ଭୁବନେଶ୍ୱର (ଓଡିଶା ତାଜା ନ୍ୟୁଜ୍ ) ଭୁବନେଶ୍ୱର 3.3. 2020 ରିଖ :- ୟୁକେ ସଂସ୍ଥା ସିରିଅମ ପକ୍ଷରୁ ଭାରତୀୟ ବିମାନ କଂପାନି ଗୋଏୟାରକୁ ଏସିଆ ପ୍ରଶାନ୍ତ ମହାସାଗରୀୟ ଅଂଚଳର ଦଶମ ଶ୍ରେଷ୍ଠ ସମୟାନୁବର୍ତୀ ବିମାନ କଂପାନିର ମାନ୍ୟତା ପ୍ରଦାନ କରାଯାଇଛି । ଏହି ସଂସ୍ଥା ୩୫ ନିୟୁତ ବିମାନକୁ ଅନୁଧ୍ୟାନ କରିବା ପରେ ଗୋଏୟାରକୁ ଏହି ରାଙ୍କ ପ୍ରଦାନ କରିଛି । ୨୦୧୯ରେ ୭୬.୯୪% ଅନ ଟାଇମ ପରଫରମାନ୍ସ (ଓଟିପି) ସହିତ ଭାରତର ଏକମାତ୍ର ବିମାନ କଂପାନି ଭାବେ ଗୋଏୟାର ଏସିଆ ପାସିଫିକ (ଏସିଆ ପ୍ରଶାନ୍ତ ମହାସାଗରୀୟ ଅଂଚଳ)ରେ ଶ୍ରେଷ୍ଠ ୧୦ ବିମାନ କଂପାନି ମଧ୍ୟରେ ସ୍ଥାନ ପାଇଛି । ସିରିଅମ ପକ୍ଷରୁ ୬୦୦ ବିଶ୍ୱ ସ୍ତରୀୟ ଉତ୍ସକୁ ବ୍ୟବହାର କରି ମାସକୁ ୩୦ ଲକ୍ଷ ବିମାନ ଉପରେ ନଜର ରଖାଯାଇଛି । ବିଶ୍ୱର ୯୭% ସିଡ୍ୟୁଲଡ ବିମାନ ଉପରେ ଏହା ନଜର ରଖିପାରୁଛି । ବେସାମରିକ ବିମାନ ଚଳାଚଳ ମହାନିର୍ଦେଶାଳୟ (ଡିଜିସିଏ)ର ଓଟିପି ର୍ୟାଙ୍କିଙ୍ଗରେ କ୍ରମାଗତ ୧୫ ମାସ ପର୍ଯ୍ୟନ୍ତ ଶୀର୍ଷ ସ୍ଥାନରେ ରହିଥିବା ଗୋଏୟାର ପାଇଁ ସିରିଅମର ମାନ୍ୟତା ଏହାର ସଫଳତା ପୁସ୍ତକରେ ଆଉ ଏକ ଫର୍ଦ୍ଦ ଯୋଡ଼ିଛି । ଏହି ସଫଳତା ସଂପର୍କରେ ଗୋଏୟାରର ପରିଚାଳନା ନିର୍ଦେଶକ ଜେହ ୱାଡ଼ିଆ କହିଛନ୍ତି ଯେ, “ଏସିଆ ପ୍ରଶାନ୍ତ ମହାସାଗରୀୟ ଅଂଚଳର ସବୁଠୁ ସମୟାନୁବର୍ତୀ ବିମାନ କଂପାନି ଭାବେ ସିରିଅମ ତରଫରୁ ମାନ୍ୟତା ହାସଲ କରିବା ବାସ୍ତବରେ ଗର୍ବର ବିଷୟ । ସମୟାନୁବର୍ତିତା, ଭରସାଯୋଗ୍ୟତା ଏବଂ ଗ୍ରାହକ ସନ୍ତୁଷ୍ଟି କ୍ଷେତ୍ରରେ ଆଗରେ ରହିବା ଲାଗି ଆମର ରହିଥିବା ପ୍ରତିବଦ୍ଧତା ପ୍ରତି ଏହା ହେଉଛି ଉପଯୁକ୍ତ ପ୍ରତିଫଳନ । ଗୋଏୟାରର ସମସ୍ତ ଟିମ ଦିନରାତି ଏକ କରି କାର୍ଯ୍ୟ କରିଥିବାରୁ ଏହା ସମ୍ଭବ ହୋଇଛି ଏବଂ ଏହା ଗ୍ରାହକମାନଙ୍କୁ ଶ୍ରେଷ୍ଠ ଗମନାଗମନ ଅନୁଭୂତି ପ୍ରଦାନ କରିଛି । ସେମାନଙ୍କ ଉଦ୍ୟମକୁ ପୁଣି ଥରେ ସ୍ୱୀକୃତି ମିଳିଛି ଏବଂ ଏହା କହିବା ଅନାବଶ୍ୟକ ଯେ ଗୋଏୟାରରେ ଯାତ୍ରା କରିଥିବା ନିୟୁତାଧିକ ଯାତ୍ରୀଙ୍କ ସମର୍ଥନ ବିନା ଏହା ସମ୍ଭବପର ହୋଇପାରିନଥାନ୍ତା । ବିମାନ ଶିଳ୍ପରେ ସମୟାନୁବର୍ତି ପ୍ରଦର୍ଶନର ଗୁରୁôତ୍ୱ ସଂପର୍କରେ ସିରିଅମର ସିଇଓ ଜେରେମି ବାୱେନ କହିଛନ୍ତି ଯେ,ବିମାନ ଭଡ଼ାରେ ରିହାତି ଏବଂ ବିମାନ ଉପଲବ୍ଧତା ଠାରୁ ବିଶ୍ୱ ସ୍ତରୀୟ ଗ୍ରାହକ ସନ୍ତୁଷ୍ଟି ଏବଂ ଉତ୍ପାଦରେ ଭିନ୍ନତା ବହୁତ ଅଧିକ ଅଟେ । ଆଜିର ଯାତ୍ରୀମାନେ ବିମାନ ଚୟନ କରିବା ବେଳେ ଓଟିପି ଏବଂ ପରିଚାଳନା ଭରସାଯୋଗ୍ୟତାକୁ ଦେଖୁଛନ୍ତି । ଆମର ଓଟିପି ଅନୁଶୀଳନ ଲାଗି ଆମେ ସର୍ବୋଚ୍ଚ ସ୍ତରର ଡାଟା ଆନାଲିସିସି ବ୍ୟବହାର କରିଥିଲୁ ଏବଂ ଆମର ବିଶ୍ୱାସ ରହିଛି ଯେ ସିରିଅମର ଓଟିପି ରିଭ୍ୟୁ ୨୦୧୯ ବିମାନ କଂପାନି ଓ ବିମାନ ବନ୍ଦରଗୁଡ଼ିକୁ ଉନ୍ନତ ପ୍ରଦର୍ଶନ କରିବା ଲାଗି ଅନୁପ୍ରାଣିତ କରିବ ।
ଗୋଏୟାର ଏସିଆ ପ୍ରଶାନ୍ତ ମହାସାଗରୀୟ ଅଂଚଳରେ ଦଶମ ଶ୍ରେଷ୍ଠ ସମୟାନୁବର୍ତୀ ବିମାନ କଂପାନି
- Categories: Uncategorized, ଓଡ଼ିଶା, ବାଣିଜ୍ୟ, ହୋମ୍
Related Content
ପ୍ରତିଶୃତିରେ ରହିଗଲା ୪୨ ମୌଜା ଶୀତଳ ଭଣ୍ଡାର ; ହତାଶ ହୋଇ ଚାଷ ଜମି ବିକି ସର୍ବସ୍ବାନ୍ତ ଚାଷୀ କୂଳ !
by
Proprietor by Abhimanyu Maharana
May 18, 2024
କଂଗ୍ରେସ ଛାଡି ବିଜେଡ଼ି ରେ ଯୋଗ ଦେଲେ ମୂଳବସନ୍ତ ପଞ୍ଚାୟତ
by
Proprietor by Abhimanyu Maharana
May 18, 2024
ବିଜେଡ଼ି ଦଳର ଜୋନ ସ୍ତରୀୟ ପ୍ରଚାର, ଦୁଇଟି ଶଙ୍ଖରେ ଭୋଟ ଦେବାକୁ ପ୍ରାର୍ଥିଙ୍କ ନିବେଦନ
by
Proprietor by Abhimanyu Maharana
May 18, 2024
ନବୀନ ସରକାର କୁଶାସନର କିର୍ତ୍ତୀମାନ ସ୍ଥାପନ କରିଛନ୍ତି : ପୁରନ୍ଦର ମିଶ୍ର
by
Proprietor by Abhimanyu Maharana
May 18, 2024
ଖୋର୍ଦ୍ଧାରୋଡ଼ ରେଳ ମଣ୍ଡଳ ପକ୍ଷରୁ ୬୮ତମ ରେଳ ସପ୍ତାହ ପୁରସ୍କାର ବିତରଣ ଉତ୍ସବ-"ରେଳ ସେବା ପୁରସ୍କାର-୨୦୨୩"ଆୟୋଜିତ
by
Proprietor by Abhimanyu Maharana
May 18, 2024
खोरधारोड मंडल द्वारा ६८वां रेल सप्ताह पुरस्कार समारोह-"रेल सेवा पुरस्कार"-२०२३. ६५रेलवे कर्मचारियों को रेल सेवा पुरस्कार-२०२३से सम्मानित किया गया
by
Proprietor by Abhimanyu Maharana
May 18, 2024