Home ଓଡ଼ିଶା ଜାତୀୟ ଜନଜାତି କଳାବସ୍ତୁ ମେଳାର ପଞ୍ଚମ ସନ୍ଧ୍ୟା by Proprietor by Abhimanyu Maharana 1 year ago Share on FacebookShare on TwitterWhatsapp ୧୭ମାର୍ଚ୍ଚ ,୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନେଶ୍ୱର :- ଜାତୀୟ ଜନଜାତି କଳାବସ୍ତୁ ପ୍ରଦର୍ଶନୀର ଆଜି ଥିଲା ପଞ୍ଚମ ସନ୍ଧ୍ୟା । ୟୁନିଟ୍-୧ସ୍ଥିତ ଆଦିବାସୀ ପ୍ରଦର୍ଶନୀ ପଡ଼ିଆରେ ଆୟୋଜିତ ଏହି ମେଳାରେ ଗୁଜୁରାଟ, ତେଲେଙ୍ଗାନା, ଅରୁଣାଞ୍ଚଳ ପ୍ରଦେଶ, ତାମିଲନାଡୁ, ଉତ୍ତରପ୍ରଦେଶ ପ୍ରଭୃତି ରାଜ୍ୟ ସମେତ ଓଡ଼ିଶାର ବିଭିନ୍ନ ଜିଲ୍ଲାର ଜନଜାତି କାରିଗରମାନଙ୍କ ସମାଗମ ହୋଇଛି । ସେମାନଙ୍କ ପାରମ୍ପରିକ ବେଶପୋଷାକ ଦେଖି ଭୁବନେଶ୍ୱରବାସୀଙ୍କ ଯେତିକି ଉତ୍ସାହ ବଢ଼ୁଛି, ସେମାନଙ୍କ ନିର୍ମିତ ଓ ପ୍ରଦର୍ଶିତ ସାମଗ୍ରୀର ସମ୍ଭାର ସେମାନଙ୍କୁ ସେତିକି ବିସ୍ମିତ କରୁଛି । ଖୁବ୍ ସରଳ ଅଥଚ ଆକର୍ଷଣୀୟ କଳା ସାମଗ୍ରୀଗୁଡ଼ିକୁ ନିଜସ୍ୱ ଜ୍ଞାନକୌଶଳରେ ବିକଶିତ କରି ସେଗୁଡ଼ିକୁ ବଜାର ଉପଯୋଗୀ କରିବା ଏଠାରେ ଯୋଗଦେଇଥିବା କାରିଗରମାନଙ୍କଠାରୁ ଶିଖିବାର ଅଛି । ବାଉଁଶ ସାମଗ୍ରୀ, ଲୁହାରୁ ପ୍ରସ୍ତୁତ ସୌଖୀନ ଜିନିଷ, କାଠନିର୍ମିତ ଯଷ୍ଟି, ଗଶେଶ ମୂର୍ତ୍ତି, ଖେଳନା, ଟେରାକୋଟା ନିର୍ମିତ ସୂକ୍ଷ୍ମ କଳାକୃତି, ଚିତ୍ରକଳା, ଜନଜାତିଙ୍କ ବାଦ୍ୟଯନ୍ତ୍ର (ବିଶେଷ କରି ଛୋଟ ପିଲାଙ୍କ ପାଇଁ ଓ ଘର ସଜାଇବା ପାଇଁ) ବିଭିନ୍ନ ଜନଜାତିଙ୍କ ପାରମ୍ପରିକ ବେଶପୋଷାକ, ଡୋକ୍ରା ସାମଗ୍ରୀ, ସୂଚୀକର୍ମଶୋଭିତ ଚାଦର, ପୋଷାକପତ୍ର ପ୍ରଭୃତିର ଭରପୂର ସମ୍ଭାର ମେଳାକୁ ଆକର୍ଷଣୀୟ କରିତୋଳିଛି । ସବୁଠାରୁ ବିଶେଷ ଆକର୍ଷିତ କରୁଛି ଜନଜାତିଙ୍କ ସହ ଦର୍ଶକଙ୍କ ଭାବଗତ ଆଦାନପ୍ରଦାନ,ସେମାନଙ୍କ କଳାବସ୍ତୁ ନିର୍ମାଣ କୌଶଳ ଏବଂ ବିପଣନ ପ୍ରତି ସେମାନେ ନେଇଥିବା ପଦକ୍ଷେପ ା ମେଳାକୁ ଆସୁଥିବା ଦର୍ଶକମାନେ କଳାବସ୍ତୁ ସାମଗ୍ରୀ ନେଇ ବିମୋହିତ ହେବା ଛଡ଼ା ଆଗ୍ରହ ସହକାରେ କିଣାବିକା କରୁଛନ୍ତି । ଅବସର ସମୟତକ ସେମାନଙ୍କ ସହ ସାଂସ୍କୃତିକ ଆଳାପ କରୁଛନ୍ତି । ମନୋରମ ସନ୍ଧ୍ୟାରେ ସ୍ୱତନ୍ତ୍ର ଉନ୍ନୟନ ପରିଷଦ ଦ୍ୱାରା ପ୍ରାୟୋଜିତ ଗଜପତି, ମାଲକାନଗିରି ଜିଲ୍ଲାର ଜନଜାତି କଳାକାରମାନେ ସେମାନଙ୍କ ଭିନ୍ନ ପାରମ୍ପରିକ ନୃତ୍ୟ ପ୍ରଦର୍ଶନପୂର୍ବକ ଦର୍ଶକମାନଙ୍କ ମନୋରଞ୍ଜନ କରୁଛନ୍ତି । ଏହି ମେଳା ଆସନ୍ତା ମାର୍ଚ୍ଚ ୧୯ ତାରିଖ ପର୍ଯ୍ୟନ୍ତ ଚାଲିବାର କାର୍ଯ୍ୟକ୍ରମ ରହିଛି । Categories: ଓଡ଼ିଶା, ମନୋରଞ୍ଜନ, ମହାନଗର, ହୋମ୍ Related Content କୋମାରେ କର୍ମୀ, ଦଶପଲ୍ଲା ପଶ୍ଚିମାଞ୍ଚଳରେ ନାହିଁ ନିର୍ବାଚନୀ ଉଷ୍ମତା by Proprietor by Abhimanyu Maharana May 8, 2024 ସିକୋ ଉଚ୍ଚ ଵିଦ୍ୟାଳୟର ପ୍ରଧାନଶିକ୍ଷକଙ୍କ ପିତୃ ବିୟୋଗ by Proprietor by Abhimanyu Maharana May 8, 2024 ସାମ୍ୱାଦିକଙ୍କ ସମସ୍ୟା ସମାଧାନ କ୍ଷେତ୍ରରେ ରାଜ୍ୟ ସରକାର ବିଫଳ : ରବି ରଥ by Proprietor by Abhimanyu Maharana May 8, 2024 ଗାଁ ଗାଁ ରେ ବିଜେଡି ପ୍ରାର୍ଥୀ ଅନ୍ତର୍ଯ୍ୟାମୀଙ୍କ ଭୋଟ ଭିକ୍ଷା by Proprietor by Abhimanyu Maharana May 8, 2024 ବିଜେଡ଼ି ବିଧାୟକ ପ୍ରାର୍ଥୀ ରମେଶ ଙ୍କ ମାରାଥନ ପ୍ରଚାର ରେ ପ୍ରକମ୍ପିତ ଦଶପଲ୍ଲା ନିର୍ବାଚନ ମଣ୍ଡଳୀ by Proprietor by Abhimanyu Maharana May 8, 2024 ବରିଷ୍ଠ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ନେଇ ଏକ ବୈଠକ ଆୟୋଜିତ by Proprietor by Abhimanyu Maharana May 8, 2024