ଦଳୀୟ ନୁହେଁ ସାଧାରଣ ଲୋକଙ୍କ ପାଇଁ ପାଳିତ ହେଉ ଉତ୍ସବ – ରଣପୁରବାସୀ
୧୩ ମାର୍ଚ୍ଚ ,୨୦୨୩ (ଓଡ଼ିଶା ତାଜାନ୍ୟୁଜ ) ରଣପୁର :- ଚଳିତ ବର୍ଷ ରଣପୁରରେ ଜନସାଧାରଣଙ୍କ ଦର୍ଶନ ପାଇଁ ପାଳିତ ହୋଇଯାଇଛି ପଞ୍ଚୁଦୋଳ । ଶତାଧିକ ଭକ୍ତଙ୍କ ଗହଳିରେ ବଡଦାଣ୍ଡ ଉଛୁରି ପଡ଼ୁଥିବା ବେଳେ ପରମ୍ପରା ଭାଙ୍ଗିବାକୁ ନେଇ ତୀବ୍ର ଅସନ୍ତୋଷ ଦେଖିବାକୁ ମିଳିଛି । ଏନ୍ଏସି ଅଧ୍ୟକ୍ଷା ତାଙ୍କ ସେନା ବାହିନୀ ଙ୍କ ପ୍ରମୁଖ ଉପସ୍ଥିତି ଓ ସାଂସଦ ପ୍ରତିନିଧିଙ୍କ ନିର୍ଦ୍ଦେଶ କ୍ରମେ ପଞ୍ଚୁଦୋଳ ପାଳିତ ହୋଇଥିବା ଦେଖିବାକୁ ମିଳିଥିଲା । 
ଚଳିତ ବର୍ଷ ରାଜନୈତିକ ଦଳର ହସ୍ତକ୍ଷେପ ରେ ସାଧାରଣ ଜନତା ହଇରାଣ ହନ୍ତସନ୍ତ ହୋଇଥିବା ମଧ୍ୟ ଦେଖାଯାଇଥିଲା । ଜନ ଗହଳି ଓ ଟ୍ରାଫିକ ବ୍ୟବସ୍ଥା କୁ ନିୟନ୍ତ୍ରଣ କରିବା ପାଇଁ ପୋଲିସ ପ୍ରଶାସନ ପକ୍ଷରୁ କଡାକଡି ନିୟମ ଓ ବ୍ୟାପକ ବ୍ୟବସ୍ଥା କରାଯାଇଥିଲା ଯାହାକୁ ନିଜେ ସାଂସଦ ପ୍ରତିନିଧି ଚେୟାରମ୍ୟାନ ଙ୍କ ଅନୁରୋଧ କ୍ରମେ ଜିଲ୍ଲା ପ୍ରେସିଡେଣ୍ଟ ଙ୍କ ଗାଡ଼ିକୁ ନିୟମଚ୍ୟୁତ କରାଇ ପଞ୍ଚୁଦୋଳ ପଡିଆ ରେ ପାର୍କିଂ କରିବାକୁ ଛାଡ଼ି ଦିଆଯାଇଥିଲା । ଏଥିରେ ଭକ୍ତ ମାନଙ୍କ ଭୀଷଣ ଗହଳି ପରିଲକ୍ଷିତ ହୋଇଥିଲା ।
ସୂଚନାଯୋଗ୍ୟ ଯେ ଅନ୍ୟ ଗାଡ଼ି ମାନଙ୍କୁ ରାସ୍ତା ଛାଡୁନଥିବା ବେଳେ ବିଜେଡ଼ି ନେତା ଙ୍କ ଗାଡ଼ି କୁ ସ୍ଵାଗତ କରି ପଡିଆ ଭିତରେ ରଖିବା ପାଇଁ କିପରି ଅନୁମତି ପ୍ରଦାନ କରାଗଲା ସାଧାରଣ ରେ ପ୍ରଶ୍ନବାଚୀ ସୃଷ୍ଟି ହୋଇଛି । କାହିଁକି କରାଗଲା ନିୟମ ଭଙ୍ଗ ? 
ପ୍ରସ୍ତୁତି ବୈଠକ ବେଳେ ନିଜେ ଅଧକ୍ଷା ନିୟମ ଜାରି କରି ଦଳୀୟ ନେତା ଙ୍କ ପାଇଁ ନିୟମ ଭଙ୍ଗ କଲେ ତେବେ ଏଠି ସାଧାରଣରେ ପ୍ରଶ୍ନ ଉଠୁଛି ନିୟମ ଟା କଣ କେବଳ ଜନସାଧାରଣ ଙ୍କ ପାଇଁ ଥିଲା କି ?
ରଣପୁର ଭଳି ଗଡଜାତ ଅଞ୍ଚଳର ଚଳନ୍ତି ପ୍ରତିମା ମହାରାଜା ସର୍ବେସର୍ବା ହୋଇକି ପଞ୍ଚୁଦୋଳରେ ଉପସ୍ଥିତ ନଥିବା ବେଳେ ଅପରପକ୍ଷରେ ଦେଖା ଦେଇଥିଲା ବିଜେଡି ନେତା ଙ୍କ ଭିଡ .. ସାଧାରଣରେ ବିଧାୟକ ଙ୍କୁ ଛାଡି ଜିଲ୍ଲା ପ୍ରେସିଡେଣ୍ଟ ଙ୍କ ପାଖରେ କର୍ମୀ ଓ ନେତାଙ୍କର ଗହଳି ଦେଖିବାକୁ ମିଳିଥିଲା । ତେବେ ଅନ୍ୟ ଅଞ୍ଚଳ ରୁ ଆସିଥିବା ଲୋକଙ୍କ ଠାରେ ଅସଂତୃଷ୍ଟ ଦେଖା ଦେଇଥିଲା ବେଳେ ଦୋଳ ପ୍ରତ୍ୟାଗମନ ସମୟରେ ବ୍ୟତିକ୍ରମ ଭିତ୍ତିକ ପରମ୍ପରା ଭଙ୍ଗ ପଞ୍ଚୁଦୋଳ ବ୍ୟବସ୍ଥାକୁ ନେଇ ଯୁବ ନାଗରିକ ଓ ଜନସାଧାରଣ ଙ୍କ ଠାରେ ଅସନ୍ତୋଷ ପ୍ରକାଶ ପାଇଛି । 
ଗତ ରାତି ରେ ହୋଇଥିବା ମେଳଣ ଓ ପଞ୍ଚୁଦୋଳ ବ୍ୟବସ୍ଥା ରେ ଖଇଚା ହୋଇଥିବାରୁ ସାଂସଦ ପ୍ରତିନିଧି ଙ୍କ ସହ ସାଧାରଣ ଲୋକଙ୍କ ର ବଚସା ହୋଇଥିଲା ଯାହାକି ପୋଲିସର ହସ୍ତକ୍ଷେପ ପରେ ସମାଧାନ ହୋଇଥିବା ଜଣା ଯାଇଛି । ତେବେ ଆଗକୁ ଏଭଳି ଜନସ୍ଵାର୍ଥ ନିହିତ କାର୍ଯ୍ୟକ୍ରମ ରେ ରାଜନୈତିକ ଦଳର ଭାରି ପ୍ରଭାବ ନ ପକାଇବା ପାଇଁ ସାଧାରଣ ରେ ଚର୍ଚ୍ଚା ହେଉଛି ।
