Home ଓଡ଼ିଶା ଆନନ୍ଦପୁର ଡିଗ୍ରୀ କଲେଜରେ ପୁରାତନ ଛାତ୍ର ସ୧ିଳନୀ ନିଜ ଅନୁଷ୍ଠାନର ବିକାଶରେ ସାମିଲ ହୁଅ by Proprietor by Abhimanyu Maharana 1 year ago Share on FacebookShare on TwitterWhatsapp ୧୧ ଫେବୃଆରୀ,ଶନିବାର ,୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନେଶ୍ୱର :- କେନ୍ଦୁଝର ଜିଲ୍ଲା ଆନନ୍ଦପୁର ଡିଗ୍ରୀ କଲେଜରେ ଶୁକ୍ରବାର ‘ମୋ କଲେଜ ଅଭିଯାନର’ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା । ଏଥିରେ ପୁରାତନ ଛାତ୍ରଛାତ୍ରୀ, ଅଧ୍ୟାପକ, ଅଧ୍ୟାପିକ ଓ ବର୍ତ୍ତମାନର ଛାତ୍ରଛାତ୍ରୀ ଯୋଗ ଦେଇଥିଲେ । ଏହି ଅବସରରେ ଅତିଥି ଭାବେ ‘ମୋ କଲେଜ’ର ଅଧ୍ୟକ୍ଷ ଶ୍ରୀ ଆକାଶ ଦାସନାୟକ ଯୋଗ ଦେଇ ପୁରାତନ ଛାତ୍ରଛାତ୍ରୀଙ୍କୁ ନିଜ ଅନୁଷ୍ଠାନ ସହ ସାମିଲ ହୋଇ ଏହାର ବିକାଶ କରିବାକୁ ପ୍ରେରଣା ଦେଇଥିଲେ । କାର୍ଯ୍ୟକ୍ରମରେ ଶ୍ରୀ ଦାସନାୟକ କହିଥିଲେ, ଶିକ୍ଷାନୁଷ୍ଠାନର ମୂଳଦୁଆ ହେଉଛନ୍ତି ଛାତ୍ରଛାତ୍ରୀ ଓ ପୁରାତନ ଛାତ୍ରଛାତ୍ରୀ । ସେମାନଙ୍କ ସଫଳତାରେ ହିଁ ଶିକ୍ଷାନୁଷ୍ଠାନର ସଫଳତା ଜଡ଼ିତ । ଆଉ ସେମାନଙ୍କୁ ନେଇ ଶିକ୍ଷାନୁଷ୍ଠାନ ଗର୍ବ କରିଥାଏ । ଛାତ୍ରଛାତ୍ରୀମାନେ ଏହି ଶିକ୍ଷାନୁଷ୍ଠାନରୁ ଶିକ୍ଷା ଗ୍ରହଣ କରି ନିଜର ଭବିଷ୍ୟତ ଗଢ଼ିଛନ୍ତି । ବର୍ତ୍ତମାନ ସମୟ ଆସିଛି ସେମାନେ ନିଜ ଶିକ୍ଷାନୁଷ୍ଠାନକୁ ଫେରନ୍ତୁ । ଏହାର ବିକାଶରେ ସାମିଲ ହୁଅନ୍ତୁ । ଆର୍ଥିକ ଭାବେ ହେଉ କି ବୌଦ୍ଧିକ ଭାବେ ହେଉ ଏହାର ଉନ୍ନତି ପାଇଁ ସହାୟତା କରିବାକୁ ସେ ସମସ୍ତ ଛାତ୍ରଛାତ୍ରୀଙ୍କୁ ଆହ୍ୱାନ କରିଥିଲେ । ଏହା ସହ ସେ ‘ମୋ କଲେଜ ଅଭିଯାନ’ର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ କହିଥିଲେ ।ଏହି ସ୧ିଳନୀରେ କଲେଜର ଅଧ୍ୟକ୍ଷ ଡ. ନାରାୟଣ ମିଶ୍ର ସ୍ୱାଗତ ଭାଷଣ ଦେଇଥିଲେ । କଲେଜର ଉନ୍ନତି ପାଇଁ ପୁରାତନ ଛାତ୍ରଛାତ୍ରୀଙ୍କ ଅବଦାନ ବିଷୟରେ ସେ ଉଲ୍ଲେଖ କରିଥିଲେ । ମୋ କଲେଜର ସଂଯୋଜକ ରଘୁଦୀପ୍ତ ନାୟକ କାର୍ଯ୍ୟକ୍ରମର ସଂଯୋଜନା କରିଥିଲେ । ପୁରାତନ ଛାତ୍ର ପରିଷଦର ସଭାପତି ରାମଚନ୍ଦ୍ର ସୁରଙ୍କ ସମେତ ୪୫ରୁ ଅଧିକ ପୁରାତନ ଛାତ୍ରଛାତ୍ରୀ, ୪୦ଜଣ କର୍ମକର୍ତ୍ତା ଓ ବର୍ତ୍ତମାନ ଶିକ୍ଷାଗ୍ରହଣ କରୁଥିବା ଶତାଧିକ ଛାତ୍ରଛାତ୍ରୀ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ । Categories: ଓଡ଼ିଶା, ମହାନଗର, ଯାଜପୁର, ହୋମ୍ Related Content ସମୀର ସମର୍ଥକଙ୍କ ବିଜେଡ଼ି ଦଳରୁ ସମୂହ ଇସ୍ତଫା by Proprietor by Abhimanyu Maharana May 5, 2024 ନାମାଙ୍କନ ପତ୍ର ଦାଖଲ କଲେ ରୁଦ୍ର ପ୍ରତାପ ମହାରଥୀ by Proprietor by Abhimanyu Maharana May 5, 2024 ଛୋଟ ଏକ ପ୍ରୟାସ ସେବାସଂଘ ପକ୍ଷରୁ ବୃଦ୍ଧାଶ୍ରମକୁ ସହାୟତା by Proprietor by Abhimanyu Maharana May 4, 2024 ଏକାମ୍ର ରେ ଅଶୋକ, ମନ୍ମଥଙ୍କ ପଦଯାତ୍ରା, ମଟର ସାଇକେଲ ରାଲି ଓ ସାଧାରଣ ସଭା by Proprietor by Abhimanyu Maharana May 4, 2024 ଗଜପତି ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ହାଣ୍ଡି ଓ ମାଠିଆ ଧରି ମହିଳାଙ୍କ ବିକ୍ଷୋଭ by Proprietor by Abhimanyu Maharana May 4, 2024 ମୋହନା ନିର୍ବାଚନ ମଣ୍ଡଳୀରେ ବିଜେଡିର ଶକ୍ତି ପ୍ରଦର୍ଶନ ନିର୍ବାଚନ ପ୍ରଚାର by Proprietor by Abhimanyu Maharana May 4, 2024