Home Uncategorized ୧୦୮ ଗରା ଜଳ ସ୍ନାନ କରି ଶ୍ରୀବିଗ୍ରହ ମାନେ ଜ୍ବରରେ ପୀଡ଼ିତ : ଶ୍ରୀମନ୍ଦିର ରେ ପାଳିତ ହେଉଛି ଶ୍ରୀ ଜୀଉଙ୍କ ଗୁପ୍ତ ନୀତି by Proprietor by Abhimanyu Maharana 2 years ago Share on FacebookShare on TwitterWhatsapp ଓଡ଼ିଶା ତାଜା ନ୍ୟୁଜ୍ / ୧୬ ଗୁରୁବାର / ପୁରୀ :- ସ୍ନାନବେଦିରେ ୧୦୮ ଗରା ଜଳ ସ୍ନାନ କରି ଜ୍ବରରେ ପୀଡ଼ିତ ଶ୍ରୀବିଗ୍ରହ ମାନଙ୍କ ଗୁପ୍ତ ନୀତି ଆରମ୍ଭ ହୋଇଛି । ବୁଧବାର ଚତୁ୍ଦ୍ଧା ମୂର୍ତ୍ତିଙ୍କ ଅଣସର ପିଣ୍ଡରେ ସ୍ଵତନ୍ତ୍ର ନୀତି ପାଳନ ହେଉଛି । ଏହି ସମୟରେ ପିଣ୍ଡି ସମ୍ମୁଖରେ ପୂଜାଇବେ ପଟ୍ଟିଦିଅଁ । ଏଣୁ ମଙ୍ଗଳବାର ବିଳମ୍ବିତ ରାତିରେ ଶ୍ରୀମନ୍ଦିରକୁ ପଟ୍ଟିଦିଅଁ ବିଜେ ହେବା ପରେ ମହାପ୍ରଭୁଙ୍କ ସ୍ଵତନ୍ତ୍ର ଉପଚାର ନୀତି ଅନୁଷ୍ଠିତ ହେଉଅଛି । ଏହି ଦିନ ମାନଙ୍କ ରେ ଶ୍ରୀଜିଉମାନେ ଭକ୍ତମାନଙ୍କୁ ଦର୍ଶନ ଦେବେ ନାହିଁ । ବିଧି ଅନୁସାରେ ଜଗମୋହନ ରେ ବିଜେ ପଟ୍ଟି ଦିଅଁ ମାନଙ୍କୁ ଦର୍ଶନ କରି ପୂଜାର୍ଚ୍ଚନା କରିଥାନ୍ତି ଭକ୍ତ ମାନେ । ମହାପ୍ରଭୁ ଶ୍ରୀଜଗନ୍ନାଥଙ୍କ ସ୍ଥାନରେ ଶ୍ରୀ ନାରାୟଣ, ଦେବୀ ସୁଭଦ୍ରାଙ୍କ ସ୍ଥାନରେ ଭୁବନେଶ୍ବରୀ ଦେବୀ ଓ ବଡ଼ଠାକୁର ଶ୍ରୀବଳଭଦ୍ରଙ୍କ ସ୍ଥାନ ରେ ଅନନ୍ତ ବାସୁଦେବ ଙ୍କୁ ପଟ୍ଟି ଦିଅଁ ରୂପେ ପୂଜା କରାଯାଏ । ଶ୍ରୀ ନାରାୟଣଙ୍କ ସମ୍ମୁଖରେ ମଦନମୋହନ ଓ କୃଷ୍ଣ ବିଗ୍ରହ, ମା ଭୁବନେଶ୍ୱରୀଙ୍କ ସମ୍ମୁଖରେ ଭୂ ଦେବୀ ଅନନ୍ତ ବାସୁଦେବଙ୍କ ସମ୍ମୁଖରେ ଦୋଳଗୋବିନ୍ଦ ଓ ନୃସିଂହଙ୍କ ପ୍ରତିମୂର୍ତ୍ତି ଅଧିଷ୍ଠିତ ହୋଇଥାନ୍ତି । ସ୍ନାନ ମଣ୍ଡପ ରୁ ପହଣ୍ଡି ହୋଇ ଅଣସର ପିଣ୍ଡି ରେ ବିଜେ ହେବା ପରେ ଅଣସର ତାଟି ସମ୍ମୁଖରେ ପଟ୍ଟି ଦିଅଁ ପୂଜା ପାଇଛନ୍ତି । ମହାପ୍ରଭୁ ଙ୍କ ଚିତ୍ରକର ସେବକ ମାନେ ଅତ୍ୟନ୍ତ ଶୁଦ୍ଧପୂତ ଭାବେ ପଟ୍ଟି ଦିଅଁ ଙ୍କୁ ନିର୍ମାଣ କରିଥାନ୍ତି । ପରେ ଶ୍ରୀମନ୍ଦିର ପକ୍ଷରୁ ଛତି, କାହାଳୀର ପଟୁଆର ଯାଇ ପଟିଦିଅଁଙ୍କୁ ଆଣି ଶ୍ରୀ ମନ୍ଦିର ଜଗମୋହନ ରେ ବିଜେ କରାଯାଇଥିଲା । ଠାକୁରଙ୍କୁ ଜ୍ଵରରୁ ମୁକ୍ତି ପାଇଁ ୧୫ ଦିନ ପର୍ଯ୍ୟନ୍ତ ଚାଲିବ ଠାକୁର ଅନବସର କାଳୀନ ଗୁପ୍ତ ନୀତି । ମହାପ୍ରଭୁମାନଙ୍କୁ ଏହିଦିନ ମାନଙ୍କରେ ପଥି , ପାଚନ ଓ ଔଷଧର ଆବଶ୍ୟକତା ପଡ଼ିଥାଏ, ଠିକ୍ ସେହିପରି ଶ୍ରୀବିଗ୍ରହଙ୍କ ସେବା ଆରମ୍ଭ ହୋଇଥାଏ । ଯଥାଶୀଘ୍ର ସୁସ୍ଥ ହେବା ପାଇଁ ଦଇତାପତି ସେବକ ମାନେ ଠାକୁରଙ୍କ ଏହି ଗୁପ୍ତ ସେବାରେ ଚେରମୂଳି ରୁ ପ୍ରସ୍ତୁତ ବଟିକା ସମେତ ପଣା ଓ ଫଳମୂଳ ଅର୍ପଣ କରିଥାନ୍ତି । ଶ୍ରୀ ବିଗ୍ରହ ମାନେ ଜ୍ଵରରେ ପୀଡ଼ିତ ହେବା ପରେ ଭକ୍ତ ମାନେ ବ୍ରହ୍ମଗିରିସ୍ଥିତ ଅଲାରନାଥଙ୍କୁ ଦର୍ଶନ କରିବାର ବିଧି ରହିଛି । ଏବଂ ବୁଧବାର ଠାରୁ ଅଲାରନାଥ ଙ୍କ ଠାରେ ଭକ୍ତ ଙ୍କ ଭିଡ଼ ଲାଗିରହିଥିବା ଦେଖିବାକୁ ମିଳିଛି Categories: Uncategorized Related Content ଡଙ୍ଗରପଡା ଆଞ୍ଚଳିକ ପଲ୍ଲୀ ମହୋତ୍ସବ ଉଦଘାଟିତ by Proprietor by Abhimanyu Maharana April 30, 2024 ଚତୁର୍ଥ ଦିନରେ ବିଜେଡିର ଚକ୍ରମଣି ବିରାଟ ପଟୁଆରରେ ଆସି ପ୍ରାର୍ଥୀପତ୍ର ଦାଖଲ କଲେ01 by Proprietor by Abhimanyu Maharana April 30, 2024 ପ୍ରଥମ ଦିନରେରେ ୬ଜଣ ପ୍ରାର୍ଥୀଙ୍କ ନାମାଙ୍କନପତ୍ର ଦାଖଲ by Proprietor by Abhimanyu Maharana April 30, 2024 ମଧୁବାବୁଙ୍କ ୧୭୬ତମ ଜନ୍ମ ଜୟନ୍ତୀ:ଓକିଲ ଦିବସ ସମାରୋହ ସହକାରେ ପାଳିତ by Proprietor by Abhimanyu Maharana April 29, 2024 ଅଳ୍ପକେ ବର୍ଷିଲେ ଯାତ୍ରୀ : ବୁଢୀଶୀଳ ଘାଟିରେ ଖସିଲା ବସ୍ by Proprietor by Abhimanyu Maharana April 29, 2024 ଗଜପତି ଜିଲାର ବିଜେପି କାର୍ଯ୍ୟକାରୀ ସଭାପତି ହେଲେ ଶିବରାମ by Proprietor by Abhimanyu Maharana April 29, 2024