Home ଓଡ଼ିଶା ବିପର୍ଯ୍ୟସ୍ତ ଆଇନଶୃଙ୍ଖଳା କୁ ନେଇ ବିଜେପି ଯୁବ ମୋର୍ଚ୍ଚା ର ସାମ୍ବାଦିକ ସମ୍ମିଳନୀ : 28 ରେ ବିଧାନସଭା ଘେରଉ ପାଇଁ ଚେତାବନୀ – ଗୋଲକ କହଁର by Proprietor by Abhimanyu Maharana 1 year ago Share on FacebookShare on TwitterWhatsapp ୨୬ ଫେବୃଆରୀ,ରବିବାର (ଓଡ଼ିଶା ତାଜାନ୍ୟୁଜ ) ଫୁଲବାଣୀ :- ରାଜ୍ଯରେ ବିପର୍ଯ୍ୟସ୍ତ ଆଇନଶୃଙ୍ଖଳାକୁ ନେଇ ଭାରତୀୟ ଜନତା ଯୁବମୋର୍ଚ୍ଚା ପକ୍ଷରୁ ଫୁଲବାଣୀ ସ୍ଥିତ ସାମ୍ବାଦିକ ଭବନଠାରେ ଏକ ସାମ୍ବାଦିକ ସମ୍ମିଳନୀ ଜିଲ୍ଲା ସଭାପତି ଗୋଲକ ବିହାରୀ କହଁର ଙ୍କ ନେତୃତ୍ବରେ ଅନୁଷ୍ଠିତ ହୋଇଯାଇଛି । ରାଜ୍ଯରେ 23 ବର୍ଷ ଧରି ଏକ ସ୍ଥିର ସରକାର ଶାସନ କରୁଥିବା ବେଳେ ଦିନକୁ ଦିନ ଆଇନଶୃଙ୍ଖଳା ବିପର୍ଯ୍ୟସ୍ତ ହେବାରେ ଲାଗିଛି। ଅଳ୍ପଦିନ ତଳେ କନ୍ଧମାଳ ଜିଲ୍ଲା ଫୁଲବାଣୀ ସ୍ଥିତ ଗଉଡସାହି ର ଛାତ୍ରୀ ମୃତ୍ୟୁ, ରାଙ୍ଗାପାରୁ ସ୍କୁଲର ନବମ ଶ୍ରେଣୀ ଛାତ୍ରୀ ମୃତ୍ୟୁ କିମ୍ବା ଅନ୍ବେଷା ହଷ୍ଟେଲ ଛାତ୍ର ମୃତ୍ୟୁ ପ୍ରତ୍ୟେକ ଟିରେ ପୋଲିସ ବିଭାଗ ତାର ବିଫଳତାର ପ୍ରମାଣ ଦେଖାଇଛି ।ଏଭଳିକି ଅନ୍ବେଷା ହଷ୍ଟେଲ ଛାତ୍ର ମୃତ୍ୟୁ ଘଟଣାରେ ବିଜେପି ଯୁବମୋର୍ଚ୍ଚା ପକ୍ଷରୁ ଟାଉନ୍ ଥାନାରେ ଦିଆଯାଇଥିବା କେସ୍ କୁ ଗ୍ରହଣ ମଧ୍ୟ କରାଗଲା ନାହିଁ ବୋଲି ସାମ୍ବାଦିକ ସମ୍ମିଳନୀରେ କ୍ଷୋଭ ପ୍ରକାଶ କରିଛନ୍ତି ଶ୍ରୀ କହଁର । ରାଜ୍ୟ ସରକାରଙ୍କ କ୍ୟାବିନେଟ ମନ୍ତ୍ରୀ ଭାବେ ଦାୟିତ୍ଵରେ ଥିବା ନବ ଦାସଙ୍କୁ ଦିନ ଦୁଇ ପହରରେ ସର୍ବସମ୍ମୁଖରେ ତାଙ୍କର ଜଣେ ପୋଲିସ ଏ.ଏସ୍.ଆଇ. ହତ୍ୟା କଲେ ଯାହାକି ଆଶ୍ଚର୍ଯ୍ୟର ବିଷୟ ଯେ ରକ୍ଷକ ଭକ୍ଷକ ସାଜିଲା ଏବଂ ପରେ ପରେ ଝାରସୁଗୁଡ଼ା ଡାକ୍ତରଖାନାରେ ଇ.ସି.ଜି ରିପୋର୍ଟ ମୃତ ବୋଲି ସୁଚାଇବା ସତ୍ତ୍ୱେ ମଧ୍ୟ ତାଙ୍କ ଶବକୁ ଅପରେସନ କରିବାର ବାହାନା କରି ଭୁବନେଶ୍ୱର ଏୟାର ଆମ୍ବୁଲାନ୍ସ ମାଧ୍ୟମରେ ନେବା ଏବଂ ରାଜନୀତି କରଣ କରିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି କହିଛନ୍ତି । ଏହି ଘଟଣାରେ ସାଧାରଣରେ ହେଉ ଅବା ଭାରତୀୟ ଜନତା ପାର୍ଟି ପକ୍ଷରୁ ବିଧାନସଭା ବାହାରେ ଏବଂ ଭିତରେ ମଧ୍ୟ ଏହାର ସତ୍ୟାସତ୍ୟ ଲୋକଲୋଚନକୁ ଆଣିବା ପାଇଁ ସି.ବି.ଆଇ. କୁ କେସ୍ ହସ୍ତାନ୍ତର କରିବାକୁ ବାରମ୍ବାର ଦାବି ସତ୍ତ୍ୱେ ରାଜ୍ୟ ସରକାର ନିଜର ଦୋଷ ଦୁର୍ବଳତା ଲୋକେ ଲୋଚନକୁ ଆସିଯିବା ଭୟରେ ଆଦୌ କର୍ଣ୍ଣପାତ କରୁନାହାନ୍ତି । ଯାହାକି ସାରା ଓଡ଼ିଶାର ଲୋକ ଏକ କ୍ୟାବିନେଟ ମନ୍ତ୍ରୀ ସୁରକ୍ଷିତ ନଥିବା ସ୍ଥଳେ ନିଜେ କିପରି ସୁରକ୍ଷିତ ରହିବେ ଭାବି ଭୟର ବାତାବରଣ ଭିତରେ ଜିବନ ବିତାଉଛନ୍ତି। ତେଣୁ ଏହାରି ପ୍ରତିବାଦରେ ଏବଂ ଏହି ଘଟଣାର ସତ୍ୟାସତ୍ୟ କୁ ଲୋକ ଲୋଚନକୁ ଆଣି ସାରା ଓଡିଶାକୁ ଭ୍ରମରୁ ଦୂର କରିବା ଦାବିରେ ଆସନ୍ତା ତା -28- 02-2023- ରିଖ ଦିନ ରାଜ୍ୟ ବିଜେପି ଯୁବମୋର୍ଚ୍ଚା ପକ୍ଷରୁ ବିଧାନସଭା ଘେରାଉ ହେବ । ଏହି ଘେରାଉରେ କନ୍ଧମାଳ ଜିଲ୍ଲାର ମଧ୍ୟ ହଜାର ହଜାର ଯୁବକ ସାମିଲ ହେବେ ବୋଲି ଶ୍ରୀ କହଁର କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ଜିଲ୍ଲା ସାଧାରଣ ସମ୍ପାଦକ ଜଗନ୍ନାଥ ସାହୁ (ଟିକୁ), ଜିଲ୍ଲା ସମ୍ପାଦକ ଗୌତମ ମଲ୍ଲିକ, ମଣ୍ଡଳ ସଭାପତି ଆଦିତ୍ୟ କହଁର ପ୍ରମୁଖ ଉପସ୍ଥିତ ଥିଲେ। Categories: ଓଡ଼ିଶା, କନ୍ଧମାଳ, ହୋମ୍ Related Content ନବୀନ ସରକାର କୁଶାସନର କିର୍ତ୍ତୀମାନ ସ୍ଥାପନ କରିଛନ୍ତି : ପୁରନ୍ଦର ମିଶ୍ର by Proprietor by Abhimanyu Maharana May 18, 2024 ଖୋର୍ଦ୍ଧାରୋଡ଼ ରେଳ ମଣ୍ଡଳ ପକ୍ଷରୁ ୬୮ତମ ରେଳ ସପ୍ତାହ ପୁରସ୍କାର ବିତରଣ ଉତ୍ସବ-"ରେଳ ସେବା ପୁରସ୍କାର-୨୦୨୩"ଆୟୋଜିତ by Proprietor by Abhimanyu Maharana May 18, 2024 खोरधारोड मंडल द्वारा ६८वां रेल सप्ताह पुरस्कार समारोह-"रेल सेवा पुरस्कार"-२०२३. ६५रेलवे कर्मचारियों को रेल सेवा पुरस्कार-२०२३से सम्मानित किया गया by Proprietor by Abhimanyu Maharana May 18, 2024 ବିଶାଳ ଶୋଭାଯାତ୍ରାରେ ନାମାଙ୍କନ ପତ୍ର ଦାଖଲ କଲେ ନିଆଳିର କଂଗେସ ବିଧାୟକ ପ୍ରାର୍ଥୀ ଜ୍ୟୋତି ରଞ୍ଜନ ମଲ୍ଲିକ by Proprietor by Abhimanyu Maharana May 18, 2024 ଓଡିଶାର ପୁର୍ବତନ ମନ୍ତ୍ରୀ ତଥା ଅବିଭକ୍ତ କୋରାପୁଟ ଜିଲ୍ଲାର ଜଣେ ଟାଣୁଆ ନେତା ଡମ୍ବରୁଧର ଉଲ୍ଲାକା ଙ୍କ ବିୟୋଗ by Proprietor by Abhimanyu Maharana May 18, 2024 ଖପ୍ରାଖୋଲ ବ୍ଲକ ସ୍ତରୀୟ ଲକ୍ଷେଘର ଗଣ୍ଡାସମାଜ ର ନୂତନ କର୍ମକର୍ତ୍ତା ଚୟନ by Proprietor by Abhimanyu Maharana May 18, 2024