୧୬ ମାର୍ଚ୍ଚ,୨୦୨୪ (ଓଡିଶା ତାଜ଼ା ନ୍ୟୁଜ) କୋରାପୁଟ :-> ଅବିଭକ୍ତ କୋରାପୁଟ ଜିଲ୍ଲା ରେ ଥିବା ୧୪ ଆସନ ମଧ୍ୟରୁ ୧୨ ଟି ବିଧାନସଭା ଆସନ ଅନୁସୂଚିତ ଜନଜାତି ବର୍ଗର ପ୍ରାର୍ଥୀଙ୍କ ପାଇଁ ଉଦ୍ଦିଷ୍ଟ ଥିବାବଳେ ଗୋଟିଏ ଅନୁସୂଚିତ ଜାତିଙ୍କ ପାଇଁ କୋରାପୁଟ ବିଧାନସଭା ନିର୍ବାଚନମଣ୍ଡଳୀ ଓ ଅନ୍ୟ ଗୋଟିଏ ବିଧାନସଭା ନିର୍ବାଚନମଣ୍ଡଳୀ ଜୟପୁର ହେଉଛି ସାଧାରଣ ବର୍ଗଙ୍କ ପାଇଁ । ୧୯୭୧ ମଶିହାରୁ ଏଠାରେ ଯେଉଁ ନିର୍ବାଚନ ହୋଇଛି କଂଗ୍ରେସ ପ୍ରାର୍ଥୀ ମାନେ ଏଠାରୁ ୮ଥର ଜିତିକରି ଆସିଛନ୍ତି ।
୧୯୭୪ ମଶିହାରୁ ୧୯୯୫ ମଧ୍ୟରେ ହୋଇଥିବା ନିର୍ବାଚନରେ ରଘୁନାଥ ପଟ୍ଟନାୟକ ୫ ଥର ନିର୍ବାଚିତ ହୋଇ ଅର୍ଥ , ଆଇନ ମନ୍ତ୍ରୀ ଭଳି ଗୁରୁତ୍ୱପୂର୍ଣ୍ଣ ବିଭାଗର ଦାୟିତ୍ବ ସମ୍ଭାଳିଥିଲେ। ଅବଶ୍ୟ ଗୁପ୍ତ ପ୍ରସାଦ ଦାସ ୧୯୮୫ରେ କଂଗ୍ରେସରୁ ଜିତିଥିଲେ । ରବି ନାରାୟଣ ନନ୍ଦ ବିଜୁଜନତା ଦଳର ପ୍ରାର୍ଥୀ ଭାବେ ଏଠାରୁ ୨୦୦୦ ମଶିହାରୁ ୨୦୦୯ ପର୍ଯ୍ୟନ୍ତ ଲଗାତର ୩ ଥର ବିଜୟୀ ହୋଇଥିଲେ । ତେବେ ତାରା ପ୍ରସାଦ ବାହିନୀପତି ରବି ନାରାୟଣ ନନ୍ଦଙ୍କୁ ଟକ୍କର ଦେଇ ୨୦୧୪ ଓ ୨୦୧୯ ଲଗାତାର ଭାବେ ଜିତି ଆସୁଛନ୍ତି । ତାରା ପ୍ରସାଦ (ଭାଲୁ ବାହିନୀ ପତି ) ।