ରାଜନେତା ଙ୍କ ସହିତ ଭାବ ପୀରତି ରଖି ଆସର ଜମାଇଛନ୍ତି ଦୁର୍ନୀତିଗ୍ରସ୍ତ ଅଧିକାରୀ – ସଂଗ୍ରାମ 

କୃଷକ ମାନଙ୍କ ପେଟରେ ଲାତ ମାରି ଅର୍ଥ ଏକତ୍ରିତ କରୁଛନ୍ତି : କୃଷି ଓ କୃଷକ ସଶକ୍ତିକରଣ ବିଭାଗର ଅଧିକାରୀ

୧୦ ଜୁଲାଇ ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ରଣପୁର  :->  ରଣପୁର କୃଷି ଓ କୃଷକ ସଶକ୍ତିକରଣ ବିଭାଗର ଅଧିକାରୀ ସଂଗ୍ରାମ କୁମାର ସେନାପତି ଦୀର୍ଘ ୬ ବର୍ଷ ଧରି କୋଳି ଖାଇ ମଞ୍ଜି ପୋତିଲା ଭଳି ସରକାରୀ ପଦପଦବୀକୁ ଜବରଦଖଲ କରିଥିବା ଅଭିଯୋଗ ହେଉଥିବା ଶୁଣାଯାଉଛି । ତେବେ ରଣପୁରର କୃଷି ବିଭାଗ ଅଧିକାରୀ ଙ୍କ ଜବରଦଖଲ କୁ ନେଇ କୃଷକ ଓ ଜନସାଧରଣ ଚିନ୍ତାରେ । ଗତ କିଛି ମାସ ତଳେ ଜୁନ୍ ୭ ତାରିଖ ଓ ଚିଠି ସଂଖ୍ୟା ୧୧୮୦୫ ଅନୁସାରେ ଦୁର୍ନୀତିଗ୍ରସ୍ତ ଅଫିସରଙ୍କର ଗଞ୍ଜାମ ଜିଲ୍ଲା ଭଞ୍ଜନଗର ବ୍ଲକ କୁ ବଦଳି ହୋଇଯାଇଥିଲେ ହେଁ ଆଜି ସୁଦ୍ଧା ରଣପୁର ରେ ନିଜର ଆଧିପତ୍ୟ ବିସ୍ତାର କରିଥିବା ଜଣା ପଡ଼ିଛି ।

ସୂଚନାନୁସାରେ ଉକ୍ତ ଅଧିକାରୀ ଙ୍କ ଘର ଖୋଦ୍ ରଣପୁର ବ୍ଲକ୍ ହୋଇଥିବା କାରଣ ଓ କିଛି କୁଜି ନେତାମାନଙ୍କ ବଳରେ ନିଜକୁ ଜଣେ ସୁଶକ୍ତ ଅଧିକାରୀ ବୋଲି ପ୍ରତିକ୍ରିୟା ମଧ୍ୟ ଦେଉଥିବା ଅଭିଯୋଗ ହେଉଛି । ଅଭିଯୋଗଅନୁସାରେ ରାଜ୍ୟ ସରକାର ଅବା କେନ୍ଦ୍ର ସରକାରଙ୍କ ଅନ୍ତର୍ଗତ ଛୋଟ ବଡ ଯୋଜନା ଗୁଡିକ କୃଷକଙ୍କ ହସ୍ତକ୍ଷେପ ହେଉନଥିବା ବେଳେ କୃଷି ଉପଯୋଗୀ ସାମଗ୍ରୀ କୁ ବେଆଇନ ଭାବେ ବେପାର ରେ ଲଗାଇ ଆୟ ବର୍ହିଭୁତ ଅର୍ଥ ଜମା କରିବାରେ ଲାଗିଛନ୍ତି । କୃଷି ଉପଯୁକ୍ତ ଯୋଜନା ଅବା ଅର୍ଥ ହିତାଧିକାରୀ ଙ୍କ ପର୍ଯ୍ୟନ୍ତ ପହଞ୍ଚି ପାରୁନଥିବା ବେଳେ କୃଷକ ମାନଙ୍କୁ ବହୁଳ ଅସୁବିଧାର ସମ୍ମୁଖୀନ ହେବାକୁ ପଡୁଛି ।

କୃଷକ ମାନଙ୍କ ମତରେ ଦୀର୍ଘ ବର୍ଷ ଧରି ଅଧିକାରୀ ଙ୍କ ଜରିଆରେ ସରକାରୀ ସାହାଯ୍ୟ ପାଇବାରୁ ବଞ୍ଚିତ ହୋଇଆସୁଛନ୍ତି । ସାରା ଦେଶରେ କୃଷି ଓ କୃଷକ ଆମ ଭଳି ମନୁଷ୍ୟ ମାନଙ୍କର ଏକ ଅବିଚ୍ଛେଦ୍ୟ ଅଙ୍ଗ ହୋଇଥିବା ବେଳେ ତାଙ୍କ ପ୍ରତି ହେଉଥିବା ଅବହେଳା ଏକ ନିନ୍ଦନୀୟ ଘଟଣା ବୋଲି ଚର୍ଚ୍ଚା ଜୋର ଧରିଛି । ବଦଳି ନିର୍ଦ୍ଦେଶନାମା ପରେ ଦୁର୍ନୀତିଗ୍ରସ୍ତ ଅଧିକାରୀଙ୍କୁ ରଣପୁରରୁ ହଟାଇବା ପାଇଁ ଅଣ୍ଟା ଭିଡିଛନ୍ତି କୃଷକ ସଂଘ । ରଣପୁରରେ ଦୁର୍ନୀତିମୁକ୍ତ କୃଷି ଓ କୃଷକ ସଶକ୍ତକରଣ ବିଭାଗ କରାଇବା ପାଇଁ ଆନ୍ଦୋଳନ ଜାରି ରଖିଛନ୍ତି ଓ ଉକ୍ତ ଅଧିକାରୀ ଙ୍କ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ନେଇ ଦାବି ରଖିଛନ୍ତି ।