ପ୍ରଥମ ବିବାହ ବାଷିକୀ ପାଳନ ଅବସରରେ ମୋହନା ସ୍ବତନ୍ତ ଦିବ୍ୟାଙ୍ଗ ବିଦ୍ୟାଳୟ ଅନ୍ତେବାସୀଙ୍କୁ ପ୍ରତି ଭୋଜନ ସହ ଶୀତବସ୍ତ୍ର ପ୍ରଦାନ କଲେ ଇଞ୍ଜିନିୟର ଦମ୍ପତି

୧୯ ନଭେମ୍ବର ଶନିବାର (ଓଡ଼ିଶା ତାଜାନ୍ୟୁଜ ) ଆର. ଉଦୟଗିରି :- ଗଜପତି ଜିଲା ମୋହନା ପଂଚାୟତ ଅନ୍ତର୍ଗତ ବେତାରସିଂ ଗ୍ରାମ ନିବାସୀ ଶ୍ରୀ ରଜନୀକାନ୍ତ ବୀର ଓ ତାଙ୍କ ଧର୍ମପତ୍ନୀ ସସ୍ମିତା ଲିମା ତାଙ୍କର ଏକବର୍ଷ ବିବାହ ବାର୍ଷିକୀ ମୋହନା ଠାରେ ଥିବା ମହାରାଜା କୃଷ୍ଣ ଚନ୍ଦ୍ର ଗଜପତି ଦୃଷ୍ଟିହୀନ, ବଧିର, ମାନସିକ ଅନଗ୍ରସର ଓ ମସ୍ତିଷ୍କ ପକ୍ଷାଘାତ ସ୍ୱତନ୍ତ୍ର ବିଦ୍ୟାଳୟ ରେ ଛାତ୍ରଛାତ୍ରୀଙ୍କ ସହ ଖୁବ ଆଡମ୍ବର ସହକାରେ ପାଳନ କରିଥିଲେ | ଉକ୍ତ କାର୍ଯ୍ୟକ୍ରମ ରେ ରଜନୀକାନ୍ତଙ୍କ ସମସ୍ତ ପରିବାର ଓ କିଛି ମାନ୍ୟଗଣ୍ୟ ବ୍ୟକ୍ତି ଯୋଗଦେଇଥିଲେ | ଏହି କାର୍ଯ୍ୟକ୍ରମ ରେ ଶ୍ରୀ ବୀର ବିଦ୍ୟାଳୟ ରେ ଥିବା ସମସ୍ତ ଛାତ୍ରଛାତ୍ରୀ ଓ କର୍ମଚାରୀ ଙ୍କ ପାଇଁ ମାଧ୍ୟାର୍ହ୍ନ ଭୋଜନର ବ୍ୟବସ୍ଥା କରିଥିଲେ | ପରିଶେଷରେ ସମସ୍ତ ଛାତ୍ର ଛାତ୍ରୀ ଓ ସେବକ ସେବିକା ପାଇଁ ଶୀତବସ୍ତ୍ର ଉପହାର ସଦୃଶ୍ୟ ପ୍ରଦାନ କରିଥିଲେ |ଆଜିକାଲି ସ୍ୱାର୍ଥ ସର୍ବସ୍ବ ଯୁଗରେ ଯୁବ ଇଞ୍ଜିନିଅରଙ୍କ ଏହିଭଳି ଅଭିନଵ ପ୍ରୟାସ କୁ ନେଇ ସ୍ଥାନୀୟ ଅଞ୍ଚଳବlସୀ ଖୁବ ପ୍ରଶଂସା କରିଥିଲେ | ସେମାନଙ୍କ ବୈବାହିକ ଜୀବନ ପୁଷ୍ପିତ ହେଉ ସମସ୍ତେ କାମନା କରିଥିଲେ lଏହି କାର୍ଯକ୍ରମ କୁ ବିଦ୍ୟାଳୟ ର ସମସ୍ତ ପରିଚାଳନା କମିଟି ଓ କର୍ମଚାରୀ ମାନେ ସହଯୋଗ କରିଥିଲେ | ପିଲାମାନେ ଏସବୁ ଗ୍ରହଣ କରି ଖୁବ ଖୁସି ଅନୁଭବ କରୁଥିବା ଦେଖାଯାଇଥିଲା l ଅନୁଷ୍ଠାନର ସମ୍ପାଦକ ଶ୍ରୀ ଦଣ୍ଡlସୀ ସାହୁ ଓ ପରିଚାଳନା କମିଟି ର ସମସ୍ତ ସଦସ୍ୟ ଏହି କାର୍ଯ୍ୟକ୍ରମକୁ ନେଇ ଖୁସି ବ୍ୟକ୍ତ କରିଥିଲେ ଏବଂ ଶେଷରେ ତାଙ୍କୁ ଆଶୀର୍ବାଦ ସହିତ ଉପହାର ପ୍ରଦାନ କରିଥିଲେ |