥ ସହିତ ଆରମ୍ଭ ହୋଇଥିଲା ।

ଖୋର୍ଦ୍ଧାରୋଡ଼ ମଣ୍ଡଳର ସମସ୍ତ ଅଧିକାରୀ ଏବଂ କର୍ମଚାରୀ ମାନେ, ନିଜକୁ ସ୍ୱଚ୍ଛ ରଖିବା ପାଇଁ ଏବଂ ସାଧାରଣ ଜନତାଙ୍କୁ ସ୍ୱଚ୍ଛତା ପ୍ରତି ଉତ୍ସାହିତ କରିବା ପାଇଁ ସ୍ୱଚ୍ଛତା ଶପଥ ଗ୍ରହଣ କରିଥିଲେ ।  ଏହି ୧୫ ଦିନିଆ ଅଭିଯାନରେ ବିଭିନ୍ନ ପରିଷ୍କାର ପରିଚ୍ଛନ୍ନତା କାର୍ଯ୍ୟକଳାପ କରାଯାଇଛି।ସମସ୍ତ ଅଧିକାରୀ ଏବଂ କର୍ମଚାରୀଙ୍କ ଦ୍ଵାରା, ଜନ ଭାଗିଦାରୀ ବାର୍ତ୍ତା ପଠାଇ, ସ୍ୱଚ୍ଛତା ଅଭିଯାନ କାର୍ଯକ୍ରମ କରାଯାଇଥିଲା, ଯାହାକି, ଜନସାଧାରଣଙ୍କ କଲ୍ୟାଣ ତଥା ପରିବେଶ ସ୍ୱଚ୍ଛତା ପାଇଁ ମଣ୍ଡଳର ପ୍ରତିବଦ୍ଧତାକୁ ପ୍ରତିଫଳିତ କରୁଛି।

“ସ୍ଵଚ୍ଛ ଷ୍ଟେସନ୍” ଅଧୀନରେ ସମସ୍ତ ପ୍ଲାଟଫର୍ମ, ୱେଟିଂ ହଲ୍, ଡୋର୍ମିଟରୀ, ରିଟେରିଙ୍ଗ ରୁମ୍, ପାର୍ସଲ୍ ଅଫିସ୍, ଟ୍ରାକ୍ ଇତ୍ୟାଦିରେ ପରିଷ୍କାର ପରିଚ୍ଛନ୍ନତା ଉପରେ ବିଶେଷ ଧ୍ୟାନ ଦିଆଯାଇଥିଲା। “ସ୍ଵଚ୍ଛ ରେଳଗାଡ଼ି” ଅଧୀନରେ କୋଚ, ଶୌଚାଳୟ, ୱାଶ ବେସିନ୍ ଇତ୍ୟାଦିର ପରିଷ୍କାରତା ଯାଞ୍ଚ କରାଯାଇଥିଲା। ଯାତ୍ରୀମାନଙ୍କୁ ସୁସ୍ଥ ପରିବେଶ ଯୋଗାଇବା ପାଇଁ ପାନ୍ଟ୍ରି କାର୍ କର୍ମଚାରୀ ଏବଂ ଅନବୋର୍ଡ ହାଉସ୍ କିପିଂ ଷ୍ଟାଫ୍ (ଓ ବି ଏଚ ଏସ୍) କର୍ମଚାରୀଙ୍କୁ ପରାମର୍ଶ ଦିଆଯାଇଥିଲା। ଟ୍ରେନରେ ଦିଆଯାଇଥିବା ସ୍ଵଚ୍ଛତା ସେବା ଉପରେ ଯାତ୍ରୀ ମାନଙ୍କ ଠାରୁ ମତାମତ ନିଆଯାଇଥିଲା।

ସ୍ୱଚ୍ଛତା ପଖୱ।ଡା ସମୟରେ ଯାତ୍ରୀ ତଥା ସାଧାରଣ ଜନତାଙ୍କ ମଧ୍ୟରେ ସଚେତନତା ସୃଷ୍ଟି, କରିବା ପାଇଁ, ଷ୍ଟେସନରେ, ନୁକ୍କଡ୍ ନାଟକ, ଜିଙ୍ଗଲ୍ସ,, ବ୍ୟାନର ପ୍ରଦର୍ଶନ, ସୂତା ବ୍ୟାଗ ବଣ୍ଟନ ଇତ୍ୟାଦି କରଯାଇଥିଲା। ଖୋର୍ଦ୍ଧାରୋଡ଼ ମଣ୍ଡଳ ରେଳ ପ୍ରବନ୍ଧକ, ଶ୍ରୀ ଏଚ୍.ଏସ୍.ବାଜୱା, ରେଳ ଷ୍ଟେସନ ଏବଂ ଟ୍ରେନରେ ପରିଷ୍କାର ପରିଚ୍ଛନ୍ନତା ପାଇଁ ନିରନ୍ତର ଉଦ୍ୟମ କରାଯିବ ବୋଲି କହିଛନ୍ତି। ରେଳ ପରିସରରେ ସ୍ୱଚ୍ଛତା ବଜାୟ ରଖିବାରେ ରେଳବାଇକୁ ସାହାଯ୍ୟ କରିବାକୁ ସେ ସମସ୍ତ ରେଳ ବ୍ୟବହାର କାରୀଙ୍କୁ ଅନୁରୋଧ କରିଛନ୍ତି ।