Home ଓଡ଼ିଶା ଭାଇ ଭାଇ ଙ୍କ ପାରିବାରିକ କଲହ ଯୋଗୁଁ ଦୁଇ ଭାଇ ସମେତ ଜେଲ୍ ଗଲେ ୭ ଭଡାଟିଆ ଗୁଣ୍ଡା by Proprietor by Abhimanyu Maharana 1 year ago Share on FacebookShare on TwitterWhatsapp ୩୦ମାର୍ଚ୍ଚ ,୨୦୨୩ (ଓଡ଼ିଶା ତାଜାନ୍ୟୁଜ ) ପାଟଣାଗଡ଼ :- ବଲାଙ୍ଗୀର ଜିଲ୍ଲା ଲରମ୍ଭା ଥାନା ଦଳପାଲି ଗାଁ ର ବିଭିଷଣ ଭୋଇ (୨୫) ଓ ଖୁଣ୍ଟସମଲାଇ ଗାଁ ର ବିକାଶ ଭୋଇ (୨୬) ଦୁଇ ଭାଇ ଙ୍କ ମଧ୍ୟରେ ଘରୋଇ କଲହ କୁ ନେଇ ଦୁଇ ଭାଇ ସମେତ ୭ ଜଣ ଭଡାଟିଆ ଗୁଣ୍ଡା ଙ୍କୁ ଲରମ୍ଭା ପୁଲିସ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ଘୁମେର ଗାଁ ର ଅନିରୁଦ୍ଧ ସାହୁ ( ଅନି)୧୮ , ମହରାପଦର ଗାଁ ର କାଲିଆ ମେହେର ( ୩୨ )ଓ ମନୋଜ ମେହେର(୪୭) , ଖୁଣ୍ଟସମଲାଇ ଗାଁ ର ଆକାଶ ଭୋଇ ( ୨୨), ମୁରିବାହାଲ ଗାଁ ର ପୁରୁଷୋତ୍ତମ ପସାୟତ (୨୮) ଅବିନାଶ ସାହୁ (୨୨) ଓ ଗୋକୁଳ ଭୋଇ (୨୦) , ରକ୍ତ ସମ୍ପକିୟ ଦୁଇ ଭାଇ ଙ୍କ ସମେତ ୭ ଜଣ ଭଡାଟିଆ ଗୁଣ୍ଡା ଙ୍କ କୋର୍ଟ ରେ ଜାମିନ ନାମଞ୍ଜୁର ହେବାରୁ ସେମାନଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ଥାନା ଅଧିକାରୀ ସୁଶାନ୍ତ ପ୍ରଧାନ ସୂଚନା ଦେଇଛନ୍ତି ।ସୂଚନା ଅନୁସାରେ ଦୁଇ ଭାଇ ବିଭିଷଣ ଓ ବିକାଶ ମଧ୍ୟରେ ଦୀର୍ଘ ଦିନରୁ କୌଣସି ପାରିବାରିକ କଲହ ଲାଗି ରହିଥିଲା । ଗତ ୨୭ ତାରିଖ ଦିନ ବିକାଶ ତାର ଭଡାଟିଆ ଗୁଣ୍ଡା ଆକାଶ, ପୁରୁଷୋତ୍ତମ, ଅବିନାଶ,ଓ ଗୋକୁଳ ଙ୍କୁ ସାଙ୍ଗରେ ନେଇ ଦଲପାଲି ଗାଁ ରେ ରହୁଥିବା ତା’ର ସାନ ଭାଇ ବିଭିଷଣ ର ଘର ଭିତରକୁ ଲାଠି ,ଗେଡା ମାଧ୍ୟମରେ ସହ ପରିବାର କୁ ମାରାଣାତ୍ମକ ଆକ୍ରମଣ କରିବା ସହ ଆବାସ ପତ୍ର କୁ ଭଙ୍ଗାରୁଜା କରିଥିଲା । ଏହାର ପୂର୍ବ ଦିନ ଗତ ୨୮ ତାରିଖ ବିଭିଷଣ ମଧ୍ୟ ଅନୁରୂପ ଭାବରେ ଭଡାଟିଆ ଗୁଣ୍ଡା ଅନି,କାଲିଆ ଓ ମନୋଜ କୁ ସାଙ୍ଗ ରେ ନେଇ ଦଳପାଲି ଗାଁ ରେ ରହୁଥିବା ତା’ର ବଡ଼ ଭାଇ ବିକାଶ ର ଘର କୁ ଯାଇ ଲାଠି ଓ ଗେଡା ମାଧ୍ୟମରେ ସହ ପରିବାର କୁ ମାରାଣାତ୍ମକ ଆକ୍ରମଣ କରିବା ସହ ଆବାସ ପତ୍ର କୁ ଭଙ୍ଗାରୁଜା କରିଥିଲା ।ଉଭୟେ ଗତ ୨୯ ତାରିଖ ଦିନ ଲରମ୍ଭା ଥାନା ରେ ପୃଥକ୍ ପୃଥକ୍ ଭାବରେ ଲିଖିତ ଅଭିଯୋଗ କରିଥିଲେ । ଲରମ୍ଭା ଥାନା ଅଧିକାରୀ ଶ୍ରୀ ପ୍ରଧାନ ଏସଡିପିଓ ଜ୍ୟୋର୍ତିମୟ ଭୁକ୍ତା ଙ୍କ ସହ ଆଲୋଚନା ପରେ ଦୁଇ ଟି ପୃଥକ୍ ମାମଲା ରୁଜୁ କରି ତାଙ୍କ ନିର୍ଦ୍ଦେଶ କ୍ରମେ ଦୁଇ ଭାଇ ବିକାଶ ଓ ବିଭିଷଣ ଙ୍କ ସହ ଉଭୟେ ନେଇ ଥିବା ୭ ଜଣ ଭଡାଟିଆ ଗୁଣ୍ଡା ଙ୍କୁ ଗିରଫ କରି କୋର୍ଟ ଚାଲାଣ କରିଛି । ଭଡାଟିଆ ଗୁଣ୍ଡା ସହ ଦୁଇ ଭାଇ ନିଜ ନିଜ ମଧ୍ୟରେ ମାଡପିଟ ହୋଇ ଜେଲ ଯାଇଥିବା ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । Categories: ଓଡ଼ିଶା, ବଲାଙ୍ଗିର, ହୋମ୍ Related Content ପଟ୍ଟନାୟକ ଇଣ୍ଡିଆ ଫାଉଣ୍ଡେସନ ତରଫରୁ କିଶୋର ଦ୍ବିବେଦୀଙ୍କୁ ସମ୍ବର୍ଦ୍ଧନା by Proprietor by Abhimanyu Maharana May 4, 2024 ଚିଲିକା ନିର୍ବାଚନ ମଣ୍ଡଳୀରୁ ବିଜେଡି ବିଧାୟକ ପ୍ରାର୍ଥୀ ରଘୁନାଥ ସାହୁ ମା' ଭଗବତୀ ଙ୍କ ଆଶିର୍ବାଦ ନେଇ ବିପୁଳ ଜନସମାଗମରେ ପ୍ରାର୍ଥୀପତ୍ର ଦାଖଲ କଲେ। by Proprietor by Abhimanyu Maharana May 4, 2024 ସୌମ୍ୟ ରଂଜନ ପଟ୍ଟନାୟକ ବଦ୍ରିନାରାୟଣ ପାତ୍ରଙ୍କ ବିରୋଧରେ ଲଢିବା ପାଇଁ ରଣହୁଙ୍କାର ଦେଇଛନ୍ତି by Proprietor by Abhimanyu Maharana May 4, 2024 Vigilance arrests Asst. Executive Engineer by Proprietor by Abhimanyu Maharana May 4, 2024 ନାମାଙ୍କନ ଦାଖଲ କଲେ ପ୍ରଦୀପ ସାହୁ by Proprietor by Abhimanyu Maharana May 4, 2024 Former Ranpur MLA Rabinarayan Mohapatra resigns from BJD by Proprietor by Abhimanyu Maharana May 4, 2024