ବ୍ଳକସ୍ତରୀୟ ସୁନେତ୍ର କାର୍ଯ୍ୟକ୍ରମ ଉଦଯାପନ

୧୭ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ଆର, ଉଦୟଗିରି  :-> ଗଜପତି ଜିଲ୍ଲା ଆର,ଉଦୟଗିରି ବ୍ଳକସ୍ତରୀୟ ସୁନେତ୍ର ଶୁକ୍ରବାର ଉଦଯାପନ ହୋଇଯାଇଛି । ଶୁକ୍ରବାର ସ୍ଥାନୀୟ ଗୋଷ୍ଠୀଶିକ୍ଷାଧିକାରୀ କାର୍ଯ୍ୟାଳୟ ଠାରେ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଏବଂ ବିଇଓଙ୍କ ମିଳିତ ତତ୍ତ୍ବାବଧାନରେ ସୁନେତ୍ର ୨୦୨୩ ଅନୁଷ୍ଠିତ ହୋଇଯାଇଛି । ଅଯିତ୍ବ ଦୂରୀକରଣ ନିମନ୍ତେ ନେତ୍ର ପରୀକ୍ଷା କରାଯାଇ ଅଶୁ ସମାଧାନ ପୂର୍ବକ ଚଷମା ପ୍ରଦାନ ନିମନ୍ତେ ଲକ୍ଷରଖି ଊକ୍ତ କାର୍ଯ୍ୟକ୍ରମର ସଫଳ ରୂପାୟନ ନିମନ୍ତେ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧିକାରୀ ଡ. ଶକ୍ତି ପ୍ରସାଦ ପଟ୍ଟନାୟକ, ବିଇଓ ବିରେନ୍ଦ୍ର ମଣ୍ଡଳ , ଏବିଇଓ ଯୁଧିଷ୍ଠିର ବେହେରା , ଶ୍ରୀନିବାସ ବେହେଦଳାଇ ଜନସ୍ବାସ୍ଥ୍ୟ ସଂପ୍ରସାରଣ ଅଧିକାରୀ ଶଶି,

ରୁବି ଆଇ ସ୍ବାସ୍ଥ୍ୟକେନ୍ଦ୍ର ବ୍ରହ୍ମପୁର ଚକ୍ଷ୍ୟୁ ସହାୟକ ଭିଷ୍ମ ବେହେରା ଓ ସ୍ଥାନୀୟ ଚକ୍ଷ୍ୟୁ ସହୟକ ଜ୍ୟୋତି ରଞ୍ଜନ ନାୟକ ପ୍ରମୁଖ ଉପସ୍ଥିତିରେ ସଭାକାର୍ଯ୍ୟ ଅନୁଷ୍ଠିତ କରାଯାଇ ସ୍ଥାନୀୟ ନୋଡାଲ ଉର୍ଚ ପ୍ରଥମିକ ବିଦ୍ୟାଳୟ ପ୍ରଧାନ ଶିକ୍ଷକ ପ୍ରଦୀପ ପଣ୍ଡା ମଞ୍ଚାପରିଚାଳନ କରିଥିଲେ । ଗୋଷ୍ଠୀ ଶିକ୍ଷାଧିକାରୀ କାର୍ଯ୍ୟାଳୟର ବିଆରଟି ବିରଞ୍ଚି ନାରାୟଣ ଦାଶ ପରିଚାଳନା କରିଥିବା ବେଳେ ସମସ୍ତ କର୍ମକର୍ତା ସହଯୋଗ କରିଥିଲେ ।

ଏହି କାର୍ଯ୍ୟକ୍ରମ ୧୫ ତାରିଖରେ ଛେଳିଗଡ ଛାତ୍ରଛାତ୍ରୀ ୩୦୦,୧୬ ତାରିଖରେ ରାମଗିରି ଛାତ୍ରଛାତ୍ରୀ ୨୮୬ ଓ ଆର,ଉଦୟଗିରି ୨୭୫ ଜଣ ଓ ସମସ୍ତ କ୍ଲଷ୍ଟର ସ୍ଥରୀୟ CRCC, ବିଦ୍ୟାଳୟର ଶିକ୍ଷକ ଶିକ୍ଷୟିତୀ ଓ ଅଭିଭାବକ ଯୋଗ ଦେଇଥିଲେ । ସରକାରଙ୍କ ଏହି ପଦକ୍ଷେପକୁ ସାଧୁବାଦ ଜ୍ଞାପନ ପୂର୍ବରୁ ଚଷମା ପ୍ରଦାନ ନିମନ୍ତେ ଆଶୁ ପଦକ୍ଷେପ ଗ୍ରହଣ ନିମନ୍ତେ ଅଧିକାରୀଙ୍କୁ ଅବଗତ କରାଯାଉଥିଲା । ଏହି କାର୍ଯ୍ୟକ୍ରମ ଦ୍ବାରା ବ୍ଲକର ୧୬୦ ଛାତ୍ରଛାତ୍ରୀ ମାନଙ୍କୁ ଚଷମା ପାଇବାକୁ ଚିହ୍ନଟ କରାଯାଇଥିଲା ।