ରଣପୁର ରେ ମାସ୍କ କୁ ନେଇ ଚାଲିଛି କଡାକଡି ଚେକିଙ୍ଗ, ଦୁଇ ଚକିଆ ଯାନଙ୍କ ପାଇଁ ନାହିଁ ହେଲମେଟ ଚେକିଙ୍ଗ   

ରଣପୁର ରାସ୍ତା ରେ ଯାତାୟତ କରୁଥିବା ଲୋକଙ୍କ ମାସ୍କ ପରିଧାନ କୁ ନେଇ ସଚେତନ କରାଯାଉଛି । ହେଲେ ଦୁଇ ଚକିଆ ଯାନଙ୍କ ପାଇଁ ନାହିଁ ହେଲମେଟ ଚେକିଙ୍ଗ … !! 

ଓଡ଼ିଶା ତାଜା ନ୍ୟୁଜ୍ ( ୧୦ ଏପ୍ରିଲ , ଶନିବାର ) ରଣପୁର ରିପୋର୍ଟ /ଅଭିମନ୍ୟୁ ମହାରଣା :- ରଣପୁର ବ୍ଲକରେ ମାସ୍କ କୁ ନେଇ କଡାକଡି କରିଛି ରଣପୁର ପୋଲିସ ପ୍ରଶାସନ । କରୋନା ର ଦ୍ୱିତୀୟ ପର୍ଯ୍ୟାୟରେ ରାଜ୍ୟ ସରକାର ଙ୍କ କୋଭିଡି କୁ ନେଇ ସ୍ୱତନ୍ତ୍ର ଗାଇଡ଼ଲାଇନ ଲାଗୁ ହୋଇଥିବା ବେଳେ ରଣପୁର ରେ ଏହାର ପ୍ରଭାବ ଦେଖିବାକୁ ମିଳୁଛି । ରଣପୁର ରେ ସାଧାରଣ ଲୋକ ଙ୍କ ପାଇଁ କେବଳ ମାସ୍କ ପରିଧାନ କୁ ବାଧ୍ୟତାମୂଳକ କରିଥିବାର ଦେଖିବାକୁ ମିଳିଛି । ରାସ୍ତା ରେ ଯାତାୟତ କରୁଥିବା ଲୋକଙ୍କ ମାସ୍କ ପରିଧାନ କୁ ନେଇ ସଚେତନ କରାଯାଉଛି ହେଲେ ଦୁଇ ଚକିଆ ଯାନଙ୍କ ପାଇଁ ନାହିଁ ହେଲମେଟ ଚେକିଙ୍ଗ ।

ମୁଣ୍ଡରେ ହେଲମେଟ ନଥିବା ଲୋକ ଙ୍କୁ ସଚେତନ ନକରି କେବଳ କରୋନା ନିୟମ କୁ କଡାକଡି କରୁଛି ପ୍ରଶାସନ ।  ରଣପୁର ପରିବା ମାର୍କେଟ ରେ ନାହିଁ ସାମାଜିକ ଦୂରତା ଏବଂ ପରିବା ବିକ୍ରି କରୁଥିବା ଲୋକଙ୍କ ମୁହଁରେ ମାସ୍କ ନଥିବା ଦେଖିବାକୁ ମିଳିଛି । ଏହାକୁ ନେଇ ପୋଲିସ ପ୍ରଶାସନ ପକ୍ଷରୁ କଡାକଡି କରାଯିବା ପାଇଁ ସାଧାରଣ ରେ ମତ ଉଠିଛି । ସାଧାରଣତଃ ଯେତିକି ନିୟମ କାନୁନ କରୋନା ପାଇଁ ଲାଗୁ ହୋଇଛି ସେତିକି ନିୟମ କାନୁନ ହେଲମେଟ ପରିଧାନ କୁ ବାଧ୍ୟତାମୂଳକ କରିବା ଦିଗରେ ଲାଗୁ ହେଉ ବୋଲି ସଚେତକ ମହଲ ରୁ ଦାବୀ ହେଉଛି ।

ପୋଲିସ ମାସ୍କକୁ ଯାଞ୍ଚ କରିବାରେ ତତ୍ପର ହୋଇ ଉଠିଛନ୍ତି । ଯେପରିକି ,ଚାନ୍ଦପୁରରୁ ସୁନାଖଳା ମେନ ରୋଡ଼ ପର୍ଯ୍ୟନ୍ତ , କନ୍ଧ ନୟାଗଡ଼ , କେରେଣ୍ଡାଟାଙ୍ଗି, ରାଇପଡା ,ଖଣ୍ଡିସି , ଗୋପାଳପୁର , ରଣପୁର ଏନଏସି, ଚମ୍ପତିପୁର ,ଲୋଧାଚୁଆ , କୋଇଲମା , କୋଟଗଡ , ସୁନଖଳା ଆଦି ପ୍ରମୁଖ ରାସ୍ତାରେ ଠିଆ ହୋଇ କରୋନା ପାଇଁ ଫୁ୍ଲ୍ କଡାକଡି ଚାଲିଛି ପୋଲିସ ଚେକିଙ୍ଗ ହେଲେ ନାହିଁ ନାହିଁ ରେ ହେଲମେଟ ଚେକିଙ୍ଗ । କେବଳ କରୋନା ସଚେତନ ନୁହେଁ ସଡ଼କ ସଚେତନ କରିବା ପାଇଁ ପୋଲିସ ପ୍ରଶାସନ କୁ ସାଧାରଣ ଦାବୀ ହେଉଛି ।