୧୬ ନଭେମ୍ବର ବୁଧବାର (ଓଡ଼ିଶା ତାଜାନ୍ୟୁଜ ) ନୟାଗଡ଼ :- ନୟାଗଡ଼ ମ୍ୟୁନିସିପାଲିଟିରେ କାର୍ଯ୍ୟକାରୀ ହେଉଥିବା ପ୍ରଧାନମନ୍ତ୍ରୀ ଆବାସ ଯୋଜନାର କାର୍ଯ୍ୟାନୂୟନ ସମ୍ପର୍କରେ ଆଜି ଜଜାଙ୍ଗୀସାହି ବିଜୁ ଆଦର୍ଶ କଲୋନୀର ପରିଚୟ ଗୃହ ଠାରେ ଜନଶୁଣାଣୀ ଶିବିର ଅନୁଷ୍ଠିତ ହୋଇ ଯାଇଛି । “ଲାଭସ୍” ସଂସ୍ଥାରୁ ଆସିଥିବା ୨ ଜଣ ପର୍ଯ୍ୟବେକ୍ଷକ ଲକ୍ଷ୍ମୀକାନ୍ତ ପାଇକରାୟ ଓ ମୁରଲୀଧର ବରାଡ ଆଜି ହିତାଧିକାରୀମାନଙ୍କ ସାମାଜିକ ସମୀକ୍ଷା ଓ ଜନଶୁଣାଣୀ କରିଥିଲେ ।
ସାମାଜିକ ସମୀକ୍ଷା ସାରା ବିଶ୍ଵରେ ସାମାଜିକ ଉତ୍ତର ଦାୟିତ୍ଵ ପାଇଁ ଏକ ପ୍ରଚଳିତ ଧାରା ବୋଲି ଦୃଢୋକ୍ତି ପ୍ରକାଶ କରିଥିଲେ । ସୁବିଧାରେ ଆବାସ ପାଉଛୁ, କିଛି ଅସୁବିଧା ହେଉନାହିଁ ବୋଲି ୩ ଜଣ ହିତାଧିକାରୀ ମତ ରଖିଥିଲେ । ଆଜିର ଜନଶୁଣାଣୀ ଶିବିରରେ ପୌରାଧ୍ୟକ୍ଷା ନିରୂପମା ଖଟେଇ, ଉପାଧ୍ୟକ୍ଷ ଗୁରୁପ୍ରସାଦ ଜେନା, ନିର୍ବାହୀ ଅଧିକାରୀ ମିସ୍ ସ୍ଵାତୀ ମିଶ୍ର, କାଉନସିଲର ଜାନକୀ ବଲ୍ଲଭ ଜେନା, କାଉନସିଲର ଊର୍ମିଳା ଜେନା,
ବସ୍ତି ମହାସଂଘ ସଭାପତି ଗଦାଧର ଜେନା ପ୍ରମୁଖ ଯୋଗ ଦେଇ ବିଗତ ୫ ବର୍ଷ ତଳର ବସ୍ତିର ରୂପରେଖ ବଦଳି ଯାଇଛି ବୋଲି ବକ୍ତବ୍ୟ ରଖିଥିଲେ । ହିତାଧିକାରୀଙ୍କୁ ତୁରନ୍ତ ପର୍ଯ୍ୟାପ୍ତ ପାନୀୟ ଜଳ ଯୋଗାଇ ଦିଆଯିବ ବୋଲି ମଧ୍ୟ ଦୃଢ ପ୍ରତିଶୃତି ଦେଇଥିଲେ । ଆବାସ ବିଶେଷଜ୍ଞ ନିଗମ ମହାପାତ୍ର, ଗୋଷ୍ଠୀ ସଙ୍ଗଠିକା ଇନ୍ଦୁମତୀ ପରିଡ଼ା ଓ ଆବାସ ତଥ୍ୟ ପରିଚାଳକ ସୁଧାଂଶୁ ମହାରଣା ପ୍ରମୁଖ ଆଜିର କାର୍ଯ୍ୟକ୍ରମ ପରିଚାଳନା କରିଥିଲେ ।
