ଓଡ଼ିଶା ତାଜା ନ୍ୟୁଜ୍ ( ୨ ମାର୍ଚ୍ଚ ବୁଧବାର ) ନୂଆଗାଁ :- ନୟାଗଡ ଜିଲ୍ଲା ନୂଆଗାଁ ବ୍ଲକ୍ ରେ ଥିବା ୨୨ ଟି ପଞ୍ଚାୟତ ମଧ୍ୟରେ ସଦର ମହକୁମାରେ ଅବସ୍ଥିତ ନୂଆଗାଁ ପଞ୍ଚାୟତ । ୧୫ ଟି ୱାର୍ଡ କୁ ନେଇ ନୂଆଗାଁ ପଞ୍ଚାୟତ ଗଠିତ । ପ୍ରତି ପଞ୍ଚାୟତ ନିର୍ବାଚନ ରେ ଖାଲ ମଡ଼ା ଗ୍ରାମ ରେ ଥିବା ୫ ଟି ୱାର୍ଡ ରୁ ଯେଉଁ ପ୍ରାର୍ଥୀ ଅଧିକ ଭୋଟ ନେଇଥାଏ ସେହି ପ୍ରାର୍ଥୀ ବିଜୟୀ ହୋଇଥାଏ । ଚଳିତ ନିର୍ବାଚନ ରେ ମଧ୍ୟ ତାହା ଘଟିଲା । ବିଜେଡ଼ି ସମର୍ଥିତ ସରପଞ୍ଚ ପ୍ରାର୍ଥୀନୀ ଅମିତା ପରିଡ଼ା ଖାଲ ମଡ଼ା ଗ୍ରାମ ରୁ ସର୍ବାଧିକ ଭୋଟ ନେଇ ପ୍ରଥମ ସ୍ଥାନ ରେ ରହି ସସ୍ମିତା କୁମାରୀ ସ୍ୱାଇଁ ଙ୍କୁ ୧୧୪ ଭୋଟ ରେ ପରାସ୍ତ କରିଥିଲେ । ଚାରି ଜଣ ପ୍ରାର୍ଥୀନୀ ସରପଞ୍ଚ ପଦବୀ ପାଇଁ ପ୍ରତିଦ୍ୱନ୍ଦିତା କରୁଥିବା ବେଳେ ଅମିତା ପରିଡ଼ା ପ୍ରଥମ ସ୍ଥାନ ,ସସ୍ମିତା କୁମାରୀ ସ୍ୱାଇଁ ଦ୍ବିତୀୟ ସ୍ଥାନ ,ରଜନୀ ପ୍ରଧାନ ତୃତୀୟ ସ୍ଥାନ ଏବଂ ଅନୀତା ପ୍ରଧାନ ଚତୁର୍ଥ ସ୍ଥାନ ରେ ରହିଥିଲେ ।