ଆମଦର୍ହ ଗାଁ ରେ ଶିକ୍ଷକ ଦାବି ରେ ସ୍କୁଲ ରେ ତାଳା ପକାଇ ଧାରଣା ରେ ବସିଲେ ଛାତ୍ରଛାତ୍ର ଓ ଅଭିଭାବକ

୫ ଅକ୍ଟୋବର ୨୦୨୩ (ଓଡ଼ିଶା ତାଜା ନ୍ୟୁଜ ) ପାଟଣାଗଡ଼ :-> ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଳକ ଘୁଚେପାଲି ପଞ୍ଚାୟତ ଆମଦର୍ହ ଗାଁ ଉଚ୍ଚ ପ୍ରାଥମିକ ବିଦ୍ୟାଳୟ‌ରେ ଶିକ୍ଷକ ଅଭାବକୁ ନେଇ ଛାତ୍ର ଛାତ୍ରୀ ଓ ଅଭିଭାବକ ମାନେ ସ୍କୁଲ ଗେଟ ରେ ତାଳା ପକାଇ ଧାରଣା ରେ ବସିଛନ୍ତି । ଖବର ପାଇ ବିଇଓ ଙ୍କ ନିର୍ଦ୍ଧେଶ କ୍ରମେ ସିଆରସିସି ଧାରଣା ସ୍ଥଳକୁ ପହଞ୍ଚି ଆସନ୍ତା କାଳି ଜଣେ ଶିକ୍ଷକ ଙ୍କୁ ଡେପୁଟେସନ ରେ ପଠାଯିବ ବୋଲି ପ୍ରତିଶୃତୀ ଦେଇଥିଲେ ।ଶିକ୍ଷକ ନିଯୁକ୍ତି ନ ହେବା ପର୍ଯ୍ୟନ୍ତ ଆନ୍ଦୋଳନ କାରୀ ମାନେ ଧାରଣା ରୁ ଉଠିବୁ ନାହି ବୋଲି ରୋକ ଠୋକ ମନାକରି ଦେଇଥିଲେ । ସୂଚନା ଅନୁସାରେ ଆମଦର୍ହ ଉଚ୍ଚପ୍ରାମିକ ବିଦ୍ୟାଳୟ ରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଥିବା ବେଳେ ୮୦ ଜଣ ଛାତ୍ରଛାତ୍ରୀ ଅଧ୍ୟୟନରତ ଅଋଛନ୍ତି ।

ସ୍କୁଲ ରେ ଦୁଇ ଜଣ ଶିକ୍ଷକ ଥିବାରୁ ପାଠପଢ଼ା ରେ ବ୍ୟାଘାତ ସୃଷ୍ଟି ହେଉଛି । ଏହି ସମସ୍ୟାର ସମାଧାନ ପାଇଁ ଅଭିଭାବକ ମାନେ ବ୍ଳକ ଓ ଜିଲ୍ଲା ଶିକ୍ଷାଧିକାରୀ ସମେତ ଉପଜିଲ୍ଲାପାଳ ଙ୍କୁ ଲିଖିତ ଭାବରେ ଅବଗତ କରାଇଥିଲେ ।ପ୍ରଶାସନ ସେମାନ ଙ୍କୁ ପ୍ରତିଶୃତି ଦେବା ସହ ଦିନ ଗଡ଼ାଇ ଆସୁଥିଲା । ଯାହାର ପ୍ରତିବାଦ ସ୍ବରୁପ ଆଜି ସ୍କୁଲ ର ଛାତ୍ର ଛାତ୍ରୀ ଓ ଅଭିଭାବକ ମାନେ ସ୍କୁଲ ଗେଟ ରେ ତାଳା ପକାଇ ଧାରଣାରେ ବସି ପଡିଥିଲେ ।

ଏହାବ୍ୟତୀତ ଏହି ସ୍କୁଲ ରେ ପାଇଖାନା ଓ ବିଦ୍ୟୁତ ସଂଯୋଗ ନଥିବାରୁ ଛାତ୍ରଛାତ୍ରୀ ମାନେ ଅନେକ ସମସ୍ୟାର ସମ୍ମୁଖିନ ହେଉଛନ୍ତି । ଖବର ଲେଖା ହେବା ପର୍ଯ୍ୟନ୍ତ ଧାରଣ ଜାରି ରହିଥିବା ବେଳେ ଏହିସବୁ ସମସ୍ୟାର ସମାଧାନ ନ ହେବା ପର୍ଯ୍ୟନ୍ତ ସ୍କୁଲକାର୍ଯ୍ୟ ବନ୍ଦ‌ରହିବ ବୋଲି ଅଭିଭାବକ ମାନଙ୍କ ଠାରୁ ଜଣାପଡିଛି । ଏନେଇ ବିଇଓ ଶଙ୍କର ପ୍ରସାଦ ମାଝୀ ଙ୍କୁ ପଚାରିବାରୁ ଆସନ୍ତି କାଲି ଜଣେ ଶିକ୍ଷକ ଙ୍କୁ ଡେପୂଟେସନ ରେ ପଠାଇବା ସହ ଖୁବ୍ ଶିଘ୍ର ପାଇଖାନା ର ବ୍ୟବସ୍ଥା ସହ ବିଦ୍ୟୁତ ସଂଯୋଗ କରାଯିବ ବୋଲି କହିଥିଲେ । ଏଥିପ୍ରତି ପ୍ରତୀ ଜିଲ୍ଲାପାଳ ଦୃଷ୍ଟିଦେବାକୁ ଅଭିଭାବକ ମାନେ ଦାବି କରିଛନ୍ତି ।